Home ព័ត៌មានសំខាន់ៗ វៀតណាម​កាត់ទោ...

វៀតណាម​កាត់ទោស​ប្រហារជីវិត​មនុស្ស​៦​នាក់​ចំពោះ​ការជួញដូរ​ថ្នាំញៀន​ជិត​១០០​គីឡូក្រាម​

​ប្រែ​សម្រួលៈ​វាសនា​/​ហូជីមិញ​៖ តុលាការ​ក្រុង​ហូ​ជី​មី​ញ​កាលពី​ថ្ងៃ​សុក្រ​ទី​២៩​មករា​បាន​កាត់ទោស​ប្រហារជីវិត​សមាជិក​៦​នាក់​នៃ​ក្រុម​ឧក្រិដ្ឋ​ឆ្លងដែន​មួយ​ដែល​បាន​លួច​ដឹក​ជញ្ជូន​ថ្នាំញៀន​ជិត​១០០​គីឡូក្រាម​​ពី​កម្ពុជា​ចូល​ក្នុង​ប្រទេស​វៀតណាម​។​

​ត្រា​ន់ វ៉ាន់ គួង មេក្លោង​នៃ​ក្រុម​នេះ​និង​មនុស្ស​៥​នាក់​ទៀត ត្រូវបាន​ចោទប្រកាន់​ពីបទ «​ជួញដូរ​និង​ចរាចរណ៍​ថ្នាំញៀន​ខុសច្បាប់​»​។​

​សមាជិក​២​នាក់​ទៀត​នៃ​ក្រុម​នេះ​ក៏​ត្រូវបាន​កាត់ទោស​ដាក់​គុក​មួយ​ជីវិត​ផង​ដែរ​។​

​ពួកគេ​ធ្វើការ​អោយ​ក្រុម​មួយ​ដែល​ដឹកនាំ​ដោយ​ស្ត្រី​ឈ្មោះ វូ ហ័ង អ័ញ អាយុ​៦៤​ឆ្នាំ ដែល​បាន​រត់គេចខ្លួន​ចាប់តាំងពី​ឆ្នាំ​២០១៨ និង​ត្រូវ​ប៉ូលិស​អន្តរជាតិ​កំពុង​តាម​ចាប់ខ្លួន​។​

​ឯកសារ​តុលាការ​និយាយថា​ក្រុម​នេះ​បាន​ដឹក​ជញ្ជូន​ថ្នាំញៀ​នេះ​ជិត​១០០ រួម​មាន​ថ្នាំ ហេ​រ៉ូ​អ៊ីន និង​ថ្នាំញៀន​មេតំ​ហ្វេ​តា​មីន​ទៅ​ពី​កម្ពុជា​ចូល​ក្រុង​ហូ​ជី​មី​ញ និង​ចែកចាយ​វា​ទៅ​កាន់​អ្នកផ្គត់ផ្គង់​ថ្នាំញៀន ដោយ​​រក​ប្រាក់​បាន​រាប់​ពាន់​លាន​ដុង​។​

​ប៉ូលិស​វៀតណាម​បាន​និយាយថា ស្ត្រី​ឈ្មោះ​អ័ញនេះ​មាន​ឃ្លាំង​ថ្នាំញៀន​មួយ​នៅ​ជិត​ព្រំដែន​វៀតណាម ហើយ​ចេញពី​ទី​នោះ​ក្រុម​របស់​គាត់​លួច​ដឹក​ជញ្ជូន​ថ្នាំញៀន​ទៅ​កាន់​ទីក្រុង​ហូ​ជី​មី​ញ​។​ក្រុម​នេះ​ត្រូវ​ប៉ូលិស​​បង្ក្រាប​នៅ​ឆ្នាំ​២០១៨ តែ​អ័ញបាន​គេចខ្លួន​ទៅ​ក្រៅ​ប្រទេស​៕

​សមាជិក​ក្រុម​ថ្នាំញៀន​ត្រូវបាន​នាំ​ខ្លួន​ឡើង​តុលាការ​ក្រុង​ហាណូយ​កាលពី​ថ្ងៃ​២៩​មករា​

វៀតណាមចាប់ថ្នាំញៀនដែលនាំទៅពីកម្ពុជានៅខេត្តដុងថាបកាលពីថ្ងៃ១៧មករា ២០២១

ទីតាំងផ្សាយពាណិជ្ជកម្ម

- Advertisment -

Most Popular