Home ព័ត៌មានសំខាន់ៗ សម្តេច​តេ​ជោ ...

សម្តេច​តេ​ជោ ហ៊ុន សែន អបអរសាទរ​លោក ង្វៀន ហ៊ូ​ចុង ជាប់​ជា​អគ្គលេខាធិការ​បក្សកុម្មុយនិស្ត​វៀតណាម​

ដោយៈ​មុនី​រ័ត្ន​/​ភ្នំពេញៈ សម្តេច​អគ្គមហាសេនាបតី​តេ​ជោ ហ៊ុន សែន ប្រធាន​គណបក្ស​ប្រជាជន​កម្ពុជា បាន​ផ្ញើលិខិត​អបអរសាទរ​ចំពោះ​លោក ង្វៀន ហ៊ូ​ចុង ដែល​ត្រូវបាន​ជ្រើសតាំង​សាជាថ្មី​ជា​អគ្គលេខាធិការ​មជ្ឈិមបក្ស នៃ​គណៈកម្មាធិការ​មជ្ឈិមបក្ស​កុ​ម្មុយ​និ​ស្ត​វៀតណាម​កា​លពី​ថ្ងៃទី​៣១ ខែមករា​ម្សិលមិញ​។​

សម្តេច​អគ្គមហាសេនាបតី​តេ​ជោ ហ៊ុន សែន ប្រធាន​គណបក្ស​ប្រជាជន​កម្ពុជា លោក ង្វៀន ហ៊ូ​ចុង ដែល​ត្រូវបាន​ជ្រើសតាំង​សាជាថ្មី​ជា​អគ្គលេខាធិការ​មជ្ឈិមបក្ស នៃ​គណៈកម្មាធិការ​មជ្ឈិមបក្ស​កុ​ម្មុយ​និ​ស្ត​វៀតណាម​កា​លពី​ថ្ងៃទី​៣១ ខែមករា​ម្សិលមិញ​((រូបឯកសារ)

យោងតាម​លិខិត​របស់​សម្តេច​តេ​ជោ ហ៊ុន សែន ផ្ញើជូន​លោក ង្វៀន ហ៊ូ​ចុង នៅ​ថ្ងៃទី​១ ខែកុម្ភៈ ឆ្នាំ​២០២១ នេះ បានសរសេរថា តាងនាម​ឲ្យ​គណៈកម្មាធិការ​កណ្តាល នៃ​គណបក្ស​ប្រជាជន​កម្ពុជា និង​រូប​សម្តេច​ផ្ទាល់ មាន​សេចក្តីសោមនស្ស​រីករាយ​យ៉ាងខ្លាំង សូម​ផ្ញើជូន​នូវ​អំណរ​សាទរ​យ៉ាង​ស្មោះស្ម័គ្រ​និង​កក់ក្តៅ​បំផុត​ជូន​ចំពោះ​ឯកឧត្តម​ក្នុងឱកាស​ដែល​ឯកឧត្តម​ត្រូវបាន​បោះឆ្នោត​ជ្រើសតាំង​សាជាថ្មី​ជា​អគ្គលេខាធិការ​មជ្ឈិមបក្ស នៃ​គណៈកម្មាធិការ​មជ្ឈិមបក្ស​កុ​ម្មុយ​និ​ស្ត​វៀតណាម​អាណត្តិ​ទី​១៣ នៅ​មហាសន្និបាត​បក្ស កាលពី​ថ្ងៃទី​៣១ ខែមករា ឆ្នាំ​២០២១​។​

​សម្តេច​តេ​ជោ ហ៊ុន សែន បាន​បន្តថា ការជ្រើសតាំង​ឯកឧត្តម​សាជាថ្មី​នេះ បាន​ឆ្លុះបញ្ចាំង​នូវ​ទំនុកចិត្ត​និង​ការជឿជាក់​របស់​បក្ស កុ​ម្មុយ​និ​ស្ត និង​ប្រជាជន​វៀតណាម ចំពោះ​ការដឹកនាំ​ដ៏​ឈ្លាសវៃ និង​ប្រកបដោយ​សមត្ថភាព​រប​ស់​ឯកឧត្តម ដើម្បី​បន្ត​អភិវឌ្ឍ​សេដ្ឋកិច្ច -​សង្គម​ប្រកបដោយ​ជោគជ័យ និង​រក្សា​សន្តិភាព ស្ថិរភាព និង​វិបុលភាព​យូរអង្វែង​របស់​ប្រទេស​វៀតណាម​។

​សម្តេច​តេ​ជោ​នាយករដ្ឋមន្ត្រី​មាន​ជំនឿ​ជឿជាក់​យ៉ាង​មុតមាំ​ថា ក្រោម​ការដឹកនាំ​របស់​ឯកឧត្តម បក្សកុម្មុយនិស្ត​វៀតណាម នឹង​បន្ត​អនុវត្ត នូវ​គោលនយោបាយ និងសេចក្តីសម្រេច​សំខាន់ៗ ដែល​ត្រូវ​បានអនុម័ត​នៅក្នុង​មហាសន្និបាត​បក្ស​លើក​ទី​១៣​ប្រកបដោយ​ជោគជ័យ ធំធេង​ថែមទៀត​។ នៅក្នុង​អាណត្តិ​ថ្មី​របស់​ឯកឧត្តម សម្តេច​មាន​ជំនឿ​ជឿជាក់ថា ចំណងមិត្តភាព​ជា​ប្រពៃណី សាមគ្គីភាព​និង ទំនាក់ទំនង​ដ៏​ជិតស្និទ្ធ​រវាង​គណបក្ស​ប្រជាជន​កម្ពុជា​និង​បក្សកុម្មុយនិស្ត​វៀតណាម​នឹងត្រូវ​បាន​បន្ត​ពង្រឹង​និង​ធ្វើ​ឲ្យ​កាន់តែ​ស៊ីជម្រៅ​បន្ថែមទៀត ដើម្បី​ជា​ផលប្រយោជន៍​សម្រាប់​ប្រជាជន និង​ប្រជាជាតិ​យើង​ទាំងពីរ​។

​ទីភ្នាក់ងារ សារព័ត៌មាន វៀតណាម បាន រាយការណ៍ ថា កាលពី​ព្រឹក​ថ្ងៃអាទិត្យ សម​មិត្ត ង្វៀន ហ៊ូ​ចុង ត្រូវបាន​ជ្រើសតាំង​ជា អគ្គលេខា​នៃ​គណៈកម្មាធិការ កណ្តាល បក្ស​កុម្មុយនីស្ត ។ លោក​ជា​ជន​ល្បីល្បាញ ចំពោះ​យុទ្ធនា​ការប្រឆាំង អំពើពុករលួយ ថ្នាក់ខ្ពស់ ដែល​កើត​មាននៅ ទូទាំង​បក្ស ប៉ូលិស និង កងកម្លាំងប្រដាប់អាវុធ ។ ខា ល ថៃ​ល័ រ សាស្ត្រាចារ្យ នៅ សកល វិទ្យាល័យ New South Wales និង ជា អ្នកជំនាញការ ខាង វៀតណាម បាន និយាយថា យើង រំពឹងថា លោក ចុង នឹង បន្ត ជំរុញ យុទ្ធនាការ របស់លោក ដែល បាន ទម្លាក់ មន្ត្រីជាន់ខ្ពស់ បក្ស មួយចំនួន រួមទាំង សមាជិក​ការិយាល័យ​នយោបាយ ៕​សរន

ទីតាំងផ្សាយពាណិជ្ជកម្ម

- Advertisment -

Most Popular