តារាចម្រៀង​ពលករ លោក គុយ លី បញ្ចេញស្នាដៃ​និពន្ធ  ​ឱ្យ ខេ​ម ច្រៀង សម្រាប់​ឆ្នាំ​ថ្មី ខាងមុខនេះ

ដោយៈ បញ្ញា​សាស្ត្រ/ភ្នំពេញៈ ជា​អ្នកនិពន្ធ​បទ​ចម្រៀង សម្រាប់​ច្រៀង​ខ្លួនឯង លោក គុយ លី បាន​អភិវឌ្ឍន៍ ការងារ​របស់ខ្លួន បាន​មួយ​ជំ​ហ៊ាន​ទៀតហើយ ពោលគឺ​លោក បានការ​ផ្តល់​សិទ្ធិ និង​ទំនុកចិត្ត ពី​ផលិតកម្ម​យក្ស Galaxy Navatra ដោយ​ឱ្យ​បញ្ចេញ ស្នាដៃ​និពន្ធ បទ​ចម្រៀង និង Melody ឲ្យ​តារាចម្រៀង ច្រៀង​ថែម​ទៀតផង​។

​ក្នុងថ្ងៃនេះ (​ថ្ងៃទី​១ កុម្ភៈ ២០២១) បទ​ចម្រៀង សម្រាប់​អបអរ​ចូលឆ្នាំ​ខ្មែរ ខាងមុខ ច្រៀង​ដោយ​តារាចម្រៀង សំលេង​ស្អក លោក ខេ​ម មាន​ចំណងជើង​ថា «​ធ្លាប់បាន បង​នៅ​?» ត្រូវបាន​គេ​ស្គាល់​ថា ជា​ស្នាដៃ​និពន្ធ ដោយ​លោក គុយ លី ហើយ​បទ​នេះ គ្រាន់តែ​ចេញ​លើ​យូ​ធូប​ភ្លាមៗ ក៏មាន​អ្នក​ចុច​មើល រាប់រយ​ដង រួចទៅហើយ​។

​លោក​បាន​និពន្ធ​បទ​ដំបូង ក្នុង​ផលិតកម្ម​ល្បីឈ្មោះ មួយ​នេះ មាន​ចំណងជើង​ថា «​ធ្លាប់បាន​បង​នៅ​?» ច្រៀង​ដោយ​តារាចម្រៀង ខេ​ម ដែលជា​បទ សម្រាប់​ការ​រាំលេង​កម្សាន្ត នា​រដូវចូលឆ្នាំ​ខ្មែ រ​ខាងមុខនេះ ពី​អ្នកនិពន្ធ Melody និង​ទំនុកច្រៀង គុយ លី ចម្រៀង ពលករ​។ និពន្ធ​បទ​ភ្លេង ប្រុស ម៉ៅ នឹង​ដឹកនាំ​សម្តែង Jonathan​។ បទ​”​ធ្លាប់បាន​បង​នៅ​?” របស់​ផលិតកម្ម Galaxy Navatra ផុស​លើ Channel ផ្លូវការ នៅ​ព្រឹក​នេះ​តែម្ដង ដោយ​ទទួលបាន ការគាំទ្រ​ច្រើន​។​

​តាម​ការបញ្ជាក់​ពី​លោក យឹម តា​ស្រង់ ផលិតកម្ម Galaxy Navatra តែងតែ​ផ្ដល់ឱកាស ព្រម​លើកទឹកចិត្ត​ដល់​យុវវ័យ ដែលមាន​ស្នាដៃ លើ​ការ​តែង​និពន្ធ ទាំង Melody ទំនុកច្រៀង និពន្ធ​បទ​ភ្លេង ក៏ដូចជា អ្នកដឹកនាំ​សម្ដែង​ថត​កាត់ត​ជាដើម​។ លោក​បាន​និយាយថាៈ ប្រសិនបើ​បទ​ទី​១ “​ធ្លាប់បាន​បង​នៅ​?” ទទួលបាន​ការគាំទ្រ​ច្រើន ផលិតកម្ម Galaxy Navatra នឹង​ឲ្យ​លោក គុយ លី បញ្ចេញ​នៅ​ស្នាដៃ ជា​បន្តបន្ទាប់​ទៀត​៕/V​-PC

 

ទីតាំងផ្សាយពាណិជ្ជកម្ម

- Advertisment -

Most Popular