Home ព័ត៌មានសំខាន់ៗ ប្រតិភូក្រសួង...

ប្រតិភូក្រសួងអប់រំ ​ចុះ​ពិនិត្យ​ដំណើរការបង្រៀន និងរៀននៅវីទ្យាល័យ ហ៊ុន សែន ខ្លាកូន​

ដោយ :ភ្នំស្វាយ / បន្ទាយមានជ័យ:គណៈប្រតិភូក្រសួងអប់រំ យុវជន និងកីឡា ដឹកនាំដោយលោកបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួង អប់រំ យុវជន និងកីឡា កាលពីរសៀលថ្ងៃទី៣០ខែមករា បានអញ្ជើញធ្វើទស្សនកិច្ច និង​បាន​ជួបសំណេះសំណាលសួរសុខទុកជាមួយគណៈគ្រប់គ្រងសាលា លោកគ្រូ អ្នកគ្រូ និងសិស្សានុសិស្ស ដែលកំពុងសិក្សា​នៅវីទ្យាល័យ ហ៊ុន សែន ខ្លាកូន​ នាភូមិខ្លាកូនថ្មីសង្កាត់កំពង់ស្វាយក្រុងសិរីសោភ័ណ។

លោកអ៊ុំ រាត្រី អភិបាលខេត្តបន្ទាយមានជ័យ លោកហ៊ូ ប៊ុនហេង ទីប្រឹក្សាទទួលបន្ទុកអប់រំ បណ្តុះបណ្តាលវិជ្ជាជីវៈ របស់លោកឧបនាយករដ្ឋមន្ត្រីកែ គឹមយ៉ាន លោកឈួ ប៊ុនរឿង ប្រធានមន្ទីរអប់រំ យុវជននិងកីឡាខេត្តបន្ទាយមានជ័យ លោកហឹុល រ៉ាយ៉ា អភិបាលក្រុងសិរីសោភ័ណ បានជូនដំណើរ ។

ចំណែកលោកសុខ ចំណាន នាយកវិទ្យាល័យហ៊ុន សែន ខ្លាកូន ,នាយករងនិងលោកគ្រូអ្នកគ្រូបានទទួលបដិសណ្ឋារកិច្ចនិងរាយការណ៍ពីិដំណើរការពីការងាររដ្ឋបាលគ្រប់គ្រង ការបង្រៀន រៀន ព្រមទាំងការអភិវឌ្ឍន៍ កែលម្អគ្រឹះស្ថានសិក្សានេះនិងបរិស្ថាន អនាម័យ ។

នាឱកាសនេះដែរ លោកបណ្ឌិតសភាចារ្យរដ្ឋមន្ត្រី បានញ្ជើញចុះអង្កេត​ការបង្រៀន និងរៀននៅតាមថ្នាក់រៀននីមួយៗ ,នៅបន្ទប់សិក្សាកុំព្យូទ័រ ការរៀនមុខវិជ្ជាបច្ចេកវិទ្យាព័ត៌មាន និងសារគមនាគមន៍ និងបន្ទប់ពិសោធន៍វិទ្យាសាស្ត្រ ដែលសិស្សានុសិស្ស​កំពុងសិក្សាយ៉ាងសកម្មដោយ​ការសិក្សា​ទ្រឹស្តីបានផ្សារភ្ជាប់នឹងការអនុវត្ត​ជាក់ស្តែងដែលធ្វើឲ្យដំណើរការបង្រៀន និងរៀនទទួលបានគុណភាពល្អ និងប្រសិទ្ធភាពខ្ពស់។

លោកបណ្ឌិតបានបន្តថា ៖នេះបញ្ជាក់ឲ្យឃើញ​អំពីការខិតខំប្រឹងប្រែងអំពីសំណាក់ថ្នាក់ដឹកនាំមន្ទីរ ក្រុងគណៈគ្រប់គ្រងសាលា ជាពិសេសលោកគ្រូ អ្នកគ្រូទាំងអស់ ក្នុងការចូលរួមចំណែកលើកកម្ពស់ការអប់រំនៅកម្ពុជា ៕សរន

ទីតាំងផ្សាយពាណិជ្ជកម្ម

- Advertisment -

Most Popular