Home ព័ត៌មានជាតិ សន្តិសុខ បុរស​ចំណាស់​ម...

បុរស​ចំណាស់​ម្នាក់​ត្រូវ​ជាប់ពន្ធនាគារ​រយៈពេល​៤​ខែ​ពីបទ​ផិត​ប្រពន្ធដើម​

​ដោយៈ​ស​រិ​ទ្ធ​/​កណ្តាល​: បុរស​ម្នាក់​បាន​ត្រូវ​លោកស្រី ហេង ផល្លា ចៅក្រម​ជំនុំជម្រះ​សាលាដំបូង​ខេត្តកណ្តាល បានប្រកាស​សាលក្រម​នៅ​ថ្ងៃទី​២៩ ខែមករា ឆ្នាំ​២០២១ នេះ ដោយ​សម្រេច​ផ្តន្ទាទោស​ដាក់ពន្ធនាគារ​រយៈពេល​៤​ខែ ពីបទ​ផិត​ដោយយោង​តាម​ពាក្យបណ្តឹង​របស់​ប្រពន្ធដើម​។​

​ជនជាប់ចោទ​ឈ្មោះ បាន សារ៉េត អាយុ​៦២​ឆ្នាំ មុខរបរ​គួ​ក​ជេរ​ដី មាន​ទីលំនៅ​បច្ចុប្បន្ន​ភូមិ​ព្រែក​សំរោង​២ សង្កាត់​តាខ្មៅ ក្រុង​តាខ្មៅ​ខេត្តកណ្តាល ត្រូវបាន​កម្លាំង​នគរបាល​ការិយាល័យ​ប្រឆាំង​ការជួញដូរ​មនុស្ស និង​ការពារ​អនីតិជន​ខេត្តកណ្តាល ចាប់ខ្លួន​នៅ ថ្ងៃទី​១៦ ខែមករា ឆ្នាំ​២០២១​ដល់ផ្ទះ​តែម្តង នាំអោយមាន​ការភ្ញាក់ផ្អើល​យ៉ាងខ្លាំង ពី​អ្នកជិតខាង​ក្នុង​បុរី ពិភពថ្មី ក្រុង​តាខ្មៅ ។​

​សមត្ថកិច្ច​បាន​បញ្ជូន​ជនសង្ស័យ​មក​អយ្យការ​អម​សាលាដំបូង​ខេត្តកណ្តាល​ដើម្បី​ចាត់ការ​តាមច្បាប់ ។ ក្រោយមក នៅ​ថ្ងៃទី​១៦ ខែមករា ឆ្នាំ​២០២១ លោកស្រី ហេង ផល្លា ចៅក្រម​ជំនុំជម្រះ​សាលាដំបូង​ខេត្តកណ្តាល សម្រេច​ចេញ​ដីកាឃុំខ្លួន​បណ្តោះអាសន្ន និង កំណត់​ថ្ងៃ​សវនាការ នៅ​ថ្ងៃទី​២៩ ខែមករា​ឆ្នាំ​២០២១ ។​

​ឈ្មោះ បាន សារ៉េត ជាប់ចោទ​ពីបទ អំពើ​ផិត តាម​មាត្រា​៧ និង មាត្រា​១០​នៃ​ច្បាប់​ស្តីពី​ឯក​ពន្ធភាព ប្រព្រឹត្ត​នៅ​ភូមិ​បុ​ណ្ណា ឃុំ​ព្រះពុទ្ធ ស្រុក​កណ្តាលស្ទឹង ខេត្តកណ្តាល តាំងពី​ថ្ងៃទី​២ ខែមិថុនា ឆ្នាំ​២០២០ មកម្ល៉េះ ។​
​ដល់​ថ្ងៃ​កំណត់ ថ្ងៃទី​២៩ ខែមករា ឆ្នាំ​២០២១ ក្រោយ​ការសួរដេញដោល និង​ការសន្និដ្ឋាន​របស់​តំណាង​អយ្យការ , លោកស្រី​ចៅក្រម ហេង ផល្លា​បានប្រកាស​សាលក្រម​ផ្តន្ទាទោស​ជនជាប់ចោទ​ដាក់ពន្ធនាគារ​រយៈពេល​៤​ខែ ដោយ​គ្មាន​ការព្យួរទោស​ឡើយ ។​

​យោងតាម​លិខិតបញ្ជាក់​សុខភាព បង្ហាញថា ឈ្មោះ បាន សារ៉េត មាន​អាការ ជំងឺ​ដូចជា ទឹកនោមផ្អែម​, លើស​សម្ពាធ​ឈាម​, ចុកពោះ​, និង​ធ្លាប់មាន​ប្រវត្តិ​វះកាត់​ប្រមាត់​ចេញ​។​

​តាម​ការបញ្ជាក់​ពី​ជនជាប់ចោទ គឺ គាត់​នឹង​ប្តឹងទៅ​សាលាឧទ្ធរណ៍​បន្តទៀត ដើម្បី​រក​យុត្តិធម៌ ខណៈ​លោក​បាន​ចាកចោល​ផ្ទះ​ជាង​៦​ឆ្នាំ មកហើយ និង​មិនមែនជា​បទល្មើស​ជាក់ស្តែង ស្រាប់​តែមាន​ឃាត់ខ្លួន​ទាំង​លោក​នៅមាន​ជំងឺ​ធ្ងន់ធ្ងរ ៕

ទីតាំងផ្សាយពាណិជ្ជកម្ម

- Advertisment -

Most Popular