Home ព័ត៌មានអន្តរជាតិ វៀតណាម​ជ្រើសត...

វៀតណាម​ជ្រើសតាំង​លោក​ង្វៀន ភូ​ជុង​អោយ​កាន់​តំណែង​ប្រធាន​បក្ស​ដដែល​

​ប្រែ​សម្រួលៈ​វាសនា​/​ហាណូយ​៖​ប្រធាន​បក្ស​កុំម្មុយនីស្ត​វៀតណាម លោក​ង្វៀន ភូ​ជុង កាលពី​ថ្ងៃអាទិត្យ​ត្រូវបាន​ជ្រើសតាំង​ជា​ថ្មី​អោយ​កាន់​មុខតំណែង​ដដែល ដែល​ធ្វើអោយ​លោក​ក្លាយជា​មេដឹកនាំ​មាន​ឥ​ទ្ធិ​​ពល​បំផុត​នៅ​ប៉ុន្មាន​ទសវត្សរ៍​មក​នេះ​។​

​ង្វៀន ភូ​ជុង ជន​អភិរក្ស​វ័យ​៧៦​ឆ្នាំ ត្រូវបាន​សមាជិក​សមា​ជ​បក្ស​អនុម័ត​យល់ព្រម​ក្រោយ​គណបក្ស​ជួបប្រជុំ​បិទទ្វារ​អស់​មួយ​សប្តាហ៍​។​វា​ជា​អាណត្តិ​ទី​៣​របស់​លោក​នៅក្នុង​មុខ​តំណែង​នេះ និង​ជា​ការ​កាន់​​តំណែង​មួយ​នេះ​យូរ​ជាង​នរណា​ទាំងអស់​នៅក្នុង​យុ​គ​ទំនើប​របស់​វៀតណាម​។​

​ទីភ្នាក់ងារ​សារព័ត៌មាន​វៀតណាម បាន​រាយការណ៍​ថា​«​កាលពី​ព្រឹក​ថ្ងៃអាទិត្យ សម​មិត្ត​ង្វៀន ភូ​ជុង ត្រូវបាន​ជ្រើសតាំង​ជា​អគ្គលេខា​នៃ​គណៈកម្មាធិការ​កណ្តាល​បក្ស​កុំម្មុយនីស្ត​។​

​ជុង ល្បីល្បាញ​ចំពោះ​យុទ្ធនាការ​ប្រឆាំង​អំពើពុករលួយ​ថ្នាក់ខ្ពស់​ដែល​កើតមាន​នៅ​ទូ​ទាំង​បក្ស ប៉ូលិស​និង​កងកម្លាំងប្រដាប់អាវុធ​។​ខា​ល ថៃល័​រ សាស្ត្រាចារ្យ​នៅ​សកល​វិទ្យាល័យ New South Wales និង​​ជា​អ្នកជំនាញការ​ខាង​វៀតណាម បាន​និយាយថា «​យើង​រំពឹងថា​លោក​ជុង នឹង​បន្ត​ជំរុញ​យុទ្ធនាការ​របស់លោក​ដែល​បាន​ទម្លាក់​មន្ត្រីជាន់ខ្ពស់​បក្ស​មួយចំនួន រួមទាំង​សមាជិក​ការិយាល័យ​នយោបាយ​»​។​

​ង្វៀន ត្រា​ន់ ជុង សមាជិក​បក្ស​កុំម្មុយនីស្ត​វៀតណាម បាន​និយាយថា «​យើង​សរសើ​រលោក​ចំពោះ​ការប្តេជ្ញាចិត្ត​និង​ការខិតខំ​របស់​លោក​ដើម្បី​បោស​ម្អាត​និង​ធ្វើអោយ​បក្ស​បរិសុទ្ធ​។​ទោះ​ជា​លោក​មិនមាន​​សុខភាព​ល្អ វត្តមាន​របស់​លោក​នៅ​ក្នុង​តំណែង​ដឹកនាំ​នេះ នៅតែ​អាច​បន្លាច​មន្ត្រី​អាក្រក់​។​លោក​បាន​ដើរតួនាទី​សំខាន់​មួយ​នៅក្នុង​ការរក្សា​ការពារ​គណបក្ស​»៕

​ប្រធានាធិបតី និង​ប្រធាន​បក្ស​កុំម្មុយនីស្ត​វៀតណាម លោក ង្វៀន ភូ​ជុង ថ្លែង​ក្នុង​សមាជ​បក្ស​ទី​១៣

ទីតាំងផ្សាយពាណិជ្ជកម្ម

- Advertisment -

Most Popular