Home ព័ត៌មានសំខាន់ៗ សម្តេច​ក្រឡាហ...

សម្តេច​ក្រឡាហោម ស ខេង​៖«​ឡាន​របស់​រដ្ឋ ប្រេង​របស់​រដ្ឋ ស៊ីប្រាក់ខែ​រដ្ឋ តែ​អស់លោក​យក​តួនាទី​ទៅធ្វើ​អាជីវកម្ម​ផ្ទាល់ខ្លួន​,..​គឺ​ខុសច្បាប់​ហើយ​»

ដោយ​៖​តារា​រិ​ទ្ធ​/​ភ្នំពេញ​៖​ សម្តេច​ក្រឡាហោម ស ខេង ឧបនាយករដ្ឋមន្ត្រីរ​ដ្ឋ​មន្ត្រី​ក្រសួងមហាផ្ទៃ​បាន​បញ្ជា​ឲ្យ​គណៈបញ្ជាការ​ឯកភាព​រា​ជ​ធានី​-​ខេត្ត​លុបបំបាត់​ឱ្យ​ខាន​តែ​បានករណី​មន្ត្រី​ពន្លត់​អគ្គិភ័យ​ទៅដល់​កន្លែងកើតហេតុ​ហើ យមិន​ធ្វើ​សកម្មភាព​បាញ់​ពន្លត់ភ្លើង​បែរជា​នៅ​តថ្លៃ​ជាមួយ​ជាមួយ​ជនរងគ្រោះ​ពេលខ្លះ​ជនរងគ្រោះ​គ្មាន​លុយ​ឲ្យ​ក៏​បណ្តោយ​ឲ្យ​ឆេះ​ផ្ទះ​គ្មាន​សល់ ។ សម្តេច​បានចាត់ទុក​ថា​នេះ​ជា​កំហុស​របស់​សមត្ថកិច្ច​ពន្លត់​អគ្គិភ័យ​ដែល​ស៊ីប្រាក់ខែ​រដ្ឋ​បែរជា​មិនបាន​បំពេញ​កាត​ព្ធ​កិច្ច​របស់ខ្លួន​ឲ្យ​បាន​ត្រឹមត្រូវ​មិន គួរ​យក​តួនាទី​ភារកិច្ច​រប​សើ​ខ្លួន​ទៅធ្វើ​អាជីវកម្ម​នោះទេ ។​

​សម្តេច​ក្រឡាហោម ស ខេង បានកត់សម្គាល់​បែបនេះ​ក្នុងពេល​អញ្ជើញ​ប្រារព្ធ​ទិវា​អន្តរជាតិ​រំលឹក​ដល់​ជនរងគ្រោះ​ដោយ​គ្រោះថ្នាក់​ចរាចរណ៍​ផ្លូវគោក​លើក​ទី១៥ នៅ​ខេត្តកណ្ដាល​នា​ព្រឹក​ថ្ងៃទី​០២ ខែកុម្ភៈ ឆ្នាំ​២០២១ ។ សម្តេច​ក្រឡា ហោម​បានកត់សម្គាល់​ឃើញថា​ក្នុងពេល​មាន​អគ្គិភ័យ​កើតឡើង​ម្តងៗ​អង្គភាព​ពន្លត់​អគ្គិភ័យ​មិនបាន​បំពេញភារ កិច្ច​របស់ខ្លួន​ឲ្យ​បាន​ត្រឹមត្រូវ​នោះទេ​,ឡាន​ទៅដល់​ហើយ​បញ្ឈរ​ច្រូង​នៅ​កន្លែងកើតហេតុ​ហ្នឹង​តែ​អត់​ទាន់​បាញ់​ទេ​នៅ​តថ្លៃ​គ្នា​សិន ។​

