​បង្ក្រាប​ទីតាំង​ភ្នាល់​បាល់​ដ៏​ធំ​មួយ នៅ​សង្កាត់​ផ្សារ​ដើម​គរ ឃាត់ខ្លួន​មនុស្ស ៦ នាក់​

​ដោយៈ រ៉ា​ម៉ន / ភ្នំពេញៈ ទីតាំង​ភ្នាល់​បាល់​ដ៏​ធំ​មួយ នៅតាម​បណ្ដោយ​ផ្លូវ​លេខ​២២៣ ក្នុង​សង្កាត់​ផ្សារ​ដើម​គរ ខណ្ឌទួលគោក ដែល​លួច​បើក​ដំណើរការ​ឡើងវិញ ក្រោយពី​បិទ​បាន​មួយរយៈ ពេលនេះ ត្រូវបាន​អាជ្ញាធរ​សង្កាត់​ផ្សារ​ដើម​គរ បង្ក្រាប​ជាថ្មី​ម្តងទៀត ដោយ​ឃាត់ខ្លួន​មនុស្ស​ប្រុស ស្រី ចំនួន ៥ នាក់ រួម​ជាមួយនឹង​សន្តិសុខ​ម្នាក់ទៀត​។ ក្នុង​ប្រតិបត្តិការ​នេះ បានធ្វើ​ឡើង កាលពី​ម៉ោងជាង ៣ រសៀល ថ្ងៃទី​២៨ ខែមករា ឆ្នាំ​២០២១ នេះ នៅផ្ទះ​មិន​ដាក់​ស្លាក​យីហោ តាម​បណ្ដោយ​ផ្លូវ​លេខ​២២៣ ក្នុង​សង្កាត់​ផ្សារ​ដើម​គរ ខណ្ឌទួលគោក ។​

​មន្ត្រី​ខណ្ឌទួលគោក បានឱ្យដឹងថាៈ ក្រោយពី​ទទួល​ព័ត៌មាន​ថា ទីតាំង​ខាងលើ បាន​បើក​ដំណើរការ យ៉ាង​រលូន​ឡើងវិញ ក្រោយពី​បិទ បាន​មួយរយៈ​នោះ លោក ឯក ឃុន​ដឿ​ន អភិបាលខណ្ឌ​ទូក​គោក បានដាក់​បទបញ្ជា ទៅ​លោក​ចៅសង្កាត់​ផ្សារ​ដើម​គរ ដឹកនាំ​កម្លាំង ចុះបង្ក្រាប​តែម្តង ដោយ​ឃាត់ខ្លួន​មនុស្ស​ប្រុស ស្រី ចំនួន​៥​នាក់ រួម​ជាមួយនឹង​សន្តិសុខ ម្នាក់ទៀត​។​

​ក្រោយ​ការបង្ក្រាប​នោះ មនុស្ស​ប្រុស​ស្រី​ទាំង ៥​នាក់ និង​សន្តិសុខ​ម្នាក់​ផង​នោះ ត្រូវបាន​សមត្ថកិច្ច​ឃាត់ខ្លួន ហើយ​បញ្ជូន​ទៅកាន់ អធិការដ្ឋាន​នគរបាល ខណ្ឌទួលគោក ដើម្បី​រៀបចំ​នីតិវិធី បញ្ជូនទៅ​តុលាការ កាត់ទោស ទៅតាម​ច្បាប់​៕/V​

ទីតាំងផ្សាយពាណិជ្ជកម្ម

- Advertisment -

Most Popular