ក្រុមប្រឹក្សា​អភិ​វ​ឌ្ឈ​ន៍​កម្ពុជា​ប្រកាស​យល់ព្រម​នឹង​គម្រោង​វិនិយោគ​៤​គម្រោង

​ដោយៈ ជា សីហៈ​/​ភ្នំពេញៈ តាម​សំណើសុំ​វិនិយោគ​របស់​ក្រុមហ៊ុន គណៈកម្មាធិការ​វិនិយោគ​កម្ពុជា នៃ​ក្រុមប្រឹក្សា​អភិវឌ្ឍន៍​កម្ពុជា បានសម្រេច​ចេញ​វិញ្ញាបនបត្រ​ចុះបញ្ជី​ជា​ស្ថាពរ ចំនួន​៤ ក្រុមហ៊ុន នៅ​បួន​ទីតាំង ដែល​បង្កើត​ការងារ​ធ្វើ​ជូន​ប្រជាពលរដ្ឋ​រាប់សិប​នាក់​បន្ថែមទៀត ។

​ក្រុមប្រឹក្សា​អភិ​វ​ឌ្ឈ​ន៍​កម្ពុជា បាន​អះអាងថា ក្រុមហ៊ុន​ទាំងនេះ​មាន ទី​១- “TAPERITE PLASTIC CO., LTD” គម្រោង​បង្កើត​រោងចក្រ​ផលិត​បង់​ស្អិត​គ្រប់​ប្រភេទ (all kinds of adhesive tape) ដែលមាន​ទីតាំង​វិនិយោគ​ស្ថិតនៅ​ភូមិ​ត្រាញ់​តា​បាញ់​និង​ភូមិ​ភ្លើង​ឆេះ​រទេះ​ខាងលិច សង្កាត់​ភ្លើង​ឆេះ​រទេះ ខណ្ឌ​កំបូល រាជធានី​ភ្នំពេញ មាន​ទុនវិនិយោគ​ប្រមាណ ២,៧​លាន​ដុល្លារ​អាមេរិក និង​អាចបង្កើត​ការងារ​បាន​ចំនួន ២០០​កន្លែង​។​

​ប្រភព​ដដែល​បាន​បន្តថា ទី​២​គឺ “XIN YUNFENG (CAMBODIA) FASHION CO., LTD” គម្រោង​បង្កើត​រោងចក្រ​កាត់ដេរ​សម្លៀកបំពាក់ ដែលមាន​ទីតាំង​វិនិយោគ​ស្ថិតនៅ​ភូមិ​ព្រៃ​ព្រីង​ខាងត្បូង​២ សង្កាត់​ចោមចៅ​ទី​៣ ខណ្ឌ​ពោធិ៍​សែន​ជ័យ រាជធានី​ភ្នំពេញ មាន​ទុនវិនិយោគ​ប្រមាណ ២,៤​លាន​ដុល្លារ​អាមេរិក និង​អាចបង្កើត​ការងារ​បាន​ចំនួន ៦១៤ កន្លែង​។​

​ប្រភព​ដដែល​បាន​បន្តទៀតថា ទី​៣​គឺ “UNICORN FOOTWEAR CO., LTD” គម្រោង​បង្កើត​រោងចក្រ​ផលិត​ស្បែកជើង ដែលមាន​ទីតាំង​វិនិយោគ​ស្ថិតនៅ​ភូមិ​ព្រៃ​ពង្រ ឃុំ​រកា​កោះ ស្រុក​គងពិសី ខេត្តកំពង់ស្ពឺ មាន​ទុនវិនិយោគ​ប្រមាណ ៥,៥​លាន​ដុល្លារ​អាមេរិក និង​អាចបង្កើត​ការងារ​បាន​ចំនួន ១.៩១០​កន្លែង​។​

​ប្រភព​ដដែល​បាន​បន្ថែមថា សម្រាប់​ទី​៤គឺ “LAURENCE FOOTWEAR CO., LTD” គម្រោង​បង្កើត​រោងចក្រ​ផលិត​ស្បែកជើង ដែលមាន​ទីតាំង​វិនិយោគ​ស្ថិតនៅ​ភូមិ​សង្គ្រោះ​ជាតិ ឃុំ​ត្រពាំង​គង ស្រុក​សំរោង​ទង ខេត្តកំពង់ស្ពឺ មាន​ទុនវិនិយោគ​ប្រមាណ ៥,៦​លាន​ដុល្លារ​អាមេរិក និង​អាចបង្កើត​ការងារ​បាន​ចំនួន ១.១៣៨​កន្លែង​៕​

ទីតាំងផ្សាយពាណិជ្ជកម្ម

- Advertisment -

Most Popular