សហព័ន្ធ​ស្រូវ​អង្ករ​កម្ពុជា​ប្រាប់​ពី​មូលហេតុ​នៃ​ការនាំចេញ​អង្ករ​ធ្លាក់ចុះ​

ដោយ​:​ជា សីហ​:/​ភ្នំពេញ​:សហព័ន្ធ​ស្រូវ​អង្ករ​កម្ពុជា​បាន​អះអាងថា ខែ​ដំបូង នៃ​ឆ្នាំ​២០២១ កម្ពុជា​នាំចេញ​អង្ករ​សរុប​បាន​ជាង​៣​ម៉ឺន​៤​ពាន់​តោន ដែលមាន​ការធ្លាក់ចុះ​ជាង ៣២% ដោយសារ​បញ្ហា​ខ្វះ​កុងតឺន័រ​ដឹក​និង​ការដឹកជញ្ជូន​តាម​កប៉ាល់​។​

​ប្រភព​ដដែល​បាន​បន្តថា ការនាំចេញ​អង្ករ​របស់​កម្ពុជា ក្នុង​ខែមករា ឆ្នាំ​២០២១ ទៅកាន់ ទិសដៅ​ចំនួន ២៨​ប្រទេស សម្រេចបាន​ជារួម ៣៤.២៧៣​តោន គិត​ជា​ទំហំ​ទឹកប្រាក់​ចំនួន ៣០,៧៦​លាន​ដុល្លារ​សហរដ្ឋ​អា​មេ​រិច ដែលមាន​ការថយចុះ​ជារួម ៣២,០៧% ដែលជា ពិសេស​គឺ​ទីផ្សារ​របស់​ប្រទេស​នៅក្នុង​ទ្វីប​អ៊ឺរ៉ុប បាន​ធ្លាក់ចុះ​ជិត​៦០% ខណៈដែល​ទីផ្សារ ប្រទេស​ចិន នៅតែ​បន្ត​មាន​ភាព​វិជ្ជមាន ពោលគឺ​កើតឡើង​ជិត​៨% បើ​ប្រៀបធៀប​នឹង ខែមករា ឆ្នាំមុន​។

​ការធ្លាក់ចុះ​នៃ​ការនាំចេញ​អង្ករ ក្នុង​ខែមករា​នេះ ជាពិសេស​ទៅកាន់​ប្រទេស​សមាជិក សភាព​អឺរ៉ុប ដែលមាន​ការធ្លាក់ចុះ​ដល់​ទៅជិត​៦០% គឺ បណ្តាលមកពី​មូលហេតុ​ចម្បង គឺ​បញ្ហា​ការដឹកជញ្ជូន​តាម​កប៉ាល់ ដោយ​កង្វះ​ទូ​កុងតឺន័រ​សំរាប់​អង្ករ​ដែលជា​ទំនិញ​ធ្ងន់ មិនមាន​កន្លែង​ផ្ទុក​គ្រប់គ្រាន់ (Shipping Space) របស់​កប៉ាល់​ដឹកជញ្ជូន​ពី​កំពង់ផែ​ក្រុង ព្រះសីហនុ​(Pre-courier) ទៅ​ប្តូរ​នៅ​កប៉ាល់​មេ​ទៅ​អ៊ឺរ៉ុប (Mother Vessel) និង​តម្លៃ​ទៀត សោត​បាន​ឡើង​ខ្ពស់ ដល់​ទៅ​៥ ដង នៃ​តម្លៃ​ឆ្នាំមុន​។ ចំពោះ​ទីផ្សារ​ប្រទេស​ចិន​បាន​កាន់ កាប់​ចំណែក ៤៧,១៥% នៃ​ការនាំចេញ​សរុប ដែល​គិត​ជា​បរិមាណ​គឺមាន​ចំនួន ១៦.១៦៣ តោន និង​មានការ​កើនឡើង​៧,៧% បើ​ធៀប​នឹង​ខែមករា ឆ្នាំ​២០២០​។​

​ចំពោះ​ប្រភេទ​អង្ករ​នាំចេញ​ក្នុង​ខែមករា ឆ្នាំ​២០២១​នេះ ឃើញថា ៨៧,៦៣% គឺជា​ចំណែក របស់​អង្ករ​ក្រអូប ដែល​រួមមាន​ទាំង​ក្រអូប​ប្រណីត សែន​ក្រអូប អង្ករ​សរីរាង្គ​ផ្កាម្លិះ​ជាដើម​៕​/PC

ទីតាំងផ្សាយពាណិជ្ជកម្ម

- Advertisment -

Most Popular