Home ព័ត៌មានសំខាន់ៗ សហភាព​អឺរ៉ុប ...

សហភាព​អឺរ៉ុប បង្ហាញ​យុទ្ធសាស្ត្រ​អាទិភាព​បី​ស្តីពី​កិច្ចសហប្រតិបត្តិការ​អភិវឌ្ឍ​ន៍​ជាមួយ​កម្ពុជា​

ដោយ​: មុនី​រ័ត្ន​/​ភ្នំពេញ : លោក​ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និង​សហប្រតិបត្តិការ​អន្តរជាតិ​ជួបពិភាក្សា​ការងារ ជាមួយ​លោកស្រី​ខា​មេ​ម៉ូ​រេណូ​ឯកអគ្គរដ្ឋទូត​សហភាព​អឺរ៉ុប​ប្រចាំ​កម្ពុជា​ផ្តោតលើ​ការពិគ្រោះ​យោបល់​ទៅលើ​យុទ្ធសាស្ត្រ​របស់​សហភាព​អឺរ៉ុប​ស្តីពី​កិច្ចសហប្រតិបត្តិការ​អភិវឌ្ឍ​ន៍​ជាមួយ​កម្ពុជា​ឆ្នាំ​២០២១-២០២៧​។ ជំនួប​បានធ្វើ​ឡើង​កាលពី​ថ្ងៃទី​២៨ ខែមករា នៅ​ទីស្តីការ​ក្រសួងការបរទេស​។​

លោក​ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និង​សហប្រតិបត្តិការ​អន្តរជាតិ​ជួបពិភាក្សា​ការងារ ជាមួយ​លោកស្រី​ខា​មេ​ម៉ូ​រេណូ​ឯកអគ្គរដ្ឋទូត​សហភាព​អឺរ៉ុប​ប្រចាំ​កម្ពុជា​(រូបថតក្រសួងការបរទេស)

​ប្រភព​ក្រសួងការបរទេស​បញ្ជាក់​ថា​ក្នុងជំនួប​នេះ​លោកស្រី​ឯកអគ្គរដ្ឋទូត​សហភាព​អឺរ៉ុប បាន​ជម្រាបជូន​លោក​ឧបនាយករដ្ឋមន្ត្រី ប្រាក់ សុខុន នូវ​វិស័យ​អាទិភាព​ទាំងបី​នៃ​យុទ្ធសាស្ត្រ​អឺរ៉ុប​ស្តីពី​កិច្ចសហប្រតិបត្តិការ​អភិវឌ្ឍ​ន៍​ជាមួយ​កម្ពុជា ឆ្នាំ​២០២១-២០២៧ ដែល​រួមមាន​៖​មួយ​.​កំណើនសេដ្ឋកិច្ច​និង​ការបង្កើត​ការងារ​,​ពីរ​.​កសិកម្ម​និង​ការគ្រប់គ្រង​ធនធានធម្មជាតិ​ដោយ​ផ្តោត​សំខាន់​លើ​វិស័យ​ជលផល​និង​បី​.​អភិបាលកិច្ច​និង​នីតិរដ្ឋ​។​ឯកអគ្គរដ្ឋទូត​សហភាព​អឺ​រ៉ុ​ក៏បាន​រំលឹក​ផងដែរ​អំពី​សមិទ្ធផល​មួយចំនួន​ក្រោម​កិច្ចសហប្រតិបត្តិការ​អភិវឌ្ឍ​ន៍​រវាង​កម្ពុជា​និង​សហភាព​អឺរ៉ុប​។​ក្នុងចំណោម​សមិទ្ធផល​ទាំងនោះ​គឺមាន​គម្រោង​រោងចក្រ​ប្រព្រឹត្តិកម្ម​ទឹកស្អាត​នៅ​សង្កាត់​បាក់​ខែង ដែល​ត្រូវបាន​ទ្រទ្រង់​ដោយ​ជំនួយឥតសំណង​ពី​សហភាព​អឺរ៉ុប និង​ទីភ្នាក់ងារ​អភិវឌ្ឍន៍​បារាំង​(AFD)​បូករួម​នឹង​ឥណទាន​ពី ធនាគារ វិនិយោគ​អឺរ៉ុប ដែល​គម្រោង​នេះ​នឹង​បង្កើត​ការងារ​ប្រហែល ១៦.០០០ កន្លែង និង​មានលទ្ធភាព​ផ្គត់ផ្គង់​ទឹកស្អាត​ដល់​ប្រជាជន ដែល​កំពុងមាន​តម្រូវការ​ទឹកស្អាត​បំផុត​។​

