Home ព័ត៌មានជាតិ សង្គម ក្រុង​ប៉ោយប៉ែ...

ក្រុង​ប៉ោយប៉ែត​និង​ស្រុក​អូរជ្រៅ​ទទួល​ការឆ្លើយតប​ក្នុង​វេទិកា​ពិគ្រោះ​យោបល់​ក្រុមប្រឹក្សា​ខេត្ត អាណត្តិ​ទី​៣ ឆ្នាំ​២០២០

ដោយ​: ប​.​ជ័យ / បន្ទាយមានជ័យ​: ក្រុង​ប៉ោយប៉ែត​និង​ស្រុក​អូរជ្រៅ​ទទួល​ការឆ្លើយតប​ក្នុង​វេទិកា​ពិគ្រោះ​យោបល់​ក្រុមប្រឹក្សា​ខេត្ត អាណត្តិ​ទី​៣ ឆ្នាំ​២០២០ ពី​រដ្ឋបាលខេត្ត​បន្ទាយមានជ័យ​តាមរយៈ លោក​អភិបាលខេត្ត​និង​លោក​ប្រធាន​ក្រុមប្រឹក្សា​ខេត្ត ព្រមទាំង​មន្ទីរ​អង្គភាព ពាក់ព័ន្ធ​។​

​វេទិការ​ថ្ងៃទី​២៩​និង​៣០​ខែមករា​ឆ្នាំ​២០២១ នោះ​មាន​លោក​អ៊ុ រាត្រី អភិបាលខេត្ត​បន្ទាយមានជ័យ លោក​ខេង ស៊ុម ប្រធាន​ក្រុមប្រឹក្សា​ខេត្ត​ជា​អធិបតី ។​

​វេទិការ​បាន​ឆ្លើយតប និង​ដោះស្រាយ សំណូមពរ បញ្ហា គឺ​បញ្ហា​ក្តី​ព្រួយបារម្ភ​កង្វះ​ទឹក​ធ្វើ ស្រែប្រាំង​, ការជួស ជុល​ផ្លូវ​ដែល​រង​ការខូចខាត​នៅតាម​មូលដ្ឋាន​,​ប្រព័ន្ធធារាសាស្ត្រ បញ្ហា​ការផ្តល់​សេវាសាធារណៈ ទំនាស់​ដីធ្លី និង​មាន​បញ្ហា ប្រឈម​លើ ការអភិវឌ្ឍ​មូលដ្ឋាន​របស់គាត់​មួយចំនួនទៀត​ដែល​តម្រូវ​ឱ្យជួយ​ដោះស្រាយ​ជា បន្ទាន់​នោះ និង​មាន​បញ្ហា​សេសសល់ និង​ត្រូវ​ដាក់បញ្ចូល​ទៅក្នុង គម្រោង​អភិវឌ្ឍន៍​របស់​ខេត្ត​បន្តទៀត​។​

​ជាមួយគ្នា​នោះ ឆ្លើយតប​សំណើ​របស់​មូលដ្ឋាន លោក​អភិបាល​បានផ្តល់ ឯកសណ្ឋាន​ប្រជា​ការពារ​ភូមិ នៅ​ប៉ោយប៉ែត ៥ ឈុត និង​ថវិកា ២០០ ដុល្លា ដល់​នាយក​សាលា​នៅ​អនុវិទ្យាល័យ​ឈូក ឃុំ​ច​ង្ហា ស្រុក​អូរជ្រៅ ដើម្បី​រៀបចំ​បរិស្ថាន​ក្នុង​សាលា​ផងដែរ​។​

​សំណើ សំណូមពរ និង​បញ្ហា​តម្រូវការ​របស់​ប្រជាពលរដ្ឋ​នៅ​មូលដ្ឋាន ក្នុង​វេទិកា​ពិគ្រោះ​យោបល់​ក្រុមប្រឹក្សា​ខេត្ត ដែល​បាន​នឹង​កំពុង​ធ្វើ​រយៈពេល​២​ថ្ងៃ​មកនេះ លើ​៤​ក្រុង ស្រុក មាន​សំណើ សំណូមពរ បញ្ហា ប្រមាណ​ជិត​៤០០ ត្រូវបាន​ឆ្លើយតប ដោះស្រាយ​ជូន​ទាំងអស់ ក្នុងនោះ​នូវមាន​បញ្ហា​សេសសល់ នឹងត្រូវ​យកមក​ពិភាក្សា​ដោះស្រាយ​បន្ត និង​ដាក់​ក្នុង​ផែនការអភិវឌ្ឍន​ខេត្ត ។​

​រដ្ឋបាលខេត្ត​នឹង​បន្តធ្វើ​វេទិកា​នេះ​នៅ​៥​ក្រុង ស្រុក​ទៀត ទៅតាម​កម្មវិធី​គ្រោងទុក​៕​

ទីតាំងផ្សាយពាណិជ្ជកម្ម

- Advertisment -

Most Popular