Home ព័ត៌មានអន្តរជាតិ លោកតា​អតីត​ទា...

លោកតា​អតីត​ទាហាន​ជើងចាស់​សម័យ​សង្គ្រាមលោក​លើក​ទី​២ ដែល​រៃ​អង្គាស​លុយ​ជួយ​ទប់ស្កាត់​កូ​វីដនៅ​អង់គ្លេស ឥឡូវ​ឆ្លងកូវី​ដ​១៩

​ប្រែ​សម្រួល : កញ្ញា​ដា​លី​ស ៖ លោក ថម ម័រ​រ៉េ អាយុ​១០០​ឆ្នាំ ជា​ទាហាន​ជើង​ចាស់​ក្នុង​សង្គ្រាមលោកលើកទី​២​ដែល​បាន​ទាក់ទាញ​ចំណាប់អារម្មណ៍​សាធារណជន​អង់គ្លេស​នៅ​ថ្ងៃ​ដំបូង​នៃ​ជំងឺ​រាតត្បាត​កូវី​ដ​១៩​ជាមួយនឹង​ការខិតខំ​រៃ​អង្គាស​ប្រាក់​របស់​គាត់​នោះ បាន​ចូល​សម្រាក​ព្យាបាល​នៅ​មន្ទីរពេទ្យ​ជា​មួយ​ជំងឺ​កូវី​ដ​១៩ នេះ​យោងតាម​កូនស្រី​របស់​លោក​និយាយ​កាលពី​ថ្ងៃអាទិត្យ​ទី​៣១​មករា​។​

​លោកស្រី ហាន​ណា អ៊ី​ន​ហ្គ្រា​ម ម័រ​រ៉េ បាន​លាតត្រដាង​នៅក្នុង​សេចក្តីថ្លែងការណ៍​មួយ​ដែល​បាន​បង្ហោះ​លើ​បណ្តាញ​សង្គម​Twitter ថា ឪពុក​របស់​លោកស្រី​ដែល​គេ​ស្គាល់​ជា​ទូទៅ​ថា ឣ​នុ​សេ​នីយ៍ឯក​ថម ត្រូវបាន​បញ្ជូន​ទៅ​មន្ទីរពេទ្យបេត​ហ្វ​ត ដោយសារ​គាត់​ត្រូវការ “​ជំនួយ​ដង្ហើម​បន្ថែម​”​។​

​លោក​ស្រី​និយាយថា ក្នុង​ប៉ុន្មាន​សប្តាហ៍​មក​នេះ ឪពុក​របស់​លោកស្រី​បាន​ទទួល​ការព្យាបាល​ជំងឺ​រលាក​សួត​ហើយ​ថា​គាត់​បាន​ធ្វើតេស្តិ៍​វិជ្ជមាន​កូ​វីដ​កាលពី​សប្តាហ៍​មុន​។​

​លោក​ស្រី​និយាយថា ឪពុក​គាត់​ត្រូវបាន​ព្យាបាល​នៅក្នុង​បន្ទប់​ធម្មតា មិនមែន​នៅក្នុង​បន្ទប់សង្គ្រោះបន្ទាន់​ទេ​។​

​លោក​ស្រី​និយាយថា “​ការថែទាំ​សុខភាព​ដែល​គាត់​បានទទួល​ក្នុង​រយៈពេល​ប៉ុន្មាន​សប្តាហ៍​ចុងក្រោយ​នេះ​គឺ​គួរ​ឱ្យ​ស្ញប់ស្ញែង​ណាស់​ហើយ​យើង​ដឹង​ថា​បុគ្គលិក​ដ៏​អស្ចារ្យ​នៅ​មន្ទីរពេទ្យបេត​ហ្វ​ត​នឹងធ្វើ​អ្វីៗ​គ្រប់​​យ៉ាង​ដែល​ពួកគេ​អាច​ធ្វើបាន​ដើម្បី​ឱ្យ​គាត់​មាន​ផា​សុកភាព​និង​សង្ឃឹមថា​គាត់​នឹង​ត្រឡប់មកផ្ទះ​វិញ​ឆាប់ៗ​”​។​

​លោក​តាម័រ​រ៉េ​បាន​ក្លាយ​ជា​និមិត្តរូប​នៃ​ក្តី​សង្ឃឹម​នៅ​សប្តាហ៍​ដំបូងៗ​នៃ​ជំងឺ​រាតត្បាត​កាលពី​ខែ​មេសា នៅ​ពេល​គាត់​ដើរ ១០០​ជុំ​នៅ​ជុំវិញ​សួន​របស់​គាត់​នៅ​ប្រទេស​អង់គ្លេស​ដើម្បី​រៃ​អង្គាស​ប្រាក់​ជួយ​ដល់​​ទីភ្នាក់ងារ​សុខភាព​ជាតិ​ស្រប​ពេល​ចំ​ថ្ងៃ​ខួបកំណើត ១០០ ឆ្នាំ​របស់​គាត់​។ ជំនួស​ឱ្យប្រាក់ ១.០០០ ផោន (១.៣៧០ ដុល្លារ​) ដែល​គាត់​ចង់រៃ គាត់​បាន​អង្គាស​ប្រាក់​បាន​ប្រហែល ៣៣ លាន​ផោន (​ស្មើនឹង ៤៥ លាន​ដុល្លារ​)៕

​លោក ថម ម័រ​រ៉េ កំពុង​សម្រាក​ព្យាបាល​កូ​វីដនៅ​មន្ទីរពេទ្យបេត​ហ្វ​ត

ទីតាំងផ្សាយពាណិជ្ជកម្ម

- Advertisment -

Most Popular