Home ព័ត៌មានជាតិ នយោបាយ លទ្ធផល​នៃ​កិច...

លទ្ធផល​នៃ​កិច្ច​ពិគ្រោះ​យោបល់​ថ្នាក់​ឧ​ត្ត​ម​មន្ត្រី​កម្ពុជា​-​អូស្ដ្រាលី លើក​ទី​២

ភ្នំពេញៈ កិច្ច​ពិគ្រោះ​យោបល់​ថ្នាក់​ឧ​ត្ត​ម​មន្ត្រី​កម្ពុជា​-​អូស្ដ្រាលី លើក​ទី​២ បាន​ប្រព្រឹត្តទៅ​នៅ​ថ្ងៃទី​២៨ ខែមករា ឆ្នាំ​២០២១ តាម​ប្រព័ន្ធ​វីដេអូ​។​លោកជំទាវ​បណ្ឌិត សឿង រដ្ឋ​ចា​វី រដ្ឋលេខាធិការ​ក្រសួងការបរទេស និង​សហប្រតិបត្តិការ​អន្តរជាតិ​កម្ពុជា និង​ឯកឧត្តម ចា​ស្ទី​ន ហេ​ហ៊ើ​ស (Justin Hayhurst) អនុរដ្ឋលេខាធិការ (Deputy Secretary) ក្រសួងការបរទេស និង​ពាណិជ្ជកម្ម​អូស្ត្រាលី បាន​ធ្វើជា​សហប្រធាន​នៃ​កិច្ចប្រជុំ​នេះ​។​

រូបថតៈកិច្ច​ពិគ្រោះ​យោបល់​ថ្នាក់​ឧ​ត្ត​ម​មន្ត្រី​កម្ពុជា​-​អូស្ដ្រាលី លើក​ទី​២ បាន​ប្រព្រឹត្តទៅ​នៅ​ថ្ងៃទី​២៨ ខែមករា ឆ្នាំ​២០២១ តាម​ប្រព័ន្ធ​វីដេអូ​។​លោកជំទាវ​បណ្ឌិត សឿង រដ្ឋ​ចា​វី រដ្ឋលេខាធិការ​ក្រសួងការបរទេស និង​សហប្រតិបត្តិការ​អន្តរជាតិ​កម្ពុជា និង​ឯកឧត្តម ចា​ស្ទី​ន ហេ​ហ៊ើ​ស (Justin Hayhurst) អនុរដ្ឋលេខាធិការ (Deputy Secretary) ក្រសួងការបរទេស និង​ពាណិជ្ជកម្ម​អូស្ត្រាលី បាន​ធ្វើជា​សហប្រធាន​នៃ​កិច្ចប្រជុំ​នេះ​។

ភាគី​ទាំង​ពីរបាន​ផ្លាស់ប្ដូរ​ទស្សនៈ​គ្នា​អំពី​វឌ្ឍនភាព​នៃ​កិច្ចសហប្រតិបត្តិការ​រ​វាង​កម្ពុជា និង​អូស្ដ្រាលី ទាំង​ក្នុង​ក្របខ័ណ្ឌ​ទ្វេភាគី តំបន់ និង​អន្ដរជាតិ ក៏ដូចជា​កង្វល់​រួម​របស់​ពិភពលោក​ក្នុងការ​ប្រយុទ្ធ​ប្រឆាំងនឹង​ការរីក​រាលដាល និង​ផលប៉ះពាល់​ដ៏​ធ្ងន់ធ្ងរ​នៃ​ជំងឺ​កូ​វីដ​-១៩​។​

