Home ព័ត៌មានសំខាន់ៗ ព្រឹក​នេះ វៀត...

ព្រឹក​នេះ វៀតណាម​រក​ឃើញ​អ្នក​ឆ្លងកូវី​ដ​ចំនួន​៣៤​នាក់​ទៀត តែ​សន្យា​ទប់ស្កាត់​ជំងឺឆ្លង​នេះ​អោយបាន​ក្នុងពេល​១​សប្តាហ៍​

​ប្រែ​សម្រួលៈ​វាសនា​/​ហាណូយ​៖​ក្រសួង​សុខាភិបាល​វៀត​ណា​ម​នៅ​ព្រឹក​ថ្ងៃ​សៅរ៍​នេះ បាន​អះអាង​អំពី​ការរកឃើញ​អ្នក​ឆ្លងកូវី​ដ​១៩​ចំនួន​៣៤​នាក់​ទៀត នៅក្នុង​ខេត្ត​ហាយ​ហ្វឿង និង​ខេត្ត ក្វា​ង នី​ញ ក្បែរ​​ខាង​នោះ ។​តួលេខ​ចុងក្រោយ​នេះ ធ្វើ​អោយ​ចំនួន​ឆ្លង​សរុប​ចេញពី​ការផ្ទុះកូ​វីដ​១៩​នៅ​បី​ថ្ងៃ​មកនេះ​កើន​ដល់​១៨០​នាក់​។​

​សូមបញ្ជាក់​ថា ចាប់តាំងពី​ការឆ្លង​ក្នុង​សហគមន៍​បាន​កើតមាន​ជា​ថ្មី​កាលពី​ថ្ងៃ​ព្រហស្បតិ៍​ក្រោយ​ពី​ស្ងប់ស្ងាត់​អស់​៥៥​ថ្ងៃ ខេត្ត​ហាយ​ហ្វឿង បាន​រក​ឃើញ​អ្នក​ឆ្លង​១៥៧​នាក់ និង​២០​នាក់​នៅក្នុង​ខេត្ត​​ក្វា​ង នី​ញ ដែល​ធ្វើអោយ​ខេត្ត​ភាគ​ខាងជើង​ទាំង​២​ក្លាយជា​ចំណុចក្តៅ​សំរាប់​កូវី​ដ​១៩​។​

​ការឆ្លង​រាលដាល​បាន​ទៅដល់​ទីក្រុង​ហាយ​ហ្វុង និង​ខេត្ត​បាក់​និ​ញ ព្រមទាំង​រដ្ឋធានី​ហាណូយ ដែល​នៅ​ចម្ងាយ​ផ្លូវ​ធ្វើដំណើរ​តែ​១​ម៉ោង​ពី ខេត្ត​ហាយ​ហ្វឿង​។​

​ប្រភព​នៃ​ការផ្ទុះកូ​វីដ​១៩​ថ្មី​នេះ​នៅ​មិនទាន់​កំណត់​បាន​នៅឡើយ ដោយ​អ្នកជំងឺ​ដំបូង​ជា​បុរស​ធ្វើការ​នៅ​អាកាសយានដ្ឋាន​អន្តរជាតិ​មួយ និង​ស្ត្រី​ម្នាក់​ធ្វើការ​នៅ​រោងចក្រ​អេឡិចត្រូនិច​មួយ​នៅ​ទីប្រជុំ​​ជន​ជី​លី​ញ​ក្នុង​ខេត្ត ហាយ ហ្វឿង​។​

​នៅពេល​ការឆ្លង​បច្ចុប្បន្ន​ហាក់​មាន​ល្បឿន​លឿន​ជាង​ការឆ្លង​មុន ពួក​អ្នកជំនាញការ​សុខភាព​វៀតណាម​កំពុង​វិភាគ​ប្រភេទ​វីរុស​លើ​អ្នកជំងឺ​២​នាក់​ដំបូង ផ្អែក​លើ​ទ្រឹស្តី​ដែល​ថា​វា​អាចជា​ប្រភេទ​វីរុស​កូ​​រ៉ូ​ណា ដូចគ្នា​នឹង​វីរុស​នៅ​អង់គ្លេស​ដែល​ចម្លង​ខ្លាំង​ជាង​វីរុស​ដើម​ដល់​ទៅ​៧០​ភាគរយ​។​

