Home ព័ត៌មានសំខាន់ៗ ​ឆ្នាំនេះ​សម្...

​ឆ្នាំនេះ​សម្តេច​តេ​ជោ ហ៊ុន សែន ថា​មិនមាន​គម្រោង​ផ្អាក​ពិធីបុណ្យ​ចូលឆ្នាំ​ប្រពៃណីជាតិ​នោះទេ​

ដោយ​៖​តារា​រិ​ទ្ធ​/​ភ្នំពេញ​៖​ប្រមុខ​រាជរដ្ឋាភិបាល​កម្ពុជា​សម្តេច​អគ្គមហាសេនាបតី​តេ​ជោ ហ៊ុន សែន បានប្រកាសថា​សម្តេច​គ្មាន​គម្រោង​លុបចោល​ពិធីបុណ្យ​ចូលឆ្នាំថ្មី​ប្រពៃណី ជាតិ​ដូច​ឆ្នាំមុន​នោះទេ ព្រោះ​ឆ្នាំនេះ​យើង​គ្រប់គ្រង​បាន​សភាពការណ៍​,​ពលករ​មកពី​ប្រទេស​ថៃ​ត្រូវធ្វើ​ច​ត្តា​ឡី​ស័ក​នៅតាម​ខេត្ត​ជាប់​ព្រំដែន ។​

​សម្តេច​តេ​ជោ ហ៊ុន សែន បាន​ថ្លែង​បែបនេះ​នៅក្នុង​ពិធីបើកការដ្ឋាន​សាងសង់​រោងចក្រ​ប្រព្រឹត្តិកម្ម​ទឹកស្អាត​បាក់​ខែង​និង​សម្ពោធ​រោងចក្រ​ប្រព្រឹត្តិកម្ម​ទឹកស្អាត​ចំការមន​ដែល ធ្វើឡើង​នៅ​ខណ្ឌ​ជ្រោយចង្វារ រាជធានី​ភ្នំពេញ នា​ថ្ងៃទី​០១ ខែកុម្ភៈ​ឆ្នាំ​២០២១ ។

​សម្ដេច​តេ​ជោ​ហ៊ុនសែន បាន​គូសបញ្ជាក់ថា​៖«​ឆ្នាំនេះ​ច្បាស់​ណាស់​សម្ដេច​គ្មាន​គម្រោង​នឹង​លុបចោល​ពិធី​ចូលឆ្នាំ​ខ្មែរ​ដូច​កាលពី​ឆ្នាំមុន​នោះទេ​» ។​សម្ដេច​បាន​ពន្យល់ថា​កាល ពី​ឆ្នាំទៅ​មូលហេតុ​ដែល​ផ្អាក​ការរៀបចំ​ពិធីបុណ្យ​ចូលឆ្នាំ​ខ្មែរ ពីព្រោះ​ឆ្នាំ​មុននេះ​មាន​ពលករ​មកពី​ប្រទេស​ថៃ​ចំនួន​១២​ម៉ឺន​នាក់​ដែល​សម្រុក​ចូលមក​កម្ពុ​ជា​ភ្លាមៗ​ដោយ​ចំណុច ទាំងនេះ​បានធ្វើឱ្យ​មិនដឹងថា​អ្នកណា​មាន​ជំងឺ​កូ​វីដ​១៩ ឬ​អត់ បូករួម​ទាំង​អ្នក​ចេញពី​រាជធានី​ភ្នំពេញ​ថែមទៀត​។ សម្ដេច​តេ​ជោ​បាន​លើកឡើងថា​កាលពី​ឆ្នាំមុន​ពិធីបុណ្យ​ចូល ឆ្នាំ​នៅតែ​បុណ្យចូលឆ្នាំ ប៉ុន្តែ​ផ្អាក​ការឈប់​សម្រាក​ក្នុងពេល​បុណ្យចូលឆ្នាំ​ដោយ​ត្រូវ​សង​វិញ​ចំនួន​៥​ថ្ងៃក្រោយ ។ ប៉ុន្ដែ​សម្រាប់​ឆ្នាំនេះ​គឺ​គ្មាន​គម្រោង​ផ្អាក​នោះទេ​ដោយសារ​ឆ្នាំ នេះ​យើង​គ្រប់គ្រង​បាន​សភាពការណ៍ បងប្អូន​ពលករ​មក​ពី​ប្រទេស​ថៃ​ត្រូវបាន​ដាក់ឱ្យ​ធ្វើ​ច​ត្តា​ឡី​ស័ក​ត្រឹមត្រូវ​នៅ​ខេត្ត​ជាប់​ព្រំដែន ៕

 

ទីតាំងផ្សាយពាណិជ្ជកម្ម

- Advertisment -

Most Popular