​ស៊ីម៉ាក់​ដោះ​គ្រាប់​ទម្លាក់​ពីលើ​យន្តហោះ​ទំងន់ ៣៤០ គីឡូក្រាម​នៅ​កំពត

ដោយ​: ជា សីហៈ / ភ្នំពេញ​: លោក ហេង រតនា អគ្គនាយក​ស៊ីម៉ាក់ បាន​អះអាងថា មន្ត្រី​ជំនាញ​ថ្មី​នេះ បាន​ចុះទៅ​ដោះ​និង​បន្សាប​គ្រាប់​មិនទាន់​ផ្ទុះ​មួយ​គ្រាប់​ដែលមាន​ទំងន់​រហូតដល់​ទៅ ៣៤០ គីឡូ ក្រាម ។

​លោក​បាន​អះអាងថា ស៊ីម៉ាក់ បាន​ឆ្លើយតប​តាម​សំនូមពរ​ប្រជាពលរដ្ឋ​ដែល​បាន​ប្រទះឃើញ​គ្រាប់​ទម្លាក់​ពី​យន្តហោះ​ប្រភេទ​M-117 ទម្ងន់​៧៥០​ផោន (​ប្រមាណ​៣៤០​គីឡូក្រាម​) ចំនួន​០១​គ្រាប់ ស្ថិត​ក្នុងភូមិ​បន្ទាយ​មាន​រិ​ទ្ធ ឃុំ​កណ្តាល ស្រុក​ទឹកឈូ ខេត្តកំពត ក្នុង​ជម្រៅ​ប្រមាណ​៥​ម៉ែត្រ​។

​លោក​បាន​បន្តទៀតថា កំលាំង​ជំនាញ​អង្គភាព​ស៊ីម៉ាក់​បាន​ដោះ​បន្សាប​និង​ដឹកជញ្ជូន​ដល់​គោលដៅ​ដោយ​សុវត្ថិភាព​។ គ្រាប់បែក​ទម្លាក់​ពី​យន្តហោះ​ប្រភេទ​M-117 នេះ​មាន​ទម្ងន់​ក៏​ធ្ងន់ និង​មាន​ប្រសិទ្ធភាព​កំលាំង​ផ្ទុះ​ក៏​ខ្លាំង អាច​ចាត់ទុកជា​ប្រភេទ​មួយ​ដែល​រកឃើញ​ញឹកញាប់​និង​អាចជា​ប្រភេទ​គ្រាប់បែក​ធំ​មួយ បន្ទាប់ពី​ប្រភេទ​គ្រាប់បែក​ធំៗ​២​ប្រភេទ​ទៀត​៕​

ទីតាំងផ្សាយពាណិជ្ជកម្ម

- Advertisment -

Most Popular