Home ព័ត៌មានជាតិ សេដ្ឋកិច្ច ​ក្រសួង​ធនធាន...

​ក្រសួង​ធនធានទឹក ជីក​ប្រឡាយ​ជើង​ក្អែប បាន​ប្រវែង​ជាង ពីរលាន​ម៉ែត្រ​

​ដោយៈ ប​.​ខុន / ភ្នំពេញៈ នៅពេល​សួរថា តើន​រណា ជា​អ្នកគ្រប់គ្រង​គម្រោង​ជីក​ស្តារ ប្រឡាយ​ជើង​ក្អែប របស់​ក្រសួង​ធនធានទឹក និង​ឧតុនិយម​? បើ​បងប្អូន​ណា ដឹង​ជួយ​ប្រាប់ ខ្ញុំ (​អ្នកយកព័ត៌មាន​រស្មី​កម្ពុជា​) ផង ដើម្បី​ខ្ញុំ​បានដឹង និង​ស្នើសុំ​លទ្ធផល​ការងារ ដែល​ក្រសួង​ធនធានទឹក និង​ឧតុនិយម ដឹកនាំ​ធ្វើបាន​យកមក ផ្សព្វផ្សាយ ជូន​សាធារណជន ឱ្យបាន​ជ្រាប អំពី​គោលនយោបាយ របស់​រាជរដ្ឋាភិបាល ដែល​បាន​ខិតខំ រិៈ​រក​គ្រប់​មធ្យោបាយ ធ្វើយ៉ាងណា ឱ្យ​ប្រជាពលរដ្ឋ ដែល​បាត់បង់​ការងារ​ធ្វើ​ហើយ ត្រឡប់​ទៅ​មូលដ្ឋាន​វិញ ដោយសារ​វិបត្តិ​កូ​វីដ​១៩ មានការ​ងារ​ធ្វើ តាមរយៈ​គម្រោង សាច់ប្រាក់​ពលកម្ម ជីក​ស្តារ​ប្រឡាយ ជើង​ក្អែប​នេះ ដែល​មិន​ត្រឹមតែ​ទទួលបាន ថ្លៃឈ្នួល​ពលកម្ម តាម​លទ្ធផល​ការងារ ធ្វើបាន​នោះទេ គឺ​ថែមទាំង​ទទួលបាន​សមិទ្ធផល សម្រាប់​ការដាំដុះ នៅ​មូលដ្ឋាន​ទៀតផង​។​

​ពេល​មួយថ្ងៃ បន្ទាប់ពី​សារ​សំណួរ​ខាងលើ បាន​បង្ហោះ​លើ​បណ្តាញ​សង្គម (​ហ្វេ​ស​ប៊ុ​ក​) ដែលមាន​ឈ្មោះ Pen khon រួចមក លោក គឺ សម្បត្តិ ដែល​អះអាងថា ខ្លួន​ជាម​ន្ត្រី គម្រោង​សាច់ប្រាក់​ពលកម្ម របស់​ក្រសួង​ធនធានទឹក និង​ឧតុ​និ​ម បាន​ចូលមក​ធ្វើការ​បកស្រាយ ដូច​ខាង ក្រោម​នេះ​ថា យើងខ្ញុំ ( Keu Sabath ) សូម​អរគុណ​លោក Pen Khon ដែល​តែងតែ​យកចិត្តទុកដាក់ លើ​ការងារ​ជីក​ប្រឡាយ ជើង​ក្អែប​នេះ ។ ខ្ញុំ​សូម​ជម្រាប​លោក​ថា គម្រោង​អតិពលកម្ម ឬ គម្រោង​ជីក​ប្រឡាយ ជើង​ក្អែប មានឈ្មោះ​ជា​ផ្លូវការ​ថា គម្រោង​សាច់ប្រាក់​ពលកម្ម សម្រាប់​អភិវឌ្ឍន៍ ហេ​ដ្ឋា​រចនាសម្ព័ន​ជនបទ និង​ការគាំទ្រ​កសិករ ។​