​សម្តេច​ក្រឡាហោម ស ខេង បាន​មានប្រសាសន៍ថា​៖«​ឡាន​ទៅដល់​ហើយ​បញ្ឈរ​ច្រូង​នៅ​កន្លែងកើតហេតុ​ហ្នឹង​តែ​អត់​ទាន់​បាញ់​ទេ ។ មាន​ភ្លើង​ផ្លឹ​ប​ផ្លេ​ត​នៅ​ហ្នឹង​ឡាន​ព្រោង ព្រាត​អត់​ទាន់​បាញ់​នៅ​តថ្លៃ​គ្នា​សិន ។ ឃើញ​ទេ​អានេះ​ដែល​ចង់​និយាយថា​សមត្ថកិច្ច​យើង​ខុស​ហើយ ប្រតិបត្តិ​ករ​យើង​ខុស​ហើយ មិនត្រូវ​ទេ​។​អ៊ីចឹង​ហើយ​បាន​ថា​គ្រប់កន្លែង ជាពិសេស​ទីប្រជុំជន​ទីក្រុង​គឺ​ត្រូវ​មើល​អាហ្នឹង ។ មាន​ឡាន ឡាន​របស់​រដ្ឋ ប្រេង​របស់​រដ្ឋ លោក​ស៊ីប្រាក់ខែ​រដ្ឋការពិតហើយ​ជួន​គ្នា​ប្រាក់ខែ​តិចតួចយើង​យល់​បញ្ហា​ហ្នឹង​យើងត្រូវមាន​គោលនយោបាយ​លើកទឹកចិត្ត ។ ប៉ុន្តែ​បងប្អូន​មិនត្រូវ​បំពេញបេសកកម្ម​ដោយ​យក​អាហ្នឹង​ធ្វើ​អាជីវកម្ម​ផ្ទាល់ខ្លួន​ទេ អាហ្នឹង​វា​អត់​ត្រូវ​ទេខុស​ ។ សូមឱ្យ​គណៈ​បញ្ជាការ​រាជធានី​-​ខេត្ត​ទាំងអស់​យកចិត្តទុកដាក់​ដើម្បី​ត្រួតពិនិត្យ​បញ្ហា​ហ្នឹង​ដោះស្រាយ​បញ្ហា​ហ្នឹង​កុំឱ្យ​វា​មាន​»​។​

​សម្តេច​ក្រឡាហោម ស ខេង បាន​ថ្លែង​ទៀតថា​«​យើង​សុខចិត្ត​ថា​ត្រូវ​ថែម​ប្រាក់ឧបត្ថម្ភ ឬ ប្រាក់​លើកទឹកចិត្ត​ក្នុងករណី​មួយៗ​ទៅវិញ​កុំទៅ​តថ្លៃ ។ តថ្លៃ​យ៉ាងម៉េច​?​គ្នា​កំពុង​រង គ្រោះ ភ្លើង​វា​ឆេះ​ផ្ទះ​ទៅ​តថ្លៃ​ថា​ប៉ុណ្ណេះ​មក បាន​យើង​បាញ់​ឱ្យ​អាហ្នឹង​មិន​ងាប់​គ្នា​ទៀតហើយ​បាន​លុយ​ពី​ណា​ឱ្យ បើ​លុយ​វា​នៅក្នុង​ភ្លើង​អស់ហើយ​»​។​

