Home ព័ត៌មានជាតិ សន្តិសុខ ដោយសារតែ​ជីវភ...

ដោយសារតែ​ជីវភាព​បុរស​ម្នាក់​បាន​ឡើង​បេះ​ផ្លែ​ក្រឡាញ់​កម្ពស់​៧​ម៉ែត្រ​បាក់មែក​ធ្លាក់​ស្លាប់​

ដោយ​: រិ​ទ្ធិ​សែន / ខេត្តពោធិសាត់​: ដោយសារតែ​ជីវភាព​បុរស​ម្នាក់​បាន​ឡើង​បេះ​ផ្លែ​ក្រឡាញ់​កម្ពស់​៧​ម៉ែត្រ បាក់មែក​ធ្លាក់​ស្លាប់​នៅនឹងកន្លែង​តែម្តង​។ ហេតុការណ៍​ភ្ញាក់ផ្អើល​ខាងលើនេះ បាន​បង្កើតឡើង​នៅវេលា​ម៉ោង​១០​និង ២០​នាទី ថ្ងៃទី​៣១ ខែមករា ឆ្នាំ​២០២១ ម្សិលមិញ នៅ​តំបន់​ព្រៃ​ខ្នងភ្នំ​លី​ពី​ន ដែល​ស្ថិតនៅ​ក្នុងភូមិ​បង្គងឃ្មុំ ឃុំ​ត្នោតជុំ ស្រុក​ក្រគរ ខេត្តពោធិ៍សាត់​។​

​អធិការ​នគ​បាល​ស្រុក​ក្រគរ លោក​វរៈសេនីយ៍ឯក ឯម រុន បាន​ឲ្យ​ដឹង​នៅវេលា​ម៉ោង​១​និង​៣៨​នាទី​ថ្ងៃទី​១​កុម្ភៈ​២០២១​នេះ​ថា ជនរងគ្រោះ​ឈ្មោះ មួយ ស៊ី​នឿន ភេទ​ប្រុស អាយុ ៤១​ឆ្នាំ ជនជាតិខ្មែរ​មាន​ប្រពន្ធ​ឈ្មោះ គឹម​យ៉េ​ង អាយុ​៣០​ឆ្នាំ មានកូន​ប្រុស​ចំនួន​២​នាក់ ក្នុងបន្ទុក​គ្រួសារ​.​រសនៅក្នុង​ភូមិ ឃុំ ស្រុក កើតហេតុ​ខាងលើ ។​

​អធិការ​នគ​បាល​ស្រុក​ក្រគ​បាន​ឲ្យ​ដឹង​ទៀតថា ជនរងគ្រោះ​បាន​ឡើង​បេះ​ផ្លែ​ក្រឡាញ់​មាន​កម្ពស់​ប្រមាណ​៧​ម៉ែត្រ តែ​ជា​អកុសល​បាក់មែក​ធ្លាក់​មក​ខាងក្រោម​បណ្តាល​ឲ្យ​ស្លាប់​ភ្លាមៗ នៅនឹងកន្លែង​តែម្តង​។

​ក្រោយពេល​កើតហេតុ មន្ត្រី​នគ​បាល​ជំនាញ​ចុះ​សហការ​ពិនិត្យ និង​ស្រាវជ្រាវ​យ៉ាង​យកចិត្តទុកដាក់ ជុំវិញ​កន្លែងកើតហេតុ​ថា បុរស​ខាងលើ​ពិតជា​ធ្លាក់​ពីលើ​ដើម​ក្រ​ទាញ់​ស្លាប់​ពិតប្រាកដ​មែន ទើប​ធ្វើ​កំណត់ហេតុ​ប្រគល់​សព ជូន​ជនរងគ្រោះ​ទៅ​ក្រុមគ្រួសារ​សាច់ញាតិ ដើម្បី​ទទួល​យកទៅ​ចាត់ចែង​ធ្វើបុណ្យ​តាម​ប្រពៃណី​ផងដែរ​៕​

ទីតាំងផ្សាយពាណិជ្ជកម្ម

- Advertisment -

Most Popular