Home ព័ត៌មានអន្តរជាតិ គូស្នេហ៍​ភេទ​...

គូស្នេហ៍​ភេទ​ទី​៣​ឥណ្ឌូនេស៊ី​ត្រូវ​វាយ​នឹង​រំពាត់​ពីបទ​រួមភេទ​រំលោភ​ច្បាប់​សារៀ​

​ប្រែ​សម្រួល : កញ្ញា​ដា​លី​ស ៖ មន្ត្រី​យុត្តិធម៌​ម្នាក់​និយាយថា គូស្នេហ៍​ស្រលាញ់​ភេទ​ដូចគ្នា​មួយគូ​ត្រូវបាន​វាយ​នឹង​រំពាត់​នៅ​ខេត្ត​អាឆេ​នៃ​ប្រទេស​ឥណ្ឌូនេស៊ី​កាលពី​ថ្ងៃ​ព្រហស្បតិ៍ ដែល​ត្រូវបាន​រិះគន់​យ៉ាង​ខ្លាំង​ដោយ​អង្គការ​សិទិ្ធមនុស្ស​។​

​បុរស​ទាំង​ពីរ​នាក់​ត្រូវបាន​វាយ​ម្នាក់​ជិត ៨០ រំពាត់​ពីបទ​រួមភេទ​ដូចគ្នា ដែល​ត្រូវបាន​ហាមឃាត់​នៅ​ខេត្ត​អាឆេ​នៅក្រោម​ច្បាប់​អ៊ីស្លាម​ក្នុង​តំបន់​។​

​អ្នក​ទាំង​ពីរ ដែល​មិន​បញ្ចេញ​អត្តសញ្ញាណ បាន​ស្រែក​ទាំង​ឈឺ​ចុកចាប់ និង សុំ​ឱ្យ​បញ្ឈប់​ការ​វាយ​ធ្វើបាប ខណៈ​មន្ត្រីប៉ូលិស​អនុវត្ត​ច្បាប់​សារៀ​ពាក់​ម៉ាស់ វាយ​ខ្នង​ពួកគេ​ជាមួយ​រំពាត់ផ្តៅ​។​

​ការដាក់ទណ្ឌកម្ម​ត្រូវបាន​បញ្ឈប់​មួយ​ភ្លែត ហើយ​បុរស​ទាំង​ពីរ​អាយុ​ខ្ទង់ ២០ ឆ្នាំ​ដូចគ្នា ត្រូវបាន​អនុញ្ញាត​ឱ្យ​ផឹកទឹក មុន​ពេល​បន្ត​វាយ​នឹង​រំពាត់​ទៀត​។​

​ម្តាយ​របស់​បុរស​ម្នាក់​បាន​ដួលសន្លប់​នៅពេល​ឃើញ​កូនប្រុស​ខ្លួន​ត្រូវ​គេ​វាយ​ធ្វើបាប​ដូច្នេះ​។​

​មន្ត្រី​សណ្តាប់ធ្នាប់​សាធារណៈ​លោក ហេ​រូ ទ្រី​វី​ចា​ណាកូ បាន​ប្រាប់ AFP ថា “​ការពង្រឹង​អនុវត្ត​ច្បាប់​សារៀ​អ៊ីស្លាម​គឺ​ដាច់​ណាត់ មិន​ថា​អ្នក​ឯង​ជា​អ្នកណា​នោះ​ឡើយ​ត្រូវតែ​ទទួល​ទោស សូម្បី​តែ​ភ្ញៀវទេសចរ​ក៏​ត្រូវ​គោរព​បទដ្ឋាន​ក្នុង​តំបន់​នេះ​ដែរ​”​។​

​បុរស​ទាំង​ពីរ​នេះ​ត្រូវបាន​ចាប់ខ្លួន​កាលពី​ខែ​វិច្ឆិកា​នៅផ្ទះ​ជួល​មួយ ដែល​ម្ចាស់ផ្ទះ​ឃើញ​ពួក​គេ​អាក្រាត​មួយ​កំណាត់​ខ្លួន​នៅក្នុង​បន្ទប់​របស់​ពួកគេ​។​

​ការ​រួមភេទ​ដូចគ្នា​មិន​ខុស​ច្បាប់​អី​នោះ​ទេ​នៅ​កន្លែង​ផ្សេង​ទៀត​ក្នុងប្រទេស​ឥណ្ឌូនេស៊ី ហើយ​ខេត្ត​អាឆេ​គឺជា​តំបន់​តែមួយ​គត់​នៅ​ក្នុ​ង​ប្រទេស​មូស្លីម​ធំ​បំផុត​របស់​ពិភពលោក​មួយ​នេះ ដែល​ដាក់​ចេញ​នូវ​ច្បាប់​សារៀ​៕

បុរស​ស្រឡាញ់​ភេទ​ដូចគ្នា​ពីរ​នាក់​ត្រូវបាន​វាយ​ម្នាក់​ជិត ៨០ រំពាត់ ពី​បទ​រួមភេទ​ជាមួយគ្នា​

ទីតាំងផ្សាយពាណិជ្ជកម្ម

- Advertisment -

Most Popular