​ប្រជាពលរដ្ឋ​រស់​ក្បែរ​ខ្លាំងទំនិញ​មួយកន្លែង​ដែល​ឆេះ​នៅ​សង្កាត់​ទួល​ស្វាយព្រៃ​ទី​១ កាលពី​សប្តាហ៍​មុន​បានលើកឡើង​ថា​នៅ​យប់កើតហេតុ​នោះគេ​ឃើញ​រថយន្ត​ពន្លត់​អគ្គិភ័យ មិនតិច​ជិត ២០ គ្រឿង​បា​នប​ជ្ឈ​រ​នៅ​កន្លែងកើតហេតុ ប៉ុន្តែ​ឡាន​ដែល​បាញ់​ទឹក​មាន​ប្រមាណ​៦ ទៅ ៧ គ្រឿង​តែប៉ុណ្ណោះ​ឯ​មួយចំនួនទៀត​ប​ជ្ឈ​រ​ចោល​នៅ​កន្លែងកើតហេតុ មិនឃើញ​ទៅយក​ទឹក​នោះទេ ។ ក្នុង​ហេតុការណ៍​នោះគេ​ឃើញ​ការបាញ់​ពន្លត់អគ្គីភ័យ​នោះ​ពេលដែល​ភ្លើង​អន់ថយ​ទៅហើយ​ស្រាប់តែ​អស់​ទឹក​បាញ់​ខណៈដែល​ឡានទឹក​មាន ជិត ២០ គ្រឿង​នៅ​ទីនោះ ជាហេតុ​ធ្វើ​ឲ្យ​អណ្តាតភ្លើង​ឆេះ​រាលដាល​ឡើងវិញ​រហូត​ទៅ​ឆេះ​ផ្ទះល្វែង​ដែល​នៅជាប់​នោះ​បន្ថែមទៀត ។ ចំណែក​រថយន្ត​ពន្លត់​អគ្គិភ័យ​មួយចំនួន ទៀត​បែរ​ជាប​ជ្ឈ​រ​ចោល​នៅ​ផ្លូវ​ម្ខាង​ទៀត​ចាំ​បាញ់​ស្កាត់​ផ្ទះមួយ​ចំនួន​ដែល​នៅ​ពីក្រោយ​ឃ្លាំង​នោះ​ដោយ​ទុក​ឲ្យ​អណ្តាតភ្លើង​បន្ត​លេប​ត្របាក់​ផ្ទះ​នៅជាប់​ឃ្លាំង​នោះ​អស់បី​ល្វែង​។

​របាយការណ៍​របស់​នា​យក​ដ្ឋា​ន​បង្ការ​ពន្លត់​អគ្គិភ័យ​និង​សង្គ្រោះ​នៃ​ក្រសួងមហាផ្ទៃ​បានឱ្យដឹងថា​គ្រោះ​អគ្គិភ័យ​នៅក្នុង​ឆ្នាំ ២០២០ កន្លងទៅនេះ​បានកើត​ឡើង​ចំនួន​ប្រមាណ ៩៣៧ ករណី​បណ្ដាលឱ្យ​មនុស្ស ២៤​នាក់​ស្លាប់ និង ៣៦​នាក់​ទៀត​រងរបួស​។ គ្រោះ​អគ្គិភ័យ​ឆ្នាំ​២០២០ កើនឡើង​២២០​ករណី​បើ​ធៀប​នឹង​ឆ្នាំ​២០១៩​។ ផ្ទះ​ចំនួន ៧០៧ ខ្នង​និង​តូប​លក់ដូរ​ចំនួន ៥៩៤​ខ្នង​ព្រមទាំង​ទ្រព្យសម្បត្តិ​ជាច្រើន​ទៀត​បាន​រង​ការឆេះ​ខូចខាត ។ គ្រោះ​អគ្គិភ័យ​ទាំងនេះ​ត្រូវបាន​រកឃើញថា​ភាគ​គ​ច្រើន​បណ្ដាលមកពី​ផ្ទុះ​ឆ្លង ចរន្តអគ្គិសនី​ចំនួន ៣៧.៨៨​ភាគរយ​និង​ការប្រើប្រាស់​ភ្លើង​(​ចង្ក្រាន ធូប ទៀន​)​ខ្វះ​ការប្រុងប្រយ័ត្ន​ចំនួន​៣២.៣៣​ភាគរយ​។​ចំណែក​២៩.៧៧​ភាគរយ​ទៀត​កំពុងស្ថិត​ក្រោម ការស្រាវជ្រាវ​របស់​ម​ន្ត្រី​នគរបាល​ជំនាញ​៕​

ទីតាំងផ្សាយពាណិជ្ជកម្ម

- Advertisment -

Most Popular