Home ព័ត៌មានសំខាន់ៗ នរណា​ជាប្រមុខ...

នរណា​ជាប្រមុខ​យោធា​ មីន អ៊ុង ហ្លាំង និង​យោធា​មី​យ៉ាន់​ម៉ា​មាន​តួនាទី​អ្វី​ក្នុង​នយោបាយ​?

​ប្រែ​សម្រួលៈ​វាសនា​/​យ៉ាងហ្គោន​៖​ប្រមុខ​យោធា​ដ៏​មាន​ឥទ្ធិពល​របស់​មី​យ៉ាន់​ម៉ា លោក ឧត្តមសេនីយ៍​ជាន់ខ្ពស់ មីន អ៊ុង ហ្លាំង បាន​លេខ​មុខមាត់​បន្ទាប់​ពី​ពួក​អ្នកនយោបាយ​មកពី​គណបក្សកាន់អំណាច​​ហៅថា «​សម្ពន្ធជាតិ​សំរាប់​លទ្ធិប្រជាធិបតេយ្យ​» ត្រូវបាន​ចាប់ឃុំខ្លួន ហើយ​ក្រុម​យោធា​បាន​ប្រកាស​ដាក់​ប្រទេស​ក្នុង​គ្រាអាសន្ន​ដើម្បី​កាន់កាប់​អំណាច​ជំនួស​រដ្ឋាភិបាល​ស៊ីវិល​មួយ​ឆ្នាំ​សិន​។​

​យោធា​មី​យ៉ាន់​ម៉ា ល្បី​ខាង​នៅ​ឯកោ​មិន​សេពគប់​នរណា​និង​សូម្បី​តែ​អ្នកសង្កេតការណ៍​ក៏​យល់​ដឹង​តិចតួច​អំពី​ការងារ​ផ្ទៃក្នុង​របស់​គេដែរ​។​

ក្រោយបញ្ចប់របបយោធាអស់១ទសវត្សរ៍ ឥឡូវយោធាមីយ៉ាន់ម៉ាវិលមកកាន់អំណាចដដែល

​ខាងក្រោម​នេះ​ជា​កត្តា​សំខាន់ៗ​ខ្លះ អំពី​មេដឹកនាំ​របស់​ក្រុម​យោធា​និង​តួនាទី​របស់​វា​នៅក្នុង​ប្រព័ន្ធ​នយោបាយ​នៃ​ប្រទេស​នេះ​៖

-​តួនាទី​របស់​យោធា​នៅក្នុង​នយោបាយ​

​យោធា​បាន​គ្រប់គ្រង​ប្រទេស​អាស៊ី​អាគ្នេយ៍​មួយ​នេះ​ដោយផ្ទាល់​អស់​ពេល​ជិត​៥០​ឆ្នាំ ក្រោយ​រដ្ឋប្រហារ​ឆ្នាំ​១៩៦២ និង​ចាប់​តាំងពី​ពេលនោះ​មក​បាន​ចាត់ទុក​ខ្លួនឯង​ជា​ឆ្មាំ​នៃ​ឯកភាព​ជាតិ​។​

​ជា​ស្ថាបនិក​នៃ​រដ្ឋធម្មនុញ្ញ​ឆ្នាំ​២០០៨ យោធា​ដាក់​តម្កល់​តួនាទី​អចិន្ត្រៃយ៍​មួយ​របស់​ខ្លួន​នៅក្នុង​ប្រព័ន្ធ​នយោបាយ​។​តាម​រដ្ឋធម្មនុញ្ញ​តាក់តែងឡើង​ដោយ​ខ្លួនឯង​នេះ យោធា​ត្រូវ​ទទួល​កូតា​២៥​ភាគរយ​នៅ​​ក្នុង​អាសនៈ​សភា ដោយ​មិន​ចាំបាច់​ឆ្លងកាត់​ការបោះឆ្នោត និង​ប្រមុខ​យោធា​តែងតាំង​រដ្ឋមន្ត្រី​ការពារជាតិ មហាផ្ទៃ និង​កិច្ចការ​ព្រំដែន ដែល​ទុក​សំរាប់តែ​មនុស្ស​ទៅ​ពី​ក្រុម​យោធា នៅ​ក្រោម​កិច្ច​ព្រម​​ព្រៀង​មួយ​ជាមួយ​គណបក្ស​សម្ពន្ធជាតិ​សំរាប់​លទ្ធិប្រជាធិបតេយ្យ​(NLD)​។​

​សមាជិក​បក្ស​NLD​ជាច្រើន រួម​ទាំង​មេដឹកនាំ អ៊ុង សាន ស៊ូ​ជី ផង បាន​រង​ការ​ធ្វើ​បាប​អស់​ពេល​រាប់​ឆ្នាំ ដោយសារតែ​ការប្រឆាំង​នឹង​របប​យោធា​និង​គាំទ្រ​លទ្ធិប្រជាធិបតេយ្យ​។​

