Home ព័ត៌មានសំខាន់ៗ សម្តេច​តេ​ជោ ...

សម្តេច​តេ​ជោ ហ៊ុន សែន លើកឡើងថា​សម្តេច​អាច​យក​ឧទាហរណ៍​ប្រធានាធិបតី​ឥណ្ឌូនេស៊ី​និង​នាយករដ្ឋមន្ត្រី​ប្រទេស​សឹង្ហ​បុរី​ក្នុង​ការចាក់​វ៉ាក់សាំង​

ដោយៈ​តារា​រិ​ទ្ធ​/​ភ្នំពេញ​៖​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះ​រា​ចា​នាច​ក្រ​កម្ពុជា​បាន​ថ្លែងថា​សម្តេច​នឹង​យក​ឧទាហរណ៍​របស់​ប្រធានាធិបតី​ឥណ្ឌូ នេ​ស៊ី និង លោកនាយក​រដ្ឋមន្ត្រី​ប្រទេស​សឹង្ហ​បុរី ធ្វើជា​គំរូ​ក្នុង​ការចាក់​វ៉ាក់សាំង​កូ​វីដ​១៩ ។​សម្តេច​តេ​ជោ ហ៊ុន សែន បានបញ្ជាក់​ថា​ល​លើក​មុន​សម្តេច​បានប្រកា សថា​វ៉ាក់សាំងទី​១ និង​ត្រូវ​ចាក់​ឲ្យ​សម្តេច​,​ក៏ប៉ុន្តែ​បញ្ហា​សួរថា​តើ​អ្នកណា​ជា​អ្នក​ចាក់​ឲ្យ​សម្តេចបើ​គ្រូពេទ្យ​ដែល​ចាក់​ឲ្យ​សម្តេច​នោះ​មិនទាន់​បានទទួល​វ៉ាក់សាំង​ការពារ​ខ្លួន​ផង​នោះ ។​

​សម្តេច​តេ​ជោ​នាយករដ្ឋមន្ត្រី ហ៊ុន សែន បានលើកឡើង​បែបនេះ​នៅក្នុង​ពិធីបើកការដ្ឋាន​សាងសង់​រោងចក្រ​ប្រព្រឹត្ត​កម្ម​ទឹកស្អាត​បាក់​ខែង ស្ថិតក្នុង​សង្កាត់​បាក់​ខែង​នា​ព្រឹក​ថ្ងៃ ១ ខែកុម្ភៈ ឆ្នាំ ២០២១ ។​

​សម្តេច​តេ​ជោ​ហ៊ុនសែន​បានលើកឡើង​ថាស​ម្តេច​បា​ន​ប្រកាស​ហើយ​ថា​វ៉ាក់សាំង​ចិន​មកដល់​ព្រលានយន្តហោះ​អន្តរជាតិ​ភ្នំពេញ​សម្តេច​នឹង​ទៅ​ទទួល​ដោយផ្ទាល់​ហើយ​សម្តេច បានប្រកាសថា​វ៉ាក់សាំង​ទី ១​សម្តេច​នឹង​ទទួល​មុនគេ ។ ប៉ុន្តែ​ឥឡូវនេះ​បញ្ហា​បានកើត​ឡើង​ហើយ​តើ​អ្នកណា​ដែលជា​អ្នក​ចាក់​វ៉ាក់សាំង​ឲ្យ​យើង បើ​អ្នក​ចាក់​វ៉ាក់សាំង​ឲ្យ​យើង មិនទាន់​ទទួលបាន​វ៉ាក់សាំង​ផង​នោះ​ត្រូវធ្វើ​ម៉េច​នេះ​ជា​បញ្ហា ។ សម្តេច​បន្តថា​៖​ដុ​ចនេះ​មានតែ​ចាំ​សួរ​ទៅខាង​នាយករដ្ឋមន្ត្រី​សាំង​ហ្គា​ពួ និង ប្រធានាធិបតី​ឥណ្ឌូនេស៊ី​តើ​គាត់ បាន​ចាក់​វ៉ាក់សាំង គ្រូពេទ្យ​ដែល​ចាក់​វ៉ាក់សាំង​ឲ្យ​គាត់​នោះ​បានទទួល​វ៉ាក់សាំង​ហើយ​ឬ​នៅ​? បើសិនជា​អត់​ទាន់​បានទទួល​វ៉ាក់សាំង​ហើយ​ចាក់​ឲ្យ​គាត់ ខ្ញុំ​ក៏​ធ្វើតាម​គាត់​ប៉ុន្តែ ប្រសិនជា​គាត់​ថា​គ្រូពេទ្យ​ដែល​ចាក់ឱ្យ​គាត់​នេះ​ត្រូវតែ​ចាក់​វ៉ាក់សាំង​មុន​ខ្ញុំ​ក៏ត្រូវ​ធ្វើតាម​គាត់​ដែរ ។​យក​ប្រធានាធិបតី​ឥណ្ឌូណេស៊ី​និង​នាយករដ្ឋមន្ត្រី​សឹង្ហ​បុរី​ធ្វើជា​ឧទាហរណ៍ ។​

