Home ព័ត៌មានជាតិ សេដ្ឋកិច្ច រថយន្ត​ដឹក​ជ្...

រថយន្ត​ដឹក​ជ្រូក​សាច់​ចេញពី​ព្រំដែន​កម្ពុជា​-​ថៃ គ្មាន​ឯកសារ ត្រូវ​ពេទ្យសត្វ​ក្រសួង​ឃាត់​

ដោយ​: ប​.​ជ័យ / បន្ទាយមានជ័យ​: រថយន្ត​ដឹក​ជ្រូក​រស់​សាច់​២៥​ក្បាល ចេញពី​ព្រំដែន​កម្ពុជា​-​ថៃ គ្មាន​ឯកសារ​ដឹកជញ្ជូន​និង​វិ​ញ្ញាប​ន​ប័ត្រ​បញ្ជាក់​សុខភាព​ពី​ជំនាញ​ផលិតកម្ម និង​បសុព្យាបាល​ឬ​ពេទ្យសត្វ ត្រូវបាន​ពេទ្យសត្វ​ក្រសួង​ឬ​មន្ត្រី​នៃ​អគ្គនាយកដ្ឋាន​សុខភាព​សត្វ និង​ផលិតកម្ម​សត្វ​ឃាត់ ចាប់​កាលពី​ម៉ោង​៧​និង​៣៥​នាទី​ព្រឹក ថ្ងៃទី​៣១ ខែមករា ឆ្នាំ​២០២១​។​

​ការឃាត់ខ្លួន​ជ្រូក​រស់​នេះ គឺ​យោងតាម​បទបញ្ជា​របស់ លោក តាន់ ផាន់​ណា​រ៉ា ប្រតិភូ​រាជរដ្ឋាភិបាល​កម្ពុជា ទទួលបន្ទុក​ជា​អគ្គនាយក​នៃ​អគ្គនាយកដ្ឋាន​សុខភាព​សត្វ និង​ផលិតកម្ម​សត្វ នៃ​ក្រសួងកសិកម្ម រុក្ខាប្រមាញ់​និង​នេសាទ​។ ក្នុងនោះ ក៏មាន​ការសម្របសម្រួល​ពី លោក​មាស ច័ន្ទ​ពិសិដ្ឋ ព្រះរាជអាជ្ញា នៃ​អយ្យការ​អម​សាលាដំបូង​ខេត្តបន្ទាយមានជ័យ ក្រុមការងារ​អន្តរាគមន៍​បង្ក្រាប​បទ​ល្មើស​ចលនា​សត្វ នៃ​អគ្គនាយកដ្ឋាន​សុខភាព​សត្វ និង​ផលិតកម្ម​សត្វ បាន​សហការ​ជាមួយ​ការិយាល័យ​ផលិតកម្ម និង​បសុព្យាបាល​នៃ​មន្ទីរ​កសិកម្ម​ខេត្តបន្ទាយមានជ័យ និង​កងកំលាំង​អធិការដ្ឋាន​ស្រុក​ស្វាយចេក ចុះ​ស្ទាក់ចាប់​រថយន្ត​១​គ្រឿង ម៉ាក Ssangyong ពណ៌​ស ជា​ប្រភេទ​រថយន្ត​ដឹក​អ្នកដំណើរ​១៥​កៅអី ពាក់​ស្លាក​លេខ​ភ្នំពេញ​2AH-1047​។​

​ម្ចាស់​រថយន្ត​ដឹក​ជ្រូក​និង​តាម​ការបំភ្លឺ​ពី​មន្ត្រី​ជំនាញ នៃ​កា​រិ​យ​ល័យ​ផលិតកម្ម​និង​បសុព្យាបាល​ខេត្តបន្ទាយមានជ័យ​ថា​រថយន្ត​ខាងលើនេះ​បាន​ដឹក​សត្វ​ជ្រូក​រស់​មកពី​ប្រទេស​ថៃ តាម​ច្រក​តំបន់​១ ស្ថិតក្នុង ភូមិ​ចក់​ពួក ឃុំ​ស្លក្រាម ស្រុក​ស្វាយចេក ខេត្តបន្ទាយមានជ័យ​។ គឺ​ដឹក​យកទៅ​ចែកចាយ​នៅតាម​បណ្តា​ខេត្ត​មួយចំនួន ដោយ​គ្មាន​លិខិតអនុញ្ញាត​អ្វី​ទាំងអស់​។ ក្រុមការងារ​បាន​ឃាត់​នៅ លើផ្លូវ​លំ​តែ​ហាំង ភូមិ​គោក​រកា ឃុំ​តា​ប៉ែន ស្រុក​ស្វាយចេក ខេត្តបន្ទាយមានជ័យ​។​

​ក្រោយពី​ឃាត់​រថយន្ត​ដឹក​ជ្រូក​ហើយ ក្រុមការងារ​បាន​នាំយក​វត្ថុតាង​និង​បទល្មើស​ខាងលើនេះ​ទៅ រក្សាទុក​នៅ​ទីតាំង​ច​ត្តា​ឡី​ស័ក​សត្វ​របស់​អគ្គនាយក​ដ្ឋា​ន​សុខភាព​សត្វ និង​ផលិតកម្ម​សត្វ ដើម្បី​ចាត់ការ​ទៅតាម​និតិ​វិធី​ច្បាប់​បន្ត​៕​

ទីតាំងផ្សាយពាណិជ្ជកម្ម

- Advertisment -

Most Popular