Home ព័ត៌មានអន្តរជាតិ ម្សិលមិញ ម៉ាឡ...

ម្សិលមិញ ម៉ាឡេស៊ី​មាន​អ្នក​ឆ្លងកូវី​ដ​១៩​ជាង​៥.០០០​នាក់​

​ប្រែ​សម្រួលៈ​វាសនា​/​គូ​ឡា​ឡាំ​ពួរ​៖ ម៉ាឡេស៊ី​កាលពី​ថ្ងៃ​សុក្រ​ទី​២៩​មករា បាន​រាយការណ៍​អំពី​ការ​រក​ឃើញ​អ្នក​ឆ្លង​វីរុស​កូរ៉ូណា​ប្រចាំ​ថ្ងៃ​ថ្មី​ខ្ពស់បំផុត គឺ​ជាង​៥.០០០​នាក់​ទោះជា​ប្រទេស​នេះ​ឈាន​ចូល​ដល់​សប្តាហ៍​ទី​៣​នៃ​ការបិទ​ប្រទេស​ដ៏​តឹងរឹង​នៅ​ផ្នែក​ខ្លះ​ដើម្បី​ទប់ស្កាត់​ការឆ្លង​រាលដាល​ជំងឺ​នេះ​ក្តី​។​

​អាជ្ញាធរ​បាន​និយាយថា មាន​ការឆ្លង​ថ្មី​៥.៧២៥​នាក់​កាលពី​ថ្ងៃ​សុក្រ ដែល​ជា​ចំនួន​ឆ្លង​ប្រចាំថ្ងៃ​ខ្ពស់​ជាង​ចំនួន​ឯតទគ្គ​កម្ម​ពីថ្ងៃ​សៅរ៍​សប្តាហ៍​មុន ដែល​មាន​អ្នក​ឆ្លង​ចំនួន​៤.២៧៥​នាក់​។​

​សូមបញ្ជាក់​ថា​លើកលែង​តែ​រដ្ឋ​សា​រ៉ា​វ៉ាក់ រដ្ឋ​ម៉ាឡេស៊ី​១២​ផ្សេង​ទៀត​និង​ដែនដី​សហព័ន្ធ​ចំនួន​៣ រួមមាន​ទីក្រុង​គូ​ឡា​ឡាំ​ពួរ​ផង បាន​ស្ថិត​ក្រោយ​ការគ្រប់គ្រង​ការធ្វើដំណើរ​យ៉ាង​តឹងរឹង​ចាប់ពី​ថ្ងៃ​១៣​មករា​​មក​។​

​ម៉ាឡេស៊ី​កាលពី​ថ្ងៃ​សុក្រ​ក៏​បាន​រាយការណ៍​អ្នក​ស្លាប់​ដោយកូវី​ដ​១៩​ចំនួន​១៦​នាក់​ទៀត ដែល​ធ្វើអោយ​អ្នក​ស្លាប់​ដោយកូវី​ដ​១៩​នៅក្នុង​ប្រទេស​នេះ​ឡើងដល់​៧៣៣​នាក់​។​

​ម៉ាឡេស៊ី ឥឡូវ​មាន​អ្នក​ឆ្លង​វីរុស​កូរ៉ូណា​ជាង​២០០.០០០​នាក់ ក្នុង​ចំណោម​ប្រជាពលរដ្ឋ​៣២​លាន​នាក់​។​ថៃ​មាន​ប្រជាពលរដ្ឋ​៦៩​លាន​នាក់ មាន​អ្នក​ឆ្លង​១៧.០២៣​នាក់ ឥណ្ឌូនេស៊ី​មាន​ប្រជាជន​២៧០​លាន ​មាន​អ្នក​ឆ្លង​ជាង​១,០៥​លាន​នាក់ និង​ហ្វីលីពីន​មាន​អ្នក​ឆ្លង​ជាង​កន្លះ​លាន​នាក់ ក្នុងចំណោម​ប្រជាជន​១០៨​លាន​នាក់​។​

​រដ្ឋាភិបាល​ម៉ាឡេស៊ី​បាន​ព្រមាន​ថា ចំនួន​ឆ្លង​ប្រចាំ​ថ្ងៃ​អាច​នឹង​ឡើងដល់​៨.០០០​នាក់​នៅ​ត្រឹម​ចុង​ខែ​មីនា ឬ​ឧសភា បើសិន​អត្រា​ឆ្លង​មិន​ធ្លាក់ចុះ​៕

​ស្ត្រី​ម្នាក់​ធ្វើតេស្តិ៍​រក​កូវី​ដ​១៩​នៅ​ជិត​ក្រុង​គូ​ឡា​ឡាំ​ពួរ កាលពី​ថ្ងៃ​២៧​មករា​

ទីតាំងផ្សាយពាណិជ្ជកម្ម

- Advertisment -

Most Popular