​សម្តេច​តេ​ជោ ហ៊ុន សែន បាន​បន្ត​ឲ្យ​ដឹងថា​៖​វ៉ាក់សាំង​ដែល​យើង​ដឹងថា​យើង​បាន​ដំបូង​មកពី​ចិន​១​លាន​ដូ​ស​ដែល​នឹង​មកដល់​នៅក្នុង​ខែកុម្ភៈ​នេះ​ជើង​ជាមួយនឹង​មកដល់​៦០ ម៉ឺន​ដូ​ស​ហើយ​នៅសល់​នឹង​បំពេញ​បន្ថែមទៀត​។​បន្ទាប់​ទៅ​យើង​ទទួល​ពី​កូ​វ៉ា​ក់​ដែលជា​របស់​អង្គការ​សុខភាព​ពិភពលោក​ចំនួន ៧​លាន​ដូ​ស​បន្ថែម​លើ​នោះ​យើង​ទិញ​តាមរយៈ កូ​វ៉ា​ក់​ចំនួន​មួយ​លាន​ដូ​ស​ទៀត​អញ្ចឹង​យើង​បាន ៩ លាន​ដូ​ស​។ សម្តេច​តេ​ជោ ហ៊ុន សែន បាន​ឲ្យ​ដឹងថា​នៅថ្ងៃនេះ​នឹងមាន​ការប្រកាស​បន្ទាប់​ពី​ជំនួប​របស់​អគ្គរដ្ឋទូត​អូស្ត្រាលី ជាមួយនឹង​លោក​ឧបនាយករដ្ឋមន្ត្រី អូន​ព័ន្ធ មុនី​រ័ត្ន យើង​នឹង​ទទួល​ពី​អូស្ត្រាលី​ចំនួន ៣ លាន​ដូ​ស ។ ដោយ​អូស្ត្រាលី​សម្រេច​ផ្ដល់នូវ​ថវិកា​ចំនួន ២៨​លាន​ដុល្លារ​ដល់​កម្ពុជា សម្រាប់ ២០២០ ដល់ ២០២៣ តាមរយៈ​គំនិត​ផ្ដួចផ្ដើម​ទទួលបាន​វ៉ាក់សាំង​កូ​វីដ​១៩ ដោយ​វ៉ាក់សាំង​ដំបូង​និង​មកដល់​នៅ​ពាក់កណ្ដាល​ឆ្នាំ ២០២១ ជំនួយឥតសំណង​នេះ នឹង​ជួយ​ឲ្យ​កម្ពុជា​អាច​បាន​វ៉ាក់សាំង​សម្រាប់​មនុស្ស ១​លាន​៥​សែន​នាក់​ដែល​ស្មើនឹង​៣​លាន​ដូ​ស​។​អញ្ចឹង​យើង​បាន ១១​លាន​ដូ​ស​នៅសល់​៩ លាន​ដូ​ស​ទៀត តើ​យើង​បាន ពី​ណា ។​

