Home ព័ត៌មានសំខាន់ៗ ផ្អាក​រថយន្ត​...

ផ្អាក​រថយន្ត​ដឹកទំនិញ​, ធុន​ធំ និង​ដឹក​ដី មិនឱ្យ​ធ្វើចរាចរ​លើ​កំណាត់​មហាវិថី​វិមាន​ឈ្នះ​-​ឈ្នះ ជា​បណ្តោះអាសន្ន នៅ​ថ្ងៃទី​០១ ខែកុម្ភៈ

​ដោយ​:​រ៉ា​ម៉ន​/​ភ្នំពេញ​: នៅ​ថ្ងៃទី​០១ ខែកុម្ភៈ ឆ្នាំ​២០២១ ខាងមុខនេះ រដ្ឋបាល​រាជធានី​ភ្នំពេញ មិន​អនុញ្ញាត ឲ្យ រថយន្ត​ដឹកទំនិញ រថយន្ត​ធុន​ធំ និង រថយន្ត​ដឹក​ដី​ឆ្លងកាត់ ត្រង់ចំណុច ផ្លូវ​វិមាន​ឈ្នះ​-​ឈ្នះ​ឡើយ ។​

​ការផ្អាក​ការធ្វើ​ចរាចរ​ជា​បណ្តោះអាសន្ន​លើ​កំណាត់ មហាវិថី​វិមាន ឈ្នះ​-​ឈ្នះ នេះ​ធ្វើឡើង ខណៈដែល សម្តេច​តេ​ជោ​ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ កម្ពុជា អញ្ជើញ​បើក​ការដ្ឋាន​សាងសង់​រោងចក្រ ប្រព្រឹត្ត​កម្ម​ទឹកស្អាត​បាក់​ខែង និង​ពិធី​សម្ពោធ​ដាក់​ឲ្យ​ដំណើរការ​ជា​ផ្លូវការ រោងចក្រ​ប្រព្រឹត្ត​កម្ម​ទឹកស្អាត ចំការមន ។​

​នេះ បើ​យោង តាម​សេចក្តី ជូនដំណឹង​របស់ រដ្ឋបាល​រាជធានី​ភ្នំពេញ ដែល​អ្ន ព័ត៌មាន​យើង​ទទួលបាន នា ល្ងាច​ថ្ងៃទី ២៩ មករា នេះ ដែល ក្នុង​សេចក្តីជូនដំណឹង​នេះ មានន័យថា នៅ ថ្ងៃទី​០១ ខែកុម្ភៈ ឆ្នាំ​២០២១ វេលា​ម៉ោង ០៧​និង​៣០ នាទី​ព្រឹក នឹងមាន​ប្រារព្ធ​ពិធីបើកការដ្ឋាន​សាងសង់​រោងចក្រ​ប្រព្រឹត្ត​កម្ម​ទឹកស្អាត បាក់​ខែង និង​ប្រកាស​សម្ពោធ​ដាក់​ឲ្យ​ដំណើរការ​ជា​ផ្លូវការ​រោងចក្រ​ប្រព្រឹត្ត​កម្ម​ទឹក​ស្អា ចំការមន ស្ថិតនៅ ភូមិ​បាក់​ខែង​លើ សង្កាត់​បាក់​ខែង ខណ្ឌ​ជ្រោយចង្វារ ក្រោម​អធិបតីភាព​ដ៏​ខ្ពង់ខ្ពស់​សម្តេច អគ្គមហាសេនាបតី តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា និង​សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន ។​

​ដើម្បី​ឲ្យ​កម្មវិធី​ខាងលើ​ប្រព្រឹត្ត ទៅដោយ​រលូន​រក្សាបាន​នូវ​សន្តិសុខ​សុវត្ថិភាព សណ្តាប់ធ្នាប់ និង របៀបរៀបរយ​សាធារណៈ ព្រមទាំង​បញ្ចៀស​បាន​នូវ​ការកកស្ទះ​ចរាចរ​រដ្ឋបាល​រាជធានី​ភ្នំពេញ​នឹង​បញ្ចៀស ចរាចរ​ចំពោះ​រថយន្ត​ដឹកទំនិញ រថយន្ត​ធុន​ធំ និង​រថយន្ត​ដឹក​ដី​គ្រប់​ប្រភេទ​លើ​កំណាត់​មហាវិថី​ឈ្នះ​-​ឈ្នះ ចាប់ពី​ផ្លូវជាតិ​លេខ ៦ រហូតដល់​ស្ពាន​ព្រែក​ព្នៅ នៅ​ថ្ងៃទី ០១ ខែកុម្ភៈ ឆ្នាំ ២០២១ មួយ​ព្រឹក​រហូតដល់ បញ្ចប់​កម្មវិធី​៕​

ទីតាំងផ្សាយពាណិជ្ជកម្ម

- Advertisment -

Most Popular