Home ព័ត៌មានជាតិ សន្តិសុខ បុរស​ម្នាក់ ប...

បុរស​ម្នាក់ បាន​ចងក​សម្លាប់ខ្លួន នៅក្នុង​ផ្ទះ ដោយសារ​មាន​ជំងឺ​ប្រចាំកាយ

ដោយៈ ស​រិ​ទ្ធ/ស្វាយរៀងៈ បុរស​ម្នាក់ បាន​ចងក​សម្លាប់ខ្លួន​នៅផ្ទះ ដោយសារ​តែមាន ជំងឺ​ប្រចាំកាយ ព្យាបាល​មិន​ធូរស្បើយ​។ ហេតុការណ៍​នេះ បានកើត​ឡើង កាលពី​វេលា ម៉ោង ៤​និង​៣០​នាទី រសៀល​ថ្ងៃទី​៣១ ខែមករា ឆ្នាំ​២០២១ ស្ថិតនៅ​ចំណុច​ភូមិ​ថ្មី ឃុំ​ថ្នា​ធ្នង់ ស្រុក​រំដួល ខេត្តស្វាយរៀង​។​

​សមត្ថកិច្ច​នគរបាល ស្រុក​រំដួល បានឱ្យដឹងថាៈ បុរស​នេះ ឈ្មោះ ប៉ែន ហេន មុខរបរ កសិករ អាយុ​៣៧​ឆ្នាំ រស់នៅ​ភូមិ​ថ្មី ឃុំ​ថ្នា​ធ្នង់ ស្រុក​រំដួល ខេត្តស្វាយរៀង​។ ក្រោយពី​ទទួល បាន​សេចក្ដីរាយការណ៍ ពី​អាជ្ញាធរ​មូលដ្ឋាន​ភ្លាម សមត្ថកិច្ច​បច្ចេកទេស នៃ​អធិការដ្ឋាន នគរបាល ស្រុក​រំដួល សហការ​ជាមួយ​គ្រូពេទ្យ នៅ​មណ្ឌល​សុខភាព និង​សមត្ថកិច្ច​ប៉ុស្តិ៍ រដ្ឋបាល ចុះ​ទៅដល់​កន្លែងកើតហេតុ ដើម្បី​ធ្វើ​កោសល្យវិច័យ រួចហើយ​សន្និដ្ឋានថា នៅ​ជុំវិញខ្លួន​សាកសព ពុំមាន​ស្លាកស្នាម​អ្វី​ផ្សេង ដែល​សម្គាល់ថា ជា​រឿង​ឃាតកម្ម​នោះទេ គឺ​ពិតជា​ស្លាប់​ដោយ​ចង ក ប្រាកដ​មែន ។​

​ក្រុមគ្រួសារ បាន​បាន​ប្រាប់​សមត្ថកិច្ច​ថាៈ កូន​គាត់ មាន​ជំងឺ​ប្រចាំកាយ ជាច្រើន​ឆ្នាំ​មកហើយ ដោយបាន​ទៅ​ព្យាបាល នៅ​មន្ទីរពេទ្យ និង​ផឹក​ថ្នាំសង្កូវ​ដែរ តែ​មិនបាន​ធូរស្រាល​សោះ​។ នៅ​ថ្ងៃកើតហេតុ​ក្រុមគ្រួសារ​ជាប់រវល់​មិន​នៅផ្ទះ​។ លុះ​ត្រឡប់មកវិញ​ស្រាប់តែ​ប្រទះ ឃើញ កូន​ចង ក សម្លាប់ខ្លួន បង្ក​ការភ្ញាក់ផ្អើល​តែម្ដង​៕/V​-PC

ទីតាំងផ្សាយពាណិជ្ជកម្ម

- Advertisment -

Most Popular