​ភាគី​អូស្ដ្រាលី​បាន​កោតសរសើរ​រាជរដ្ឋាភិបាល​កម្ពុជា ក្រោម​ការដឹកនាំ​ដ៏​វាងវៃ​របស់​សម្ដេច​តេ​ជោ​នាយករដ្ឋមន្ត្រី​ចំពោះ​វិធានការ ទប់ស្កាត់​និង​គ្រប់គ្រង​ការរីក​រាលដាល​នៃ​ជំងឺ​កូ​វីដ​១៩​នៅ​កម្ពុជា​ប្រកបដោយ​ជោគជ័យ​។​អូស្ដ្រាលី​ក៏បាន​ថ្លែងអំណរគុណ​រាជរដ្ឋាភិបាល​កម្ពុជា​ចំពោះ​កាយវិការ​មនុស្សធម៌​ក្នុងការ​ទទួល​នាវា​ទេសចរណ៍​Westerdam​ឱ្យចូល​ចត​នៅ​កម្ពុជា​ក៏ដូចជា​ការជួយ​សម្រួល​ផ្នែក​កុងស៊ុល ដល់​ពលរដ្ឋ​អូស្ដ្រាលី​ដែល​បាន​ជាប់គាំង​នៅ​កម្ពុជា​ដោយសារ​វិបត្តិ​កូ​វីដ​១៩​ឱ្យបាន​វិលត្រឡប់​ទៅ​ប្រទេស​អូស្ដ្រាលី​វិញ ដោយ​សុវត្ថិភាព​។

​ជាការ​ឆ្លើយតប ភាគី​កម្ពុជា​បាន​សម្ដែង​ការកោតសរសើរ​ចំពោះ​រដ្ឋាភិបាល​អូស្ដ្រាលី ក្រោម​ការដឹកនាំ​របស់​ឯកឧត្តម ស្កុ​ត ម៉ូ​រី​ស​សុន (Scott Morrison) នាយករដ្ឋមន្ត្រី​អូស្ដ្រាលី ក្នុងការ​ទប់ស្កាត់​ការរីក​រាលដាល​នៃ​ជំងឺ​កូ​វីដ​-១៩ ដោយ​ជោគជ័យ និង​មាន​ប្រសិទ្ធភាព​។ កម្ពុជា​ថ្លែងអំណរគុណ​រដ្ឋាភិបាល​អូស្ត្រាលី​ដែល​បាន​ផ្តល់ជំនួយ​ហិរញ្ញប្បទាន​ឥត​សំណង​ចំនួន ២៨​លាន​ដុល្លារ​អាម៉េរិក​ដើម្បី​គាំទ្រ​ដល់ ការអនុវត្ត​ការចាក់​វ៉ាក់សាំង​ដែល​ទទួលស្គាល់​ដោយ​អង្គការ​សុខភាព​ពិភពលោក​នៅក្នុង​ប្រទេស​កម្ពុជា និង​ជំនួយ​ហិរញ្ញវត្ថុ ផ្សេងទៀត ដើម្បី​ជួយ​ដល់​កម្ពុជា​ក្នុងការ​គ្រប់គ្រង​ផលប៉ះពាល់​លើ​វិស័យសេដ្ឋកិច្ច​សង្គម ដោយ​វិបត្តិ​កូ​វីដ​-១៩​។

រូបថតៈកិច្ច​ពិគ្រោះ​យោបល់​ថ្នាក់​ឧ​ត្ត​ម​មន្ត្រី​កម្ពុជា​-​អូស្ដ្រាលី លើក​ទី​២ បាន​ប្រព្រឹត្តទៅ​នៅ​ថ្ងៃទី​២៨ ខែមករា ឆ្នាំ​២០២១ តាម​ប្រព័ន្ធ​វីដេអូ​។​លោកជំទាវ​បណ្ឌិត សឿង រដ្ឋ​ចា​វី រដ្ឋលេខាធិការ​ក្រសួងការបរទេស និង​សហប្រតិបត្តិការ​អន្តរជាតិ​កម្ពុជា និង​ឯកឧត្តម ចា​ស្ទី​ន ហេ​ហ៊ើ​ស (Justin Hayhurst) អនុរដ្ឋលេខាធិការ (Deputy Secretary) ក្រសួងការបរទេស និង​ពាណិជ្ជកម្ម​អូស្ត្រាលី បាន​ធ្វើជា​សហប្រធាន​នៃ​កិច្ចប្រជុំ​នេះ​។

