Home ព័ត៌មានជាតិ សង្គម ប្រជាពលរដ្ឋ​ទ...

ប្រជាពលរដ្ឋ​ទូទាំង​ឃុំ​ត្បែងខ្ពស់​ខ្វះ​បង្គន់​ចំនួន​៣០៧​បាន​បង្គន់​អនាម័យ​ប្រើប្រាស់​គ្រប់​ខ្នង​ផ្ទះ​

ដោយ​: រ៉ា​ម៉ន / កំពង់ឆ្នាំង​: នៅ​ព្រឹក​ថ្ងៃ​សៅរ៍ ទី​៣០ ខែមករា ឆ្នាំ​២០២១ លោក ឈឹម សៅ​គី រដ្ឋលេខាធិការ​ក្រសួង​អភិវឌ្ឍន៍ជនបទ អនុប្រធាន​ក្រុមការងារ​គណបក្ស​ប្រជាជន​កម្ពុជា​ចុះ​មូលដ្ឋាន​ស្រុក​សាមគ្គី​មានជ័យ ខេត្តកំពង់ឆ្នាំង និង​ជា​ប្រធាន​ក្រុមការងារ​គណបក្ស​ប្រជាជន​កម្ពុជា​ចុះ​មូលដ្ឋាន​ឃុំ​ត្បែងខ្ពស់ ស្រុក​សាមគ្គី​មានជ័យ និង​មានការ​ចូលរួម​ពី​លោក យឺន សូ​ផល អនុប្រធាន​ក្រុមការងារ និង​លោក លោកស្រី ក្រុមការងារ​ថ្នាក់​ខេត្ត ថ្នាក់ស្រុក ថ្នាក់ឃុំ មេភូមិ អនុប្រធាន​ភូមិ សមាជិក​ភូមិ និង​យុវជន​ឃុំ បាន​អញ្ជើញ​ជួប​សំណេះសំណាល និង​ឧបត្ថម្ភ​សម្ភារ​សាងសង់​បង្គន់​អនាម័យ​ជំហាន​ទី​៤ ចំនួន​៧៨​បង្គន់ ជូន​ដល់​ប្រជាពលរដ្ឋ​ក្រីក្រ​ជួប​ការលំបាក​ចំនួន​៧៨​គ្រួសារ​ទៀត​ដើម្បី​បិទ​បញ្ចប់​នៅ​ទូទាំង​ឃុំ​ត្បែងខ្ពស់​មាន​បង្គន់​អនាម័យ​ប្រើប្រាស់​គ្រប់​ខ្នង​ផ្ទះ នៅ​ភូមិ​មាន​កកើត ឃុំ​ត្បែងខ្ពស់ ស្រុក​សាមគ្គី​មានជ័យ ខេត្តកំពង់ឆ្នាំង​។​

​មន្ត្រី​បញ្ជាក់​បញ្ជាក់ថា​៖​ប្រជាពលរដ្ឋ​ក្រីក្រ​ដែល​ខ្វះ​បង្គន់​អនាម័យ​ចំនួន​៣០៧​បង្គន់​ទាំងអស់​ក្នុង​ឃុ​ម​ត្បែងខ្ពស់​ស្រុក​សាមគ្គី​មានជ័យ​ទទួលបាន​ការជួយឧបត្ថម្ភ​ពី​សំណាក់​លោក ឈឹម សៅ​គី​ប្រធាន​ក្រុមការងារ និង លោក លោកស្រី ក្រុមការងារ​គណបក្ស​ប្រជាជន​កម្ពុជា​ចុះ​មូលដ្ឋាន​ឃុំ​ត្បែងខ្ពស់​។

​ឆ្លៀត​ក្នុងឱកាស​នោះ​លោក​ឈឹម សៅ​គី ប្រធាន​ប្រធាន​ក្រុមការងារ ក៏បាន​ពាំនាំ​នូវ​ការ​ផ្តាំផ្ញើ​សាកសួរ​សុខទុក្ខ​ពី​សំណាក់​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា និង​ជា​ប្រធាន​គណបក្ស​ប្រជាជន​កម្ពុជា និង​ឯកឧត្តម​បណ្ឌិតសភា​ចា​រ្យ អ៊ុក រ៉ាប៊ុន រដ្ឋមន្ត្រីក្រសួង​អភិវឌ្ឍន៍ជនបទ និង​ជា​ប្រធាន​ក្រុមការងារ​រាជរដ្ឋាភិបាល​ចុះ​មូលដ្ឋាន​ខេត្តកំពង់ឆ្នាំង ជូន​ដល់​ឯកឧត្តម លោក លោកស្រី ក្រុមការងារ និង​ប្រជាពលរដ្ឋ​ដែលមាន​វត្តមាន​ផងដែរ​។

​ជាមួយគ្នា​នោះ​លោក​ប្រធាន​បាន​មានប្រសាសន៍​សូមឱ្យ​បងប្អូន​ប្រជាពលរដ្ឋ ចេះ​រួបរួមសាមគ្គី​គ្នា ស្រឡាញ់ ផ្តល់​ស្នាមញញឹម និង​សណ្តោស​មេត្តា​គ្នា​ទៅវិញទៅមក ក្នុងការ​រស់នៅ​ប្រចាំថ្ងៃ​រវាង​គ្នា​នឹង​គ្នា ឱ្យ​ដូចជា​ឈ្មោះ​របស់​ស្រុក​សាមគ្គី​មានជ័យ​នេះ​តែម្តង​។​បន្ថែម​ពីលើ​នេះ​ទៀត​លោក​ប្រធាន បាន​មានប្រសាសន៍​ទៀតថា​៖ សូម​បងប្អូន លោកយាយ លោកតា ប្រជាពលរដ្ឋ ចូលរួម​ការពារ​សុខ​សន្តិភាព និង​ការអភិវឌ្ឍ ក្រោម​ការដឹកនាំ​ដ៏​ឈ្លាសវៃ​ប្រកបដោយ​គតិបណ្ឌិត​រប​ស់ស​ម្ដេច​តេ​ជោ ហ៊ុន សែន ប្រមុខ​រាជរដ្ឋាភិបាល ព្រមទាំង​បន្ត​គាំទ្រ​បោះឆ្នោត​ជូន​គណបក្ស​ប្រជាជន​កម្ពុជា​នៅ​អណ​ត្តិ​បន្តបន្ទាប់​ទៀត​។​
​លោក​បាន​ណែនាំ​ដល់​បងប្អូន​ទាំងអស់​សូម​ចូលរួម​អនុវត្តន៍​តាម​ការណែនាំ​របស់​ក្រសួងសុខាភិបាល ដើម្បី​ការពារ​ការរីក​ដាល​ដាល​នៃ​ជំងឺ​កូ​វីដ​១៩ និង​បាន​ឧបត្ថម្ភ​សាប៊ូ​អនាម័យ​ចំនួន​៣៩០​ដុំ ព្រមទាំង​ថវិកា​មួយចំនួន​ជូន​ដល់​ប្រជាពលរដ្ឋ​ដែលមាន​វត្តមាន​ចូលរួម​៕​

ទីតាំងផ្សាយពាណិជ្ជកម្ម

- Advertisment -

Most Popular