​ក្នុងអំឡុងពេល​នៃ​កិច្ច​ពិគ្រោះ​យោបល់​ខាងលើ​ភាគី​ទាំង​ពីរបាន​ផ្លាស់ប្តូរ​មតិយោបល់​គ្នា​ស្តីពី​កិច្ចសហប្រតិបត្តិការ​ស​មា​ហ​រណកម្ម​អាស៊ាន ជាពិសេស​ទាក់ទង​នឹង​បញ្ហា​គម្លាត​អភិវឌ្ឍន៍​រវាង​រដ្ឋ​សមាជិក ការគាំទ្រ​ពី​សហភាព​អឺរ៉ុប​ចំពោះ​កិច្ចខិតខំ​ប្រឹងប្រែង​កម្ពុ​ជា ក្នុង​ការធ្វើ សមាហរណកម្ម​ចូល​ទីផ្សារ​តំបន់ និង​ខ្សែ​ច្រវាក់​តម្លៃ ស្ថានភាព​ពលករ​ចំណាកស្រុក ស្ថានភាព ទីផ្សារ​អឺរ៉ុប​សម្រាប់​អង្ករ​កម្ពុជា​វិស័យ ទេសចរណ៍ កិច្ចសហការ​ជាមួយ​វិស័យ​ឯកជន ការបណ្តុះ បណ្តាល​ជំនាញ និង​កិច្ច​គាំពារ​សង្គម ការជំរុញ​ការវិនិយោគ​ទ្វេភាគី ដែល​ភាគី​ទាំងពីរ​បាន​ឯកភាព​ថា​យុទ្ធសាស្ត្រ​សម្រាប់​បញ្ហា​ខាងលើ​តម្រូវឱ្យមាន​ការសម្របសម្រួល​ទៅតាម​ស្ថានការណ៍​នៃ​ការរីក​រាលដាល​នៃ​ជំងឺ​-១៩ ។​

​លោក​ឧបនាយករដ្ឋមន្ត្រី ប្រាក់ សុខុន ក៏បាន​ថ្លែងអំណរគុណ​ដល់​សហភាព​អឺរ៉ុប​ចំពោះ​ជំនួយ​អភិវឌ្ឍន៍​ដល់​កម្ពុជា​ដែល​បាន​អនុវត្ត​ទាំង ក្រោម​ក្របខ័ណ្ឌ​ទ្វេភាគី​និង​រួមគ្នា​ជាមួយ​បណ្តា​ប្រទេស​អឺរ៉ុប​និង​ដែល​បាន​ចូលរួមចំណែក​យ៉ាងសំខាន់​ដល់​ការអភិវឌ្ឍន៍​សង្គម​-​សេដ្ឋកិច្ច​របស់​កម្ពុជា​ក្នុង​រយៈពេល​ជាង​ពីរ​ទសវត្ស​ន៍​កន្លះ​កន្លងមកនេះ​។​លោក​ឧបនាយករដ្ឋមន្ដ្រី​បាន​ស្វាគមន៍​ចំពោះ​ការពិគ្រោះ​យោបល់​បឋម​នេះ ដែលមាន​គោលបំណង​ធ្វើឱ្យ​ប្រសើរឡើង​នូវ​សកម្មភាព​អភិវឌ្ឍន៍​នានា​របស់​សហភាព​អឺរ៉ុប​។ លោក​ឧបនាយករដ្ឋមន្ដ្រី ក៏បាន​បង្ហាញ​ផងដែរ​នូវ​ការទន្ទឹងរង់ចាំ​ចំពោះ​ការបញ្ចប់​នៃ​យុទ្ធសាស្ត្រ​របស់​សហភាព​អឺរ៉ុប ស្តីពី​កិច្ចសហប្រតិបត្តិកា រ​អភិវឌ្ឍន៍​សម្រាប់​កម្ពុជា ឆ្នាំ​២០២១-២០២៧៕​សរន

លោក​ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និង​សហប្រតិបត្តិការ​អន្តរជាតិ​ជួបពិភាក្សា​ការងារ ជាមួយ​លោកស្រី​ខា​មេ​ម៉ូ​រេណូ​ឯកអគ្គរដ្ឋទូត​សហភាព​អឺរ៉ុប​ប្រចាំ​កម្ពុជា​(រូបថតក្រសួងការបរទេស)

លោក​ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និង​សហប្រតិបត្តិការ​អន្តរជាតិ​ជួបពិភាក្សា​ការងារ ជាមួយ​លោកស្រី​ខា​មេ​ម៉ូ​រេណូ​ឯកអគ្គរដ្ឋទូត​សហភាព​អឺរ៉ុប​ប្រចាំ​កម្ពុជា​(រូបថតក្រសួងការបរទេស)

ទីតាំងផ្សាយពាណិជ្ជកម្ម

- Advertisment -

Most Popular