​ចំពោះ​កិច្ចសហប្រតិបត្តិការ​ក្នុង​វិស័យ​សន្តិសុខ​និង​ការពារជាតិ​ភាគី​ទាំង​ពីរបាន​ឯកភាព​ជំរុញ​កិច្ចសហប្រតិបត្តិការ​ក្នុងការ​គ្រប់គ្រង​ព្រំដែន ការប្រយុទ្ធប្រឆាំង​ឧក្រិដ្ឋកម្ម​ឆ្លងដែន រួមមាន ការជួញដូរ​មនុស្ស ការរត់ពន្ធ​គ្រឿងញៀន ការលាង​លុយកខ្វក់​ការប្រយុទ្ធប្រឆាំង អំពើ​ភេរវកម្ម​និង​សន្ដិសុខ​លម្ហ​សមុទ្រ​តាមរយៈ​កម្មវិធី​បណ្ដុះបណ្ដាល​សម្រាប់​នាយទាហាន​និង​មន្ត្រី​អនុវត្ត​ច្បាប់​។​ភាគី​អូស្ដ្រាលី​ស្វាគមន៍ ប្រសាសន៍​របស់​សម្ដេច​តេ​ជោ​នាយករដ្ឋមន្ត្រី នៃ​ព្រះរាជាណាចក្រ​កម្ពុជា ថា កម្ពុជា​ប្រកាន់ខ្ជាប់​នូវ​នយោបាយ​អព្យាក្រឹត​អចិន្ត្រៃយ៍ និង​មិន​ចូលបក្ស​សម្ព័ន្ធ និង​មិន​អនុញ្ញាត​ឱ្យមាន​មូលដ្ឋានទ័ព​បរទេស​នៅលើ​ទឹកដី​កម្ពុជា​ឡើយ​។​

​ចំពោះ​ទំនាក់ទំនង​សេដ្ឋកិច្ច ភាគី​ទាំង​ពីរបាន​ឯកភាព​ជំរុញ​ពាណិជ្ជកម្ម​ទ្វេភាគី និង​វិនិយោគ​ឱ្យ​កើនឡើង​ថែមទៀត​។ ទន្ទឹមនេះ ភាគី​ទាំង​ពីរបាន​ឯកភាព​ពង្រឹង​កិច្ចសហប្រតិបត្តិការ​លើ​វិស័យ​ទេសចរណ៍​។​

​ចំពោះ​កិច្ចសហប្រតិបត្តិការ​អភិវឌ្ឍ​ន៍ ភាគី​អូស្ដ្រាលី​បញ្ជាក់​ជាថ្មី​អំពី​ការប្ដេជ្ញាចិត្ត​របស់​អូស្ដ្រាលី​បន្ដ​ជួយ​ដល់​កម្ពុជា​ជាពិសេស​ក្នុង វិស័យ​អាទិភាព​ដូចជា អប់រំ ហេដ្ឋារចនាសម្ព័ន្ធ​ដែលមាន​គុណភាព​ខ្ពស់ ពាណិជ្ជកម្ម កសិកម្ម សុខាភិបាល និង​បោសសម្អាត​មីន​។ កម្ពុជា​អរគុណ​អូស្ដ្រាលី​ដែល​បានផ្ដល់​ជំនួយ​ដ៏​មានតម្លៃ​និង​គាំទ្រ​វិស័យ​នានា​ដែល​បាន​ចូលរួមចំណែក​ដល់​ការអភិវឌ្ឍ​សេដ្ឋកិច្ច​-​សង្គម​កម្ពុជា​។​

រូបថតៈកិច្ច​ពិគ្រោះ​យោបល់​ថ្នាក់​ឧ​ត្ត​ម​មន្ត្រី​កម្ពុជា​-​អូស្ដ្រាលី លើក​ទី​២ បាន​ប្រព្រឹត្តទៅ​នៅ​ថ្ងៃទី​២៨ ខែមករា ឆ្នាំ​២០២១ តាម​ប្រព័ន្ធ​វីដេអូ​។​លោកជំទាវ​បណ្ឌិត សឿង រដ្ឋ​ចា​វី រដ្ឋលេខាធិការ​ក្រសួងការបរទេស និង​សហប្រតិបត្តិការ​អន្តរជាតិ​កម្ពុជា និង​ឯកឧត្តម ចា​ស្ទី​ន ហេ​ហ៊ើ​ស (Justin Hayhurst) អនុរដ្ឋលេខាធិការ (Deputy Secretary) ក្រសួងការបរទេស និង​ពាណិជ្ជកម្ម​អូស្ត្រាលី បាន​ធ្វើជា​សហប្រធាន​នៃ​កិច្ចប្រជុំ​នេះ​។