​លោក គឺ សម្បត្តិ បាន​បកស្រាយ​ទៀតថាៈ គម្រោង​នេះ បានចាប់ផ្តើម​រៀបចំ នៅ​ឆ្នាំ​២០១៧ ហើយ​សម្រាប់​ការងារ ជីក​ប្រឡាយ​ជើង​ក្អែប​នេះ គឺ​មន្ទីរ​ធនធានទឹក និង​ឧតុនិយម (​ខេត្ត​មួយចំនួន​) ចាប់​អនុវត្ត នៅក្នុង​ឆ្នាំ​២០១៨-២០១៩ (​ជំ​ហ៊ាន​ទី​១) ដែល​បាន​អនុវត្ត​លើ ១២ ខេត្ត សម្រេចបាន​ប្រវែង ១.១៣៦.០០០ ម៉ែត្រ និង​ជំ​ហ៊ាន​២ នៅក្នុង​ឆ្នាំ​២០២០ ជីក​ប្រវែង ២.៣១២.០០០ ម៉ែត្រ ។​

​មន្ត្រី​គម្រោង​ខាងលើ បានបញ្ជាក់​ថាៈ ការងារ​ជីក​ប្រឡាយ​ជើង​ក្អែប​នេះ យើង​ប្រើប្រាស់​គ្រឿងចក្រ ៤០ ភាគរយ ដើម្បី​ជួយ​ប្រជាពលរដ្ឋ​លើ កន្លែង​ដី​រឹង ដែល​ពួកគាត់ មិនអាច​ជីក​ដោយ​ដៃ​បាន ការងារ​នេះ គឺ​ក្រសួង​ធនធានទឹក និង​ឧតុនិយម បានប្រគល់​ភារកិច្ច ជូន​មន្ទីរ​ធនធានទឹក និង​ឧតុនិយម​ខេត្ត​នីមួយៗ ជា​អ្នកដឹកនាំ​អនុវត្ត​ផ្ទាល់ ក្រោម​ការត្រួតពិនិត្យ របស់​ជំនាញការ​ប្រចាំ ក្រសួង​ធនធានទឹក និង​ឧតុនិយម និង​ជំនាញការ​ប្រចាំ ក្រសួង​សេដ្ឋកិច្ច និង​ហិរញ្ញវត្ថុ ហើយ​ជា​រៀងរាល់​សប្តាហ៍ គឺមាន​របាយការណ៍ ពី​មន្ទីរ​ធនធានទឹក ដើម្បី​រាយ​ការជូន​ថ្នាក់ដឹកនាំ ក្រសួង​ធនធានទឹក និង​ឧតុនិយម ព្រមទាំង​ក្រសួង​សេដ្ឋកិច្ច និង​ហិរញ្ញវត្ថុ ផងដែរ​។​

​លោក គឺ សម្បត្តិ បានឱ្យដឹង​ទៀតថាៈ បណ្តា​ខេត្ត​គោលដៅ​ទាំង ១៧ ដែល​បាន​នឹង​កំពុង​អនុវត្ត មានដូចជា ខេត្តកំពង់ឆ្នាំង , ពោធិសាត់ , បាត់ដំបង ,​ឧ​ត្ត​មានជ័យ​, បន្ទាយមានជ័យ​, សៀមរាប​, កំពង់ធំ​, កណ្តាល​, ស្វាយរៀង​, ព្រៃវែង​, តាកែវ​, កំពង់ស្ពឺ​, កំពត​, កំពង់ចាម​, ត្បូងឃ្មំ​, ស្ទឹងត្រែង​, និង​ខេត្តព្រះវិហារ ។​

​សូម​រំលឹក​ឱ្យដឹងថាៈ គម្រោង​សាច់ប្រាក់​ពលកម្ម​ជំហាន​ទី​២ ដែល​រាជ​រដ្ឋា​ភិ បាល​បាន​បង្កើតឡើង​សម្រាប់​ឆ្នាំ​២០២០-២០២២ បានចាប់ផ្តើម​អនុវត្ត​ជាមួយនឹង ថវិកា​សរុប​ចំនួន​៤៥១​ប៊ី​លាន​រៀល ដោយមាន​ការចូលរួម​ពី​ក្រសួង​អភិវឌ្ឍន៍​ជន បទ ក្រ​សួ ង​ធនធានទឹក​និង​ឧតុនិយម និង អគ្គិសនី​កម្ពុជា មាន​គោលដៅ​ចូល រួមចំណែក​កាត់បន្ថយ​ភាពក្រីក្រ​លើកកម្ពស់​ជីវភាព និង សុខ​មាល ភាព​រស់នៅ របស់​ប្រជាជន​ជនបទ និង​ប្រជាកសិករ​ក្រីក្រ ដែល​ត្រូវធ្វើឡើង តាមរយៈ​ការបង្កើត ឱកាស​ការងារ រយៈពេល​ខ្លី តាមរយៈ​កម្មវិធី​សាច់ប្រាក់​ពលកម្ម ដែល​នឹង​ជួយ​ដោះស្រាយ​ជីវភាព​បន្ទាន់ ក្នុង​រយៈពេល​ខ្លី​ផង ក៏ដូចជា​បង្កើតជា​ទុន សម្រាប់​ការ​វិ​និ​យោ គ​បន្ត​លើ​របរ​កសិកម្ម​ឬ​មុខរបរ​សមស្រប​ដទៃទៀត​។​

