Home ព័ត៌មានអន្តរជាតិ យោធា​មី​យ៉ាន់...

យោធា​មី​យ៉ាន់​ម៉ា​សម្រាល​ការភ័យខ្លាច​អំពី​រដ្ឋប្រហារ ដោយ​អះអាង​ថា​ខ្លួន​នឹង​គោរព​រដ្ឋធម្មនុញ្ញ​

​ប្រែ​សម្រួលៈ​វាសនា​/​យ៉ាងហ្គោន​៖​ក្នុង​ចំណាត់ការ​មួយ​ដែល​អាច​សម្រាល​ការព្រួយបារម្ភ​ក្នុងប្រទេស​ដែល​ថា​កងកម្លាំង​ប្រដាប់អាវុធ​អាច​ធ្វើ​រដ្ឋប្រហារ​ដណ្តើម​អំណាច​ដោយសារ​ជម្លោះ​លទ្ធផល​ឆ្នោត យោធា​​មី​យ៉ាន់​ម៉ា​កាលពី​ថ្ងៃ​សៅរ៍ បាន​និយាយថា​ខ្លួន​នឹង​ការពារ​ព្រមទាំង​គោរព​រដ្ឋធម្មនុញ្ញ​របស់​ប្រទេស ហើយ​អនុវត្ត​ស្របតាម​ច្បាប់ ។​

​យោធា​បាន​និយាយថា សម្តី​កាលពីពេល​ថ្មីៗ​របស់​អគ្គមេបញ្ជាការ​កងទ័ព ឧត្តមសេនីយ៍ មីន អ៊ុង ហ្លាំង អំពី​ការលុបចោល​រដ្ឋធម្មនុញ្ញ ជា​ការបកស្រាយ​ខុស ដោយ​«​យោធា​ការពារ​រដ្ឋធម្មនុញ្ញ​ឆ្នាំ​២០០៨ ​ហើយ​នឹង​ធ្វើ​សកម្មភាព​ស្របតាម​ច្បាប់​។​អង្គការ​និង​ប្រព័ន្ធ​ផ្សព្វផ្សាយ​ខ្លះ​បាន​ស្មាន​តាម​អ្វី​ដែល​ពួក​គេ​ចង់​និង​បានសរសេរថា យោធា​នឹង​លុបចោល​រដ្ឋធម្មនុញ្ញ​»​។​

​គណបក្ស​សម្ពន្ធជាតិ​សំរាប់​លទ្ធិប្រជាធិបតេយ្យ​របស់​លោកស្រី អ៊ុង​សាន ស៊ូ​ជី ដែល​បាន​ឈ្នះ​ការបោះឆ្នោត​កន្លងទៅ បាន​និយាយថា សេចក្តីថ្លែងការណ៍​របស់​យោធា​ជា​«​ការពន្យល់​បកស្រាយ​ស​ម​ហេតុផល​»​។​

​អ្នកនាំពាក្យ​របស់​គណ​បក្ស​សម្ពន្ធជាតិ​សំរាប់​លទ្ធិប្រជាធិបតេយ្យ​បាន​ប្រាប់​សារព័ត៌មាន​បរទេស​មួយ​ថា គណបក្ស​ចង់អោយ​យោធា​ជា​អង្គការ​មួយ​ដែល​ទទួល​យក​បំណងប្រាថ្នា​របស់​ប្រជាជន ពាក់ព័ន្ធ​នឹង​​ការបោះឆ្នោត​។​

​ភាព​តានតឹង​នយោបាយ​បាន​កើន​ឡើង​នៅ​សប្តាហ៍​មុន​នេះ​នៅពេល​អ្នកនាំពាក្យ​យោធា​មិន​ព្រម​បដិសេធ​លទ្ធភាព​កើត​មាន​រដ្ឋប្រហារ​យោធា​មួយ នៅ​ពេល​តែ​ប៉ុន្មាន​ថ្ងៃមុន​សភា​ថ្មី​បើកប្រជុំ​លើកដំបូង​​និង​បាន​ព្រមាន​ថា កងកម្លាំងប្រដាប់អាវុធ អាច​«​ចាត់ការ​» បើ​បណ្តឹងតវ៉ា​របស់ខ្លួន​ស្តី​ពី​ការលួចបន្លំ​ការបោះ​ឆ្នោត​មិន​ត្រូវបាន​ដោះស្រាយ​។​

​វា​ក៏​បាន​កើតឡើង​បន្ទាប់​ពី​គណៈកម្មាធិការ​រៀបចំ​កា​រ​បោះឆ្នោត​មី​យ៉ាន់​ម៉ា ច្រាន​ចោល​ការចោទប្រកាន់​ខាង​លើ​របស់​ក្រុម​យោធា ដោយ​ថា​មិន​មាន​កំហុសឆ្គង​ធំ​ល្មម​ដែល​ប៉ះពាល់​ដល់​ជំនឿ​ចិត្ត​នៃ​ការ​​បោះឆ្នោត​កាលពី​ខែវិច្ឆិការ​ឆ្នាំ​មុន​នេះ​ទេ​៕

​សន្តិសុខ​ត្រូវបាន​រឹតបន្តឹង​នៅក្នុង​និង​ជុំវិញ​ទីក្រុង​ណៃពី​ដោរប​ស់មី​យ៉ាន់​ម៉ា មុន​សភា​បើក​កិច្ចប្រជុំ​នៅ​ថ្ងៃ​០១​កុម្ភៈ​

 

ទីតាំងផ្សាយពាណិជ្ជកម្ម

- Advertisment -

Most Popular