​ភាគី​ទាំង​ពីរបាន​ឯកភាពគ្នា​លើកកម្ពស់​ការប្រាស្រ័យ​ទាក់ទង​រវាង​ប្រជាជន និង​ប្រជាជន តាមរយៈ​កម្មវិធី​កូឡុំបូ​ថ្មី​និង​អ្នក​ស្ម័គ្រ ចិត្ត​អូស្ដ្រាលី​។​ភាគី​កម្ពុជា​បាន​ថ្លែងអំណរគុណ​ដល់​អូស្ត្រាលី​ដែល​បានបញ្ជាក់​ថា​នឹង​បង្កើន​ចំនួន​អាហារូបករណ៍​ដល់ក​ម្ពុ​ជា នៅ​ឆ្នាំ​២០២២​។

​កិច្ចប្រជុំ​បានធ្វើការ​ផ្លាស់​ប្ដូរ​យោបល់​លើ​កិច្ចសហប្រតិបត្តិការ​ផ្នែក​សិទ្ធិមនុស្ស និង​លទ្ធិប្រជាធិបតេយ្យនៅ​កម្ពុជា និង​បាន​ឯកភាព​បន្ដ​សហការគ្នា​យ៉ាង​ជិតស្និទ្ធ​ក្នុង​ស្មារតី​ស្ថាបនា​។​

​ភាគី​ទាំងពីរ​ក៏បាន​បង្ហាញ​នូវ​បំណងប្រាថ្នា​រួម​ដើម្បី​ពង្រឹង និង​ពង្រីក​កិច្ចសហប្រតិបត្តិការ និង​ការគាំទ្រ​គ្នា​ទៅវិញទៅមក​ក្នុង​ក្របខ័ណ្ឌ​តំបន់ និង​អន្ដរជាតិ រួមទាំង អាស៊ាន កិច្ចប្រជុំ​អាស៊ី​-​អឺរ៉ុប អង្គការសហប្រជាជាតិ និង​កិច្ចសហប្រតិបត្តិការ​អនុតំបន់​មេគង្គ ដើម្បី​ចូលរួមចំណែក​រក្សា​សន្ដិភាព សន្ដិសុខ និង​ការអភិវឌ្ឍ​ប្រកបដោយ​ចីរភាព​។ លើសពីនេះ​ទៀត ភាគី​អូស្ដ្រាលី​បានបញ្ជាក់​ឡើងវិញ​អំពី​ការគាំទ្រ​កម្ពុជា​ក្នុង​ការធ្វើជា​ម្ចាស់ផ្ទះ​រៀបចំ​កិច្ចប្រជុំ​កំពូល​អាស៊ី​-​អឺរ៉ុប​លើក​ទី​១៣ នៅ​ឆ្នាំ​២០២១ និង​ការធ្វើជា​ប្រធាន​អាស៊ាន​របស់​កម្ពុជា នៅ​ឆ្នាំ​២០២២​។ ភាគី​ទាំងពីរ​ក៏បាន​ផ្លាស់ប្ដូរ​ទស្សនៈ​លើ​បញ្ហា​តំបន់ និង​អន្ដរជាតិ ដែលជា​ការយកចិត្តទុកដាក់ និង​ជា​កង្វល់​រួម ដូចជា ការប្រកួតប្រជែង​យុទ្ធសាស្ដ្រ​រវាង​ប្រទេស​មហាអំណាច ទំនាក់ទំនង​រវាង​ក្រុម​សន្ទនា​សន្តិសុខ​ចតុ​ភាគី (QUAD) បញ្ហា​សមុទ្រ​ចិន​ខាងត្បូង និង​ឧបទ្វីប​កូរ៉េ​។​

