Home ព័ត៌មានសំខាន់ៗ ​ភ្ញៀវទេសចរ ន...

​ភ្ញៀវទេសចរ និង​ចំណូល​ពី​អង្គរវត្ត នៅ​ខែម​ករានេះ ថយចុះ​ជាង ៩៩% ធៀប​នឹង​ខែមករា ឆ្នាំមុន​

​ដោយៈ ម៉េង​ឆៃ / ភ្នំពេញៈ គ្រឹះស្ថាន​អង្គរ បានប្រកាសថា ស្ថិតិ​ភ្ញៀវទេសចរ​បរទេស និង​ចំណូល ដែល​ទទួលបាន ពី​ការលក់​បណ្ណ ចូល​ទស្សនា​រមណីយដ្ឋាន​អង្គរ ប្រចាំ​ខែមករា ឆ្នាំ​២០២១ គឺ​ថយចុះ​ជាង ៩៩% ធៀប​នឹង​ខែមករា ឆ្នាំ​២០២០​។​

​ស្ថិតិ​នៅ​ខែមករា ឆ្នាំ​២០២១ បាន​បង្ហាញថា មាន​អ្នកទេសចរ​បរទេស ទិញ​បណ្ណ​ចូល​ទស្សនា​រមណីយដ្ឋាន​អង្គរ ចំនួន​តែ ១.២១៣​នាក់ ថយចុះ ៩៩,៤៥% ធៀប​នឹង​ខែមករា ឆ្នាំ​២០២០ រីឯ​ចំណូល ទទួល​បានតែ ៥០.៤៦៦​ដុល្លារ គឺ​ថយចុះ ៩៩,៥២% ធៀប​នឹង​ខែមករា ឆ្នាំ​២០២០​។ យ៉ាងណាក៏ដោយ នៅ​ខែមករា ឆ្នាំ​២០២១ នេះ គ្រឹះស្ថាន​អង្គរ បានប្រកាសថា ចំណូល​ឧបត្ថម្ភ​មូលនិធិ គន្ធបុប្ផា​កម្ពុជា ចំនួន ២.៤២៦​ដុល្លារ​។ រីឯ​ចំណូល​ពី​ការលក់​បណ្ណ នៅ​ប្រាសាទ​កោះកែរ សម្រាប់​ខែមករា ឆ្នាំ​២០២១ មាន​ចំនួន ៦២​នាក់ ទទួលបាន​ចំណូល ៩៣០​ដុល្លារ​។​

ភ្ញៀវទេសចរ និង​ចំណូល​ពី​អង្គរវត្ត នៅ​ខែម​ករានេះ ថយចុះ​ជាង ៩៩% ធៀប​នឹង​ខែមករា ឆ្នាំមុន​

​របាយការណ៍​របស់​គ្រឹះស្ថាន​អង្គរ បង្ហាញថា កាលពី​ខែមករា ឆ្នាំ​២០២០ មាន​ភ្ញៀវទេសចរ​បរទេស ចំនួន ២២២.២៦១ នាក់ បាន​ទិញ​បណ្ណ​ចូល​ទស្សនា​រម ណី​យ​ដ្ឋា​ន​អង្គរ នៅ​ខេត្តសៀមរាប ដោយ​ទទួលបាន​ចំណូល ១០ ៥៤៧.៣៣២ ដុល្លារ​។ រីឯ​ចំណូល​ឧបត្ថម្ភ មូលនិធិ​គន្ធបុប្ផា​កម្ពុជា សម្រាប់​ខែមករា មាន​ចំនួន ៤៤៥ ១២២ ដុល្លារ​។ យ៉ាងណាក៏ដោយ ដោយសារតែ​វិបត្តិ​កូ​វីដ បានធ្វើ​ឲ្យ​ធ្លាក់ចុះ ចំនួន​អ្នកទេសចរ​បរទេស ចូលមក​កម្ពុជា ពិសេស​នៅ​ប្រាសាទអង្គរវត្ត​។​

​តាម​របាយការណ៍​រប​ស់​គ្រឹះស្ថាន​អង្គរ កាលពី​ឆ្នាំ​២០២០ មាន​អ្នកទេសចរ​បរទេស សរុប ៤០០.៨៨៩ នាក់ បាន​ទិញ​បណ្ណ​ចូល​ទស្សនា​រមណីយដ្ឋាន​អង្គរ ដោយ​ទទួលបាន​ចំណូល​សរុប​ចំនួន ១៨.៦៥៤.៨២៨ ដុល្លារ​អាមេរិក​។ ចំនួន​នេះ បាន​ធ្លាក់ចុះ​ជាង ៨០% បើ​ធៀប​នឹង​ឆ្នាំ​២០១៩​។

​កាលពី​ឆ្នាំ​២០១៩ ភ្ញៀវទេសចរ​បរទេស ២.២០៥.៦៩៧ នាក់ បាន​ទិញ​សំបុត្រ ចូល​ទស្សនា​រមណីយដ្ឋាន​អង្គរ ដោយ​ទទួលបាន​ចំណូល ៩៩.០៨៨.៨៩៤ ដុល្លារ រីឯ​ចំណូល​ឧបត្ថម្ភ មូលនិធិ​គន្ធបុប្ផា​កម្ពុជា នៅ​ឆ្នាំ​២០១៩ មាន​ចំនួន ៤.៤១១.៣៩៤ ដុល្លារ​៕/V​

ភ្ញៀវទេសចរ និង​ចំណូល​ពី​អង្គរវត្ត នៅ​ខែម​ករានេះ ថយចុះ​ជាង ៩៩% ធៀប​នឹង​ខែមករា ឆ្នាំមុន​

ភ្ញៀវទេសចរ និង​ចំណូល​ពី​អង្គរវត្ត នៅ​ខែម​ករានេះ ថយចុះ​ជាង ៩៩% ធៀប​នឹង​ខែមករា ឆ្នាំមុន​

ភ្ញៀវទេសចរ និង​ចំណូល​ពី​អង្គរវត្ត នៅ​ខែម​ករានេះ ថយចុះ​ជាង ៩៩% ធៀប​នឹង​ខែមករា ឆ្នាំមុន​

ភ្ញៀវទេសចរ និង​ចំណូល​ពី​អង្គរវត្ត នៅ​ខែម​ករានេះ ថយចុះ​ជាង ៩៩% ធៀប​នឹង​ខែមករា ឆ្នាំមុន​

ទីតាំងផ្សាយពាណិជ្ជកម្ម

- Advertisment -

Most Popular