Home កីឡា ខ្សែ​ប្រយុទ្ធ...

ខ្សែ​ប្រយុទ្ធ Man City សឺ​ជី​អូ អាក្វេ​រ៉ូ នៅ​បន្ត​បង្ខាំង​ខ្លួនឯង​ដាច់ដោយឡែក ដូច្នេះ​នឹងត្រូវ​អវត្តមាន​ជំនួប​ជាមួយ Sheffield United

​ប្រែ​សម្រួល : កញ្ញា​ដា​លី​ស ៖ អ្នក​ចាត់ការ​ទូទៅ ប៉េប ហ្គាឌី​អូ​ឡា និយាយ​កាលពី​ថ្ងៃ​សុក្រ​ថា ខ្សែប្រយុទ្ធ​មេឃ​ខៀវ Manchester City សឺ​ជី​អូ អាក្វេ​រ៉ូ នឹង​ខកខាន​ការប្រកួត Premier League នៅ​ថ្ងៃ​សៅរ៍​នេះ​ទល់​នឹង​ក្រុម​ដាវ​ធំ Sheffield United ខណៈ​រូបគេ​មិនទាន់​អាច​វិលត្រឡប់​មក​លេង​វិញ​បាន បន្ទាប់​ពី​តេស្តិ៍​វិជ្ជមាន​កូវី​ដ​១៩​។​

​កីឡាករ​ស៊ុត​បញ្ចូល​ទី​ច្រើនជាងគេ​របស់​មេឃ​ខៀវ​រូបនេះ​បាន​ខកខាន​ការប្រកួត​ចំនួន ៦ លើក​មុន​នេះ ក្រោយ​ត្រូវ​បង្ខំចិត្ត​ធ្វើ​ចត្តា​ឡីស័​ក​បន្ទាប់ពីបាន​ប៉ះពាល់​ជាមួយ​អ្នក​ដែល​តេស្តិ៍​វិជ្ជមាន​កូវី​ដ​១៩ មុនពេល​ធ្វើតេស្តិ៍​ឃើញ​វិជ្ជមាន​ខ្លួនឯង​ដែរ​។​

​កីឡាករ​សញ្ជាតិ​អា​ហ្សង់​ទីន ដែល​ទើប​ចាប់ផ្តើមបាន​៣​ដង​នៅ​ក្នុង​ការប្រកួត​ទាំងអស់​នៅ​រដូវ​កាល​នេះ មិនទាន់​ត្រូវបាន​អនុញ្ញាត​ឱ្យ​វិលត្រឡប់​ទៅ​ហ្វឹកហាត់​នៅក្នុង​ក្រុម​ជម្រើស​ដំបូង​បាន​ទេ​។​

​លោក​ហ្គាឌី​អូ​ឡា​បាន​ប្រាប់​សន្និសីទ​សារព័ត៌មាន​ថា “​សឺ​ជី​អូ​មិនទាន់​អាច​មក​ទី​នេះ​បាន​នៅឡើយ​ទេ​។ នៅ​ពេល​គាត់​តេស្តិ៍​អវិជ្ជមាន គាត់​នឹង​ត្រឡប់មកវិញ​។ យើង​នៅតែ​មិនទាន់​មាន​លទ្ធផល​ត្រឡប់មកវិញ​ទេ​”៕

អាក្វេ​រ៉ូ​នឹង​អវត្តមាន​ក្នុងជំនួប​រវាង Man City និង Sheffield United ថ្ងៃ​សៅរ៍​នេះ​

ទីតាំងផ្សាយពាណិជ្ជកម្ម

- Advertisment -

Most Popular