​ជាមួយនឹង​ការចាត់វិធានការ​ភ្លាមៗ រួម​មាន​ការតាមរក​អ្នក​ជាប់​ពាក់ព័ន្ធ​នឹង​ដាក់​តំបន់​ផ្ទុះ​ជំងឺ​នៅ​ដាច់​ពី​គេ រដ្ឋាភិបាល​វៀតណាម​បាន​សន្យា​ទប់ស្កាត់​ការឆ្លង​រាលដាល​នេះ​អោយបាន​តែ​ក្នុង​រង្វង់​មួយ​​សប្តាហ៍ គឺ​នៅ​សប្តាហ៍​ក្រោយ​។​អាជ្ញាធរ​តាំងពី​មុន​មក​បាន​តាម​រក​និង​ប្រមូល​មក​ធ្វើតេស្តិ៍​និង​ធ្វើ​ចត្តា​ឡីស័​ក​មនុស្ស​ជាង​៩​ពាន់​នាក់ ដែល​ពួកគេ​សុទ្ធតែ​មាន​ទំនាក់ទំនង​ជាមួយ​នឹង​ការផ្ទុះ​ជំងឺ​នៅ​ហាយ​​ហ្វឿង និង ក្វាង​នី​ញ​។​

​កាលពី​យប់​ថ្ងៃ​សុក្រ ក្រុង​ហូ​ជី​មី​ញ​ភាគខាងត្បូង​វៀតណាម​ក៏​បាន​រាយការណ៍​«​ករណី​សង្ស័យ​កើតកូ​វីដ​១៩»​លើ​មនុស្ស​ម្នាក់​ដែល​បាន​ទាក់ទង​ជិតដិត​ជាមួយ​មនុស្ស​កើតកូ​វីដ​១៩​ម្នាក់​នៅ​ហាយ​ហ្វឿង​។​ជន​​នេះ​បាន​ជិះ​យន្តហោះ​របស់​ក្រុមហ៊ុន​អាកាសចរណ៍​វៀតណាម​ពី​ក្រុង​ហាណូយ​មក​ចុះ​នៅ​ក្រុង​ហូ​ជី​មី​ញ​កាលពី​ថ្ងៃ​២៨​មករា​ក្រោយ​ការផ្ទុះកូ​វីដ​១៩​នៅ​វៀតណាម​ខាងជើង​បាន​មួយថ្ងៃ​។​

​គិត​ត​ត្រឹម​ព្រឹក​នេះ វៀតណាម​មាន​អ្នក​ឆ្លងកូវី​ដ​១៩​ចំនួន​១.៧៣៩​នាក់ តែ​នៅ​សេសសល់​អ្នក​មាន​វីរុស​នេះ​ចំនួន​២៥៣​នាក់​។​

​នៅ​ទូទាំង​ពិភពលោក កូវី​ដ​១៩​បាន​ចម្លង​មនុស្ស​១០២,៥​លាន​នាក់​និង​សម្លាប់​មនុស្ស​ជាង​២,២​លាន​នាក់​៕

​មណ្ឌល​សុខភាព​មួយ​នៅ​ខេត្ត​ហាយ​ហ្វឿង កាលពី​ថ្ងៃ​២៩​មករា​ត្រូវបាន​ប្រែក្លាយ​ជា មន្ទីរពេទ្យ​កណ្តាលវាល​មួយ​សំរាប់​ព្យាបាល​អ្នក​ឆ្លងកូវី​ដ​១៩

ទីតាំងផ្សាយពាណិជ្ជកម្ម

- Advertisment -

Most Popular