​សម្តេច​តេ​ជោ​បាន​ឲ្យ​ដឹងថា​៖​សម្តេច​បាន​សរសេរ​លិខិត​ទៅ​នាយករដ្ឋមន្ត្រី​ចិន​ដើម្បី​សំណូមពរ​បន្ថែម និង បាន​សរសេរ​លិខិត​ទៅ​នាយករដ្ឋមន្ត្រី​ឥណ្ឌា​។ ប៉ុន្តែ​យើង​បានគិត​គូរ រួចទៅហើយ​នៅក្នុង​ការទិញ​នៅ​វ៉ាក់សាំង​របស់​អង់គ្លេស AstraZeneca ។​ប៉ុន្តែ​លោកស្រី​ឯកអគ្គរដ្ឋទូត​អឺរ៉ុប​បាន​បញ្ជាក់ថា​ស្នងការ​អឺរ៉ុប​បាន​ហាម​លក់​វាក់​សាំង​ចេញពី​អឺរ៉ុប​ទៅ ទៀត​។​សម្តេច​តេ​ជោ ហ៊ុន សែន បាន​បន្តថា​ពិភពលោក​បានចាត់ទុក​វ៉ាក់សាំង​កូ​វីដ​១៩ ជា​របស់​រួម​ដែល​ត្រូវ​ចែករំលែក​ឲ្យ​គ្នា​,​សម្តេច​បានស្នើ​ឲ្យ​ឯកអគ្គរដ្ឋទូត​សហគមន៍​អឺរ៉ុប ជួយ​នាំសារ​ទៅកាន់​ស្នងការ​អឺរ៉ុប​ឲ្យ​បញ្ឈប់​ការដាក់​បំរាម​នាំ​វ៉ាក់សាំង​ចេញពី​អឺរ៉ុប ។ សម្តេច​បាន​បន្តថា​វ៉ាក់សាំង AstraZeneca​វា​ធុន​និង​ស៊ី​តុ​ណ្ហ​ភាព​ពី​២​ទៅ​៨​អង្សា​លើ​សូន្យ ក្នុងការ​រក្សាទុក ហើយ​តម្លៃ​របស់​វាច​ន្លោះ​ពី ៤ ទៅ ៥ ដុល្លារ​អាមេរិក​តែប៉ុណ្ណោះ​។ ចំណែក​ស៊ី​ណូ​វ៉ា​ក់​របស់​ចិន​តម្លៃ ២០ ដុល្លារ​អាមេរិក​ក្នុង​១​ដូ​ស ។ ដូចនេះ​ប្រភព​វ៉ាក់សាំង របស់​យើង​ប្រើ​គឺ​របស់​ចិន​និង​អង់ គ្លេស​ទោះបី​ទិញ​ពី​ប្រទេស​អង់គ្លេស​ក្នុងតម្លៃ​នេះ​គឺ​យើង​មានលទ្ធភាព​អញ្ចឹង​បើ​ដូច្នេះ​យើង​ត្រូវ​ត្រៀម​បម្រុង ​២០ លាន​ដូ​ស ។ ពីមុន​យើង​ត្រូវ ការ ២៦ លាន​ដូ​ស​សម្រាប់​ចាក់​មនុស្ស ១៣ លាន​នាក់ ប៉ុន្តែ​ឥឡូវ​យើង​កាត់បន្ថយ​ពី ៨០% ឬ ៧០ ភាគរយ​គឺ​យើង​ត្រូវ​ចាក់​មនុស្ស​ប្រមាណ ១0 លាន​នាក់​។​

​សម្តេច​តេ​ជោ ហ៊ុន សែន បាន​ថ្លែង​ឲ្យ​ដឹងថា​យើង​មាន​រថយន្ត​សម្រាប់​ដឹកជញ្ជូន​វ៉ាក់សាំង​ទៅតាម​គោលដៅ​ដែល​ត្រូវ​ចាក់​, កងទ័ព​បាន​ហ្វឹកហ្វឺនហើយ​ពេទ្យ​នៅក្នុង​កងទ័ពក៏បាន​ហ្វឹកហ្វឺន​រួចស្រេច​ហើយ​សម្រាប់​ការចាក់​វ៉ាក់សាំង ។ប៉ុន្តែ​ស្ថិតនៅ​ក្នុងចំណោម​គ្រូពេទ្យ​ដែល​អ្នក​ទាំងនោះ​ត្រូវ​ទទួលបាន​មុន​ទើប​អាច​ទៅ​ចាក់​ឱ្យគេ​បាន​។ ដូច្នេះ​ខ្ញុំ​ក៏ ស្ថិតនៅក្នុង​ចំណោម​ក្រុម​ពេទ្យ​។​សម្តេច​តេ​ជោ ហ៊ុន សែន បានបញ្ជាក់​ថាស​ម្តេច​គ្មាន​ការភ័យខ្លាច​ក្នុងការ​ចាក់​វ៉ាក់សាំង​នោះទេ​នេះ​ជាការ​បង្កើត​នូវ​ជំនឿ​មួយ​ចំពោះ​ប្រជា​ពលរដ្ឋ ៕

 

 

ទីតាំងផ្សាយពាណិជ្ជកម្ម

- Advertisment -

Most Popular