​គម្រោង​ខាងលើនេះ គាំទ្រ​ហិរញ្ញប្បទាន ពី​រាជរដ្ឋាភិបាល​កម្ពុជា ក្នុង​គោលបំណង ចូលរួម​កាត់បន្ថយ​ភាពក្រីក្រ លើកកម្ពស់​ជីវភាព និង​សុខមាលភាព របស់​ប្រជាជន​នៅ​តំបន់​ជនបទ និង ប្រជាកសិករ​ក្រីក្រ ដែល​ត្រូវធ្វើឡើង តាមរយៈ​ការបង្កើត​ឱកាស​ការងារ រយៈពេល​ខ្លី តាម​កម្មវិធី​សាច់ប្រាក់​ពលក ម្ម​ដែល​នឹង​ជួយ​ដោះស្រាយ ជីវភាព​បន្ទាន់ ក្នុង​រយៈពេល​ខ្លី​ផង និង​បង្កើតជា​ទុន សម្រាប់​ការវិនិយោគ​បន្ត លើ​របរ​កសិកម្ម ឬ​មុខរបរ​សមស្រប​ដទៃទៀត​ផងដែរ និង​ការអភិវឌ្ឍ ហេដ្ឋារចនាសម្ព័ន្ធ​ផ្លូវលំ​ជនបទ និង​លូបង្ហូរទឹក ក្នុង​តំបន់​ទីប្រជុំជន​។​

​គម្រោង​សាច់ប្រាក់​ពលកម្ម​ជំហាន​២ សម្រាប់​ឆ្នាំ​២០២០-២០២២ ត្រូវបាន​រាជរដ្ឋាភិបាល សម្រេច​ឱ្យ​អនុវត្ត កាលពីដើម​ខែមីនា ឆ្នាំ​២០២០ បន្ទាប់ពី​ការអនុវត្ត គម្រោង​ជំហាន​ទី​១ ដែល​អនុវត្ត​ពី​ឆ្នាំ​២០១៧ ដល់ ២០១៩ បាន​ជោគជ័យ នៅលើ​ខេត្ត​គោលដៅ ចំនួន ១២ ដែល​រួមមាន ខេត្តកំពង់ឆ្នាំង កំពង់ធំ កំពង់ស្ពឺ កា​កែវ បាត់ដំបង ពោធិសាត់ ព្រៃវែង សៀមរាប ស្វាយរៀង ឧ​ត្ត​រ​មានជ័យ កណ្តាល និង​ខេត្តបន្ទាយមានជ័យ ដោយ​ចំណាយ​ទុន​សរុប ២១៥,៤ ប៊ី​លាន​រៀល​។ ចំណែកឯ​គម្រោង​ជំហាន​ទី​២ ដែល​បានប្រកាស បើក​ការដ្ឋាន​សាងសង់ ហេ​ដ្ឋា​រចនា សម្ព័ន្ធ​រូបវន្ត​ជា​ផ្លូវការ ដោយ​ឧបនាយករដ្ឋមន្ត្រី អគ្គបណ្ឌិត​សភាចា​រ្យ អូន​ព័ន្ធ មុនី​រ័ត្ន រដ្ឋមន្ត្រីក្រសួង​សេដ្ឋកិច្ច និង​ហិរញ្ញវត្ថុ តំណាង​ដ៏​ខ្ពង់ខ្ពស់​របស់ សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី កាលពី​ថ្ងៃទី​១១ ខែមិថុនា ឆ្នាំ​២០២០ នៅ​ខេត្តកំពង់ធំ មាន​វិសាលភាព​គ្របដណ្តប់ លើ​ខេត្ត ចំនួន ១៨ ក្នុងនោះ​ខេត្ត​ជា​គោលដៅ នៃ​គម្រោង​ជំហាន​ទី​១ ទាំង ១២ ខេត្ត និង​ខេត្ត ពង្រីក​បន្ថែម​ថ្មី ចំនួន ៦ រួមមាន ខេត្តព្រះវិហារ ត្បូងឃ្មុំ ក្រចេះ ស្ទឹងត្រែង កំពង់ចាម និង​ខេត្តកំពត ដោយមាន​គម្រោង ថវិកា​សរុប​ចំនួន ៤៥១ ប៊ី​លាន​រៀល សម្រាប់​រយៈពេល ៣ ឆ្នាំ ក្នុងនោះ​ឆ្នាំ​២០២០ គ្រោង​ថវិកា​ចំនួន ១៥០ ប៊ី​លាន​រៀល​។​