​សូម​រំ​លឹកថា ឧត្តមសេនីយ៍ មីន អ៊ុង ហ្លាំង អាយុ​៦៤​ឆ្នាំ នៅ​ឆ្ងាយ​ឬ​មិន​ចាប់អារម្មណ៍​នឹង​សកម្មភាព​នយោបាយ​ដែល​កំពុង​ផុសផុល​ទេ​កាលពី​ពេល​លោក​សិក្សា​ច្បាប់​នៅ​សកល​វិទ្យាល័យ​យ៉ា​ហ្គោន​នៅ​ឆ្នាំ​១៩៧២-១៩៧៤ ។​លោក​ជា​មនុស្ស​មិនសូវ​ចេះ​និយាយស្តី​ច្រើន និង​ធម្មតាមិនសូវ​ចេញ​មុខមាត់​ទេ។ នេះ​បើ​តាម​ការ​ឲ្យ​ដឹង​ពី​មិត្ត​រួម​ថ្នាក់​ម្នាក់​នៅ​ឆ្នាំ​២០១៦​។​

​ពេល​និស្សិត​រួម​ថ្នាក់​ចូលរួម​ធ្វើ​បាតុកម្ម លោក​មីន អ៊ុង ហ្លាំង បាន​ដាក់ពាក្យ​ចូលរៀន​សកល​វិទ្យាល័យ​យោធា គឺ​បណ្ឌិតសភា​វិទ្យាសាស្ត្រ​យោធា និង​បាន​សំរេច​នៅក្នុង​ការប៉ុនប៉ង​ចូលរៀន​លើក​ទី​៣​នៅ​ឆ្នាំ​១៩៧៤​។​

​យោង​តាម​មិត្ត​រួម​ថ្នាក់​ម្នាក់​នៅ​បណ្ឌិតសភា​វិទ្យាសាស្ត្រ​យោធា លោក​មីន អ៊ុង ហ្លាំង ជា​សិស្ស​នាយទាហាន​សាមញ្ញ​ម្នាក់​។​លោក​ត្រូវបាន​ដំឡើង​ឋានៈ​ជា​ទៀងទាត់​និង​សន្សឹមៗ ហើយ​មិត្ត​រួម​ថ្នាក់​ម្នាក់នេះ​បាន​​និយាយថា ខ្លួន​មាន​ការភ្ញាក់ផ្អើល​ដោយ​បាន​ឃើញ មីន អ៊ុង ហ្លាំង ឡើង​ហួស​ឋានន្ត​រ​ស័ក្តិកណ្តាល​របស់​កងទ័ព​។​

​ឧត្តមសេនីយ៍មីន អ៊ុង ហ្លាំង បាន​ចូល​កាន់កាប់​យោធា​មី​យ៉ាន់​ម៉ានៅ​ឆ្នាំ​២០១១ ក្នុងពេល​មី​យ៉ាន់​ម៉ា​ចាប់ផ្តើម​ធ្វើ​អន្តរកាល​អំណាច​ទៅ​កាន់​លទ្ធិប្រជាធិបតេយ្យ​។​ពួក​អ្នកការទូត​នៅ​ក្រុង​យ៉ាងហ្គោន បាន​​និយាយថា ចេញពី​ការ​មិន​ពេញចិត្ត​នឹង​ការចូល​កាន់តំណែង​របស់​លោកស្រី ស៊ូ​ជី នៅ​ឆ្នាំ​២០១៦ ឧត្តមសេនីយ៍មីន អ៊ុង ហ្លាំង​បានប្រែក្លាយ​ខ្លួន​លោកពីនាយ​ទាហាន​និយា​យ​តិច​ម្នាក់​ទៅ​ជា​អ្នកនយោបាយ​​និង​ជា​បុគ្គល​សាធារណៈ​មួយរូប​។​

​ពួក​អ្នកសង្កេតការណ៍​បានកត់សំគាល់​ការប្រើ​ទំព័រ​ហ្វេ​សប៊ុក​របស់​លោក​ដើម្បី​ផ្សព្វផ្សាយ​ឃោសនា​សកម្មភាព​និង​ជំនួប​ជាមួយ​ឥស្សរជន​នានា ព្រម​ទាំង​ការ​ទៅ​ទស្សនា​វត្ត​អា​រ៉ា​ម​។​profile​ផ្លូវការ​របស់​​លោក​បាន​ទាក់ទាញ​អ្នកគាំទ្រ​រាប់​ម​សែន​នាក់ មុន​ត្រូវ​បិទ​ចោល​បន្ទាប់ពី​ព្រឹត្តិការណ៍​យោធា​មី​យ៉ាន់​ម៉ា​បង្ក្រាប​លើ​ក្រុម​ជនជាតិភាគតិច​អ៊ីស្លាម​រ៉ូ​ហ៊ីង​យ៉ា​នៅ​ឆ្នាំ​២០១៧​។​