រូបថតៈកិច្ច​ពិគ្រោះ​យោបល់​ថ្នាក់​ឧ​ត្ត​ម​មន្ត្រី​កម្ពុជា​-​អូស្ដ្រាលី លើក​ទី​២ បាន​ប្រព្រឹត្តទៅ​នៅ​ថ្ងៃទី​២៨ ខែមករា ឆ្នាំ​២០២១ តាម​ប្រព័ន្ធ​វីដេអូ​។​លោកជំទាវ​បណ្ឌិត សឿង រដ្ឋ​ចា​វី រដ្ឋលេខាធិការ​ក្រសួងការបរទេស និង​សហប្រតិបត្តិការ​អន្តរជាតិ​កម្ពុជា និង​ឯកឧត្តម ចា​ស្ទី​ន ហេ​ហ៊ើ​ស (Justin Hayhurst) អនុរដ្ឋលេខាធិការ (Deputy Secretary) ក្រសួងការបរទេស និង​ពាណិជ្ជកម្ម​អូស្ត្រាលី បាន​ធ្វើជា​សហប្រធាន​នៃ​កិច្ចប្រជុំ​នេះ​។

​ចំពោះ​កម្មវិធី​មេគង្គ​-​អូស្ដ្រាលី ភាគី​កម្ពុជា​ស្វាគមន៍​គំនិត​ផ្ដួចផ្ដើម​របស់​រដ្ឋាភិបាល​អូស្ដ្រាលី​ស្ដីពី​កម្មវិធី​មេគង្គ​-​អូស្ដ្រាលី ដែល​ឆ្លុះបញ្ចាំង​អំពី​ការប្ដេជ្ញាចិត្ត​របស់​រដ្ឋា​ភិ​បាល​អូស្ដ្រាលី​ដើម្បី​លើកកម្ពស់​ការអភិវឌ្ឍ​ប្រកបដោយ​ចីរភាព​នៅក្នុង​តំបន់​មេគង្គ​។

​ចំពោះ​ភាពជា​ដៃគូ​កិច្ចសន្ទនា​អាស៊ាន​-​អូស្ដ្រាលី ភាគី​អូស្ត្រាលី បាន​ថ្លែងអំណរគុណ​ចំពោះ​កម្ពុជា​ដែល​បាន​គាំទ្រ​ឱ្យមាន​កិច្ចប្រជុំ​កំពូល​អាស៊ាន​-​អូស្ដ្រាលី​ជា​រៀងរាល់ឆ្នាំ​។ ភាគី​កម្ពុជា​បាន​ថ្លែងអំណរគុណ ការគាំទ្រ​ឥត​ងាករេ​របស់​អូស្ដ្រាលី​ចំពោះ​ម​ជ្ឈ​ភាព​អាស៊ាន និង​សមាហរណកម្ម​តំបន់​អាស៊ាន ជាពិសេស​ការគាំទ្រ​រប​ស់​អូស្ដ្រាលី​ក្នុង​ការជួយ​កម្ពុជា​ត្រៀមខ្លួន​ធ្វើជា​ប្រធាន​អាស៊ាន នៅ​ឆ្នាំ​២០២២​។

​កម្ពុជា និង​អូស្ដ្រាលី បាន​ឯកភាព​នឹង​រៀបចំ​កិច្ច​ពិគ្រោះ​យោបល់​ថ្នាក់​ឧ​ត្ត​ម​មន្ត្រី​លើក​ទី​៣ នៅ​ប្រទេស​អូស្ដ្រាលី នៅ​ឆ្នាំ​២០២២​។

​កិច្ច​ប្រជុំបាន​ប្រព្រឹត្ត​ទៅក្នុង​បរិយាកាស​ស្និទ្ធស្នាល និង​យោគយល់​គ្នា​ទៅវិញទៅមក​ដែល​ឆ្លុះបញ្ចាំង​ពី​ស្មារតី​រួម ដើម្បី​ជំរុញ​កិច្ចសហប្រតិបត្តិការ​ប្រកប​ដោយ​ផ្លែផ្កា​រវាង​កម្ពុជា និង​អូស្ដ្រាលី ទាំង​ក្នុង​ក្របខ័ណ្ឌ​ទ្វេភាគី និង​ពហុភាគី​៕srn​

ទីតាំងផ្សាយពាណិជ្ជកម្ម

- Advertisment -

Most Popular