​គម្រោង​ខាងលើនេះ ចូលរួម​អនុវត្ត ដោយ​ក្រសួង​អភិវឌ្ឍន៍ជនបទ ក្រសួង​ធនធានទឹក និង​ឧតុនិយម , អគ្គិសនី​កម្ពុជា ជា​គម្រោង​មាន​គោលដៅ ចូលរួម​កាត់ បន្ថយ​ភាពក្រីក្រ លើកកម្ពស់​ជីវភាព និង​សុខមាលភាព​រស់នៅ របស់​ប្រជាជន​ជនបទ និង​ប្រជាកសិករ​ក្រីក្រ ដែល​ត្រូវធ្វើឡើង តាមរយៈ​ការបង្កើត​ឱកាស​ការងារ រយៈពេល​ខ្លី តាម​កម្មវិធី​សាច់ប្រាក់​ពលកម្ម ដែល​នឹង​ជួយ​ដោះស្រាយ​ជីវភាព​បន្ទាន់ ក្នុង​រយៈពេល​ខ្លី​ផង ក៏ដូចជា បង្កើតជា​ទុន សម្រាប់​ការវិនិយោគ​បន្ត លើ​របរ​កសិកម្ម ឬ​មុខរបរ​សមស្រប​ដទៃទៀត​។ ការអភិវឌ្ឍ​ហេដ្ឋារចនាសម្ព័ន្ធ​កសិកម្ម និង​ជនបទ ដែល​រួមមាន ផ្លូវលំ ប្រឡាយ​ជើង​ក្អែប សម្រាប់​បង្ហូរទឹក ចូលក្នុង​ស្រែ ការតភ្ជាប់​បណ្តាញ អគ្គិសនី​តម្លៃ​ទាប ឱ្យដល់​ស្ថា​នី​បូមទឹក​កសិកម្ម និង​ដោយមាន​បន្ថែម​ការងារ​ស្តារ អភិរក្ស​ធនធានធម្មជាតិ ដែល​រួមមាន បឹងបួ​រអាង​ស្តុក​ទឹក និង​ស្រះ ស្រោចស្រព ដំណាំ​កសិកម្ម ជាដើម​។​

​តាម​ផែនការ​នៅក្នុង​ឆ្នាំ​២០២០ កន្លងទៅ គម្រោង​ខាងលើ មាន​សមត្ថភាព ស្រូបយក​ពលកម្ម ដែល​បាត់​បាត់​រយៈពេល​ខ្លី បាន​ចំនួន ៨៩០.០០០ នាក់ សម្រាប់ កសាង​ផ្លូវលំ ចំនួន ២.២៥៥ គីឡូម៉ែត្រ ជីក​ប្រឡាយ​ជើង​ក្អែប បាន​ចំនួន ២.៣៨៤ គីឡូម៉ែត្រ និង​ភ្ជាប់​បណ្តាញ​អគ្គិសនី ដល់​ស្ថានីយ​បូមទឹក​កសិកម្ម បាន​ចំនួន ៤៥ ។ ប្រជាជន​ទទួលផល​ពី​ហេដ្ឋារចនាសម្ព័ន្ធ ទាំងនេះ មាន​ចំនួន ៩៥៧.០០០ គ្រួសារ​៕/V​.mara

ទីតាំងផ្សាយពាណិជ្ជកម្ម

- Advertisment -

Most Popular