Home ព័ត៌មានជាតិ សន្តិសុខ ​សមត្ថកិច្ច ឃ...

​សមត្ថកិច្ច ឃាត់ខ្លួន បុគ្គលិក​កាស៊ីណូ​ជនជាតិ​ថៃ ១៥​នាក់ នៅ​តំបន់​ព្រំដែន​សំឡូត​

ដោយៈ គ្រញូង / បាត់ដំបងៈ កម្លាំង​ក្រុម​អន្តរាគមន៍ វេន​ទី​១ នៃ​អធិការដ្ឋាន​នគរបាល ស្រុក​សំឡូត បាន​ឃាត់ខ្លួន បុគ្គលិក​កាស៊ីណូ ជា​ជនជាតិ​ថៃ ប្រុស​ស្រី ចំនួន ១៥ នាក់ នៅពេល​ពួកគេ បាន​ជិះ​រថយន្ត ពីរ​គ្រឿង ហើយ​បាន​វង្វេងផ្លូវ ចូល​ទឹកដី​កម្ពុជា តាម​ច្រក​ប៉ោយប៉ែត រួមជាមួយ​តៃកុង​ឡាន​ខ្មែរ ២ នាក់ ផ្សេងទៀត ដោយ​គ្មាន​ច្បាប់ នៅ​តំបន់​ព្រំដែន​សំឡូត​។​

​អធិការ​ស្រុក​សំឡូត​ឃាត់ខ្លួន​ជនជាតិ​ថៃ​ប្រុស​ស្រី​១៥​នាក់​និង​រថយន្ត​២​គ្រឿង​ទៅ​ឲ្យ​មន្ត្រី​អន្តោប្រវេសន៍​ច្រក​ដូង​ស្រុក​កំរៀង​

​លោក​វរសេនីយ៍ទោ ម៉ែន រី​ម អធិការនគរបាល​ស្រុក​សំឡូត បាន​ឲ្យ​ដឹងថាៈ នៅក្នុង​កិច្ចប្រតិបត្តិការ​នេះ បានធ្វើ​ឡើង កាលពី​វេលា​ម៉ោង ៥​និង​២០​នាទី ព្រឹក​នា​ថ្ងៃទី​២៨ ខែមករា ឆ្នាំ​២០២១ នៅ​ចំណុច​ផ្លូវបំបែក ភូមិ​ពាម​តា ឃុំ​តា​តោក ស្រុក​សំឡូត ខេត្តបាត់ដំបង ។​

​លោក​បាន​បញ្ជាក់ថាៈ ជនជាតិ​ថៃ​ទាំង ១៥​នាក់​នេះ ជា​បុគ្គលិក​កាស៊ីណូ​មួយ នៅ​ប៉ោយប៉ែត ទំនង​ត្រូវបាន​ជម្លៀស​បន្ត ទៅធ្វើ​ការ​នៅ​កាស៊ីណូ​នៅ​ថ្មដា ស្រុក​វាលវែង ខេត្តពោធិសាត់ ក៏​វង្វេងផ្លូវ ទើប​សមត្ថកិច្ច សួរនាំ​រួច​ថ្នាក់លើ អោយ​ឃាត់ខ្លួន​តែម្តង​។​

​អធិការ​ស្រុក​សំឡូត​ឃាត់ខ្លួន​ជនជាតិ​ថៃ​ប្រុស​ស្រី​១៥​នាក់​និង​រថយន្ត​២​គ្រឿង​ទៅ​ឲ្យ​មន្ត្រី​អន្តោប្រវេសន៍​ច្រក​ដូង​ស្រុក​កំរៀង​

​លោក​អធិការ​ស្រុក បាន​បន្តថាៈ ជនជាតិ​ថៃ ដែល​ត្រូវ​ឃាត់ខ្លួន​ទាំង ១៥ នាក់ ក្នុងនោះ​ស្រី ១១ នាក់ ដែល​ពួកគេ មកពី​ខេត្ត​ជាង​រ៉ៃ ចំនួន ១៣ នាក់ ខេត្ត​ឈាង​ម៉ៃ ចំនួន​១​នាក់ និង​ក្រុង​បាងកក ចំនួន​១​នាក់ ។ ដោយឡែក អ្នកបើកបរ ជា​ជនជាតិខ្មែរ ចំនួន ២​នាក់ មានៈ​១.​ឈ្មោះ គឹម ឡៃ ភេទ​ប្រុស អាយុ ៣៧​ឆ្នាំ មាន​ទីលំនៅ ភូមិ​ស្លក្រាម សង្កាត់​ស្លក្រាម ក្រុង​សៀមរាប ខេត្តសៀមរាប និង​២.​ឈ្មោះ ហេង អាត ភេទ​ប្រុស អាយុ​៤០​ឆ្នាំ នៅ​ភូមិ​ជន្លង់ សង្កាត់​សាលា​កំរើក ក្រុង​សៀមរាប ព្រមទាំង​ដកហូត រថយន្ត​ម៉ាក​ស្តា​រិច ចំនួន ២ គ្រឿង​។​

​លោក ម៉ែន រី​ម បានបញ្ជាក់​បន្ថែមថាៈ ក្រោយពី​ឃាត់ខ្លួន ជនជាតិ​ថៃ​ប្រុស​ស្រី​ទាំង​១៥​នាក់ ត្រូវបាន​សមត្ថកិច្ច បញ្ជូន​ទៅកាន់​នគរបាល​អន្តោប្រវេសន៍ ប្រចាំ​ច្រក​អន្តរជាតិ​ដូង ស្រុក​កំរៀង ដើម្បី​បញ្ជូន​ពួកគេ ទៅ​ប្រទេស​ថៃ ដើម្បី​ចាត់ចែង​បន្ត តាម​នីតិវិធី​៕/V

 

ទីតាំងផ្សាយពាណិជ្ជកម្ម

- Advertisment -

Most Popular