​ពួក​អ្នកសង្កេតការណ៍​និង​អ្នកការទូត​បាន​ប្រាប់​សារព័ត៌មាន​រ៉​យ​ទ័​រថា ឧត្តមសេនីយ៍មីន អ៊ុង ហ្លាំង បាន​សិក្សា​អំពី​អន្តរកាល​នយោបាយ​ផ្សេងៗ​និង​ខិតខំ​បញ្ចៀស​ចលាចល ដូច​នៅ​លី​ប៊ី និង​ប្រទេស​នៅ​​មជ្ឈិមបូព៌ា​ដទៃទៀត បន្ទាប់​ពី​ការដូរ​របប​នៅ​ឆ្នាំ​២០១១​។​

​អគ្គមេបញ្ជាការ​កងទ័ព​រូប​នេះ​មិន​ដែល​បង្ហាញ​សញ្ញា​ម្តងណា​ថា​លោក​នឹង​ត្រៀម​បោះបង់​អាសនៈ​យោធា​២៥​ភាគរយ​នៅក្នុង​សភា​ឡើយ និង​ក៏​មិន​អនុញ្ញាត​ឲ្យមាន​ការកែ​ប្រែ​រដ្ឋធម្មនុញ្ញ​ដែល​ហាមប្រាម​​មិន​ឲ្យលោកស្រី​ស៊ូ​ជី ក្លាយ​ជា​ប្រធានាធិបតី ដោយសារតែ​លោក​ស្រី​មាន​ស្វាមី​ជា​ជនបរទេស​(​អង់គ្លេស​)​។​

​ក្នុង​ពិភពលោក​សេរី លោក​ឧក្រិដ្ឋជន​អន្តរជាតិ​ម្នាក់ ដោយសារតែ​ការបង្ក្រាប​របស់​យោធា​មី​យ៉ាន់​ម៉ា​លើ​ក្រុម​ជាតិ​ភាគិច​រ៉ូ​ហ៊ីង​យ៉ានៅ​ឆ្នាំ​២០១៧​។​លោក​ត្រូវ​Facebook បិទ​គណនី​មិន​ឲ្យប្រើ​ដោយសារតែ​​ពន្យុះ​សម្តី​សម្អប់​ប្រឆាំងនឹង​ក្រុម​ជនជាតិភាគតិច ហើយ​ពួក​អ្នក​ស៊ើបអង្កេត​សហប្រជាជាតិ​បាន​អំពាវនាវ​ឲ្យ​កាត់ទោស​លោក​និង​មេដឹកនាំ​យោធា​កំពូល​ដទៃទៀត ចំពោះ​ការប្រព្រឹត្ត​អំពើ​ប្រល័យ​​ពូជសាសន៍​។​លោក​តែង​ច្រាន​ចោល​រាល់​ការចោទប្រកាន់​ពី​បទ​រំលោភ​សិទ្ធិមនុស្ស និង​ថា​ប្រតិបត្តិការ​យោធា​ដែល​បាន​បង្ខំ​ឲ្យ​ជន​អ៊ីស្លាម​រ៉ូ​ហ៊ីង​យ៉ា​ប្រមាណ​៧៥០.០០០​ភៀសខ្លួន​ចូល​ប្រទេស​បង់​ក្លា​ដែស​ ថា​ជា​ការងារ​ត្រឹមត្រូវ​ដើម្បី​បោសសម្អាត​ជន​បះបោរ​។​

​ការតវ៉ា​ចុងក្រោយ​របស់​យោធា អំពី​ភាពមិនប្រក្រតី​ក្នុង​ការបោះឆ្នោត​កាលពី​ខែវិច្ឆិកា ២០២០ ដែល​គណបក្ស​របស់​ស៊ូ​ជី ទទួលបាន​អាសនៈ​សភា​ស្ទើរ​ទាំងអស់​ក្រៅពី​២៥​ភាគរយ​ទុក​សំរាប់​ក្រុម​យោធា​នោះ​​កើតឡើង​ចំពេល​មាន​ការលេចឮ​មិន​ផ្លូវការ​ថា នឹង​មាន​ការលុបចោល​រដ្ឋធម្មនុញ្ញ​ដែល​តាក់តែងឡើង​ដោយ​យោធា​នេះ ដោយសារ​បក្ស​កាន់​អំណាច​មាន​សំឡេង​ច្រើន​លើសលប់​នៅ​ក្នុង​សភា​៕

​ឧត្តមសេនីយ៍មីន អ៊ុង ហ្លាំង បាន​បន្ត​តំណែង​អគ្គមេបញ្ជាការ​កងទ័ព​៥​ឆ្នាំ​ទៀត​កាលពី​ឆ្នាំ​២០១៦ ជា​ចំណាត់ការ​មួយ​ដែល​ធ្វើឲ្យ​អ្នកសង្កេតការណ៍​ភ្ញាក់ផ្អើល​ដោយសារ​ពួក​គេ​រំពឹងថា​លោក​​នឹង​ដក​ខ្លួន​នៅ​ឆ្នាំ​នោះ ក្នុងអំឡុងពេល​មាន​ការរុះរើ​ថ្នាក់ដឹកនាំ​យោធា​មួយ​

 

ទីតាំងផ្សាយពាណិជ្ជកម្ម

- Advertisment -

Most Popular