Home ព័ត៌មានជាតិ សន្តិសុខ ករណី​លួច​ម៉ូត...

ករណី​លួច​ម៉ូតូ នៅ​ក្រុង​ប៉ោយប៉ែត អាវុធហត្ថ​ចាប់ខ្លួន ជនសង្ស័យ​២​នាក់ នៅ​ក្រុង​សិរីសោភ័ណ

ដោយៈ ប​.​ជ័យ / បន្ទាយ​មាន​ជ័​យៈ ករណី​លួច​ម៉ូតូ​នៅ​ក្រុង​ប៉ោយប៉ែត អាវុធហត្ថ បាន​ចាប់ខ្លួន​ជនសង្ស័យ ២​នាក់ នៅ​ក្រុង​សិរីសោភ័ណ ហើយ​កសាង​សំណុំរឿង បញ្ជូនទៅ​តុលាការ កាលពី​ថ្ងៃទី​៣០ ខែមករា ឆ្នាំ​២០២១ ។​

​លោក វរសេនីយ៍ត្រី នួន នី​ណា​រ៉ូ មេបញ្ជាការ មូលដ្ឋាន​អាវុធហត្ថ​ក្រុង​ប៉ោយប៉ែត បានឱ្យដឹងថាៈ ជនរងគ្រោះ ឈ្មោះ កែ សារិត ភេទ​ប្រុស អាយុ​៤១​ឆ្នាំ រស់នៅ​ភូមិ​កូប​ធំ សង្កាត់​និមិត្ត ក្រុង​ប៉ោយប៉ែត ខេត្ត​បន្ទាយ​មា​ជ័យ បានដាក់​ពាក្យ​ប្ដឹង នៅ​មូលដ្ឋាន​អាវុធហត្ថ ក្រុង​ប៉ោយប៉ែត​ថា គាត់​បាន​បាត់​ម៉ូតូ ១​គ្រឿង ម៉ាក​ហុងដា ឌ្រី​ម ពណ៌​ខ្មៅ ពាក់​ស្លាក​លេខ ប​/​ជ 1N-1605 កាលពី​វេលា​ម៉ោង ៨ ព្រឹក ថ្ងៃទី​២៨ មករា ឆ្នាំ​២០២១ ក្នុងខណៈពេល​គាត់ បាន​ទុក​ម៉ូតូ នៅមុខ​តូប​ជាង​ជួសជុល​ម៉ូតូ ដោយ​ភ្លេច​ដក​កូនសោរ​ចេញ ហើយ​បាន​ដេកលក់​។​

​លោក វរសេនីយ៍ត្រី នួន នី​ណា​រ៉ូ បាន​បន្តថាៈ ក្រោយពី​ទទួលបាន​ពាក្យបណ្ដឹង លោក​បាន​ចាត់តាំង​កម្លាំង ចុះ​ស្រាវជ្រាវ ហើយ​នៅ​ថ្ងៃ​បន្ទាប់ បាន​ឈាន ដល់​ការឃាត់ខ្លួន បាន​ជនសង្ស័យ ចំនួន​២​នាក់ ក្នុងខណៈពេល​ជនសង្ស័យ កំពុង​យក​ម៉ូតូ​ទៅ​លក់ នៅ​ចំណុច​មុខ​កាស៊ីណូ ឡាក់​គី ស្ថិត​ក្នុងភូមិ​ក្បាលស្ពាន​១ សង្កាត់​-​ក្រុង​ប៉ោយប៉ែត និង​ដកហូត​ម៉ូតូ ១​គ្រឿង​នោះ ដូច​មាន​ក្នុង​ពាក្យបណ្ដឹង​។​

​ជនសង្ស័យ​ទាំង ២​នាក់​នោះ ១- ឈ្មោះ ស៊យ ស៊ីណា ភេទ​ប្រុស អាយុ​៣២​ឆ្នាំ រស់នៅ​ភូមិ​កូប​ធំ សង្កាត់​និមិត្ត ក្រុង​ប៉ោយប៉ែត និង​២- ឈ្មោះ យ៉ុ​ន បឿ​ត ហៅ បឿ ភេទ​ប្រុស អាយុ​៣១​ឆ្នាំ រស់នៅ​ភូមិ​ទំនប់ ក​.៥ សង្កាត់​-​ក្រុង​ប៉ោយប៉ែត ខេត្តបន្ទាយមានជ័យ ។ ក្រោយពី​កម្លាំង​ជំនាញ​ព្រហ្មទណ្ឌ​មូលដ្ឋាន​ក្រុង សួរចម្លើយ ជ​នស​ង្ស័​ទាំង ២​នាក់ បាន​ឆ្លើយ​សារភាព ទទួលខុសត្រូវ ការប្រព្រឹត្ត​បទល្មើស​នេះ ។​

​ដោយ​ផ្អែកលើ​ចម្លើយសារភាព និង​មាន​វត្ថុតាង​ផង​នោះ ជនសង្ស័យ​ទាំង ២​នាក់ ត្រូវបាន​កម្លាំង​ជំនាញ​អាវុធហត្ថ​ខេត្ត បាន​កសាង​សំណុំរឿង បញ្ជូនទៅ សាលាដំបូង​ខេត្ត ចាត់ការ​តាម​នីតិវិធី នៅ​ថ្ងៃទី​៣០ ខែមករា នេះ​៕​/V

ទីតាំងផ្សាយពាណិជ្ជកម្ម

- Advertisment -

Most Popular