Home ព័ត៌មានជាតិ សន្តិសុខ ប៉ូលិស បញ្ជូន...

ប៉ូលិស បញ្ជូន​ជនសង្ស័យ​ម្នាក់ ទៅ​តុលាការ ពីបទ​លួច​លុយ​គេ​ជិត ២ លាន​រៀល​

ដោយៈ គ្រញូង/បាត់ដំបងៈ នគរបាល​ការិយាល័យ​ព្រហ្មទណ្ឌ​កម្រិត​ស្រាល​ខេត្ត នៅ​ព្រឹក​ថ្ងៃទី​៣០ ខែមករា ឆ្នាំ​២០២១ បាន​បញ្ជូន​ជន សង្ស័យ​ម្នាក់ ទៅ​តុលាការ ពីបទ​លួច​លុយ​គេ ចំនួន ១.៦៩០.០០០ រៀល​។ ជន​រូបនេះ ត្រូវ​កម្លាំង​នគរបាល​ស្រុក ថ្មគោល ចាប់ខ្លួនបាន កាលពី​រសៀល ថ្ងៃទី​២៩ មករា នៅ​ភូមិ​កកោះ ឃុំ​អូរ​តា​គី ស្រុក​ថ្មគោល ។​

​លោក​វរសេនីយ៍ឯក ឈឿង គឹម​សុង នាយការិយាល័យ​ព្រហ្មទណ្ឌ​កម្រិត​ស្រាល​ខេត្ត បាន​ឲ្យ​ដឹងថាៈ ជនសង្ស័យ​មានឈ្មោះ ធឿន ប៊ុន​ថៃ ភេទ​ប្រុស អាយុ ២៥​ឆ្នាំ រស់នៅ​ភូមិ កកោះ ឃុំ​អូ​តា​គី ស្រុក​ថ្មគោល​។ ចំណែក​ជនរងគ្រោះ ឈ្មោះ សេង ឡាយ ភេទ​ស្រី អាយុ ៥៧​ឆ្នាំ រស់នៅ​ភូមិ ឃុំ កើតហេតុ​ខាងលើ យក​អស់ប្រាក់​ខ្មែរ ចំនួន ១.៦៩០.០០០ រៀល​។​

​លោកនាយ​ការិយាល័យ​ជំនាញ បានបញ្ជាក់​ថាៈ ក្រោយពេល​ជនសង្ស័យ ឆ្លើយ​សារភាព រួចមក លោក​ឧ​ត្ត​ម​សេនីយ៍​ទោ សាត គឹម​សាន ស្នងការ​នគរបាល​ខេត្ត បាន​បញ្ជា​ឲ្យ កម្លាំង​ជំនាញ ក​សា​សំណុំរឿង បញ្ជូន​ជនសង្ស័យ និង​វត្ថុតាង ទៅ​តុលាការ ដើម្បី​ចាត់ការ តាម​នីតិវិធី​៕/V-PC

ជនសង្ស័យ ​និង​វត្ថុតាង

ទីតាំងផ្សាយពាណិជ្ជកម្ម

- Advertisment -

Most Popular