Home ព័ត៌មានសំខាន់ៗ វៀតណាម​រក​ឃើញ...

វៀតណាម​រក​ឃើញ​អ្នក​ឆ្លង​ក្នុង​សហគមន៍​៤១​នាក់​បន្ថែម ដោយ​ម្នាក់​នៅ​ក្រុង​ហូ​ជី​មី​ញ

​ប្រែ​សម្រួលៈ​វាសនា​/​ហាណូយ​៖ ការ​ឆ្លងកូវី​ដ​១៩​ក្នុង​សហគមន៍​ចំនួន​១៤​ករណី​ទៀត​ត្រូវបាន​រកឃើញ​នៅ​វៀតណាម​កាលពី​ព្រឹក​ថ្ងៃអាទិត្យ​នៅពេល​ការផ្ទុះកូ​វីដ​១៩​ចុងក្រោយ​នេះ​បាន​រាលដាល​ទៅ​ដល់​៨​ទីតាំង​និង​ចម្លង​មនុស្ស​សរុប​២២១​នាក់​។​

​កាលពី​យប់​ថ្ងៃ​សៅរ៍ ក្រសួង​សុខាភិបាល​វៀត​ណា​ម​អះអាង​អំពី​ការរកឃើញ​អ្នក​ឆ្លង​២៧​នាក់​បន្ថែម​ដោយ​មួយ​ករណី​ជា​បុរស​អាយុ​២៨​ឆ្នាំ​រស់នៅ​ក្រុង​ហូ​ជី​មី​ញ​ភាគខាងត្បូង​។​បុរស​នេះ​ទើប​វិល​មក​ពី​ចូល​​រួម​មង្គលការ​គេ​នៅ​ខេត្ត​ហាយ ហ្វឿង ភាគ​ខាងជើង​ដែល​ជា​ចំណុច​ផ្ទុះ​ជំងឺ​កូវី​ដ​១៩​បច្ចុប្បន្ន​។​

​ការផ្ទុះ​ជំងឺ​ក្នុង​សហគមន៍ ចម្លង​មនុស្ស​២២១​នាក់​តែ​ក្នុង​រយៈពេល​៤​ថ្ងៃ​មកនេះ បាន​កើត​ឡើង​នៅ​មុន​ន​ពេល​វៀតណាម​អបអរ​ពិធី​ចូលឆ្នាំថ្មី នៅ​ថ្ងៃ​១២​កុម្ភៈ​ដែល​ជា​ពេល​ធ្វើ​ដំណើរ​និង​ជួបជុំ​គ្រួសារ​ដ៏​ធំ​​ប្រចាំឆ្នាំ​។​

​ឥឡូវ​សូម្បីតែ​ប្រភព​នៃ​ការផ្ទុះ​ជំងឺ​ចុងក្រោយ​នេះ​ក៏​មិន​ទាន់​កំណត់​បាន ដោយ​អ្នកជំងឺ​ដំបូង​ជា​បុរស​ម្នាក់​ធ្វើការ​នៅ​អាកាសយានដ្ឋាន​មួយ​ក្នុង​ខេត្ត​ក្វាង​និញភា​គ​ខាងជើង និង​ស្ត្រី​ម្នាក់​ជា​កម្មករ​នៅ​រោង​​ចក្រ​មួយ​ក្នុង​ខេត្ត​ហាយ ហ្វឿង​។​

​ល្បឿន​នៃ​ការចម្លង​ជំងឺ​នៅ​ពេល​នេះ​លឿន នាំ​អោយ​ពួក​អ្នកជំនាញការ​សុខភាព​ធ្វើការ​វិភាគ​វីរុស​លើ​អ្នកជំងឺ​២​នាក់​ដំបូង ដោយ​ផ្អែក​លើ​ទ្រឹស្តី​ថា វា​អាច​ជា​វីរុស​កូរ៉ូណា​ដូចគ្នា​នឹង​វីរុ​សនៅ​អង់គ្លេស​ដែល​​ចម្លង​ខ្លាំង​ជា​វីរុស​ដើម​ដល់​ទៅ​៧០​ភាគរយ​៕

​វៀតណាម​មាន​អ្នក​ឆ្លងកូវី​ដ​១៩​សរុប ១.៧៨១​នាក់ និង​៣៥​នាក់​ស្លាប់ តាំងពី​មុន​មក​៕

​ទាហាន​បាញ់ថ្នាំ​សម្លាប់​មេរោគ​នៅ​មណ្ឌល​ចត្តា​ឡីស័​ក​មួយ​នៅ​ហាយ ហ្វឿង កាលពី​ថ្ងៃ​៣០​មករា​

ទីតាំងផ្សាយពាណិជ្ជកម្ម

- Advertisment -

Most Popular