WCS ជួយសង្គ្រោះ​សត្វ​ប្រើស​ស្បូវ​មួយ​ក្បាល​

ដោយ​:​ជា សីហ​:/​ភ្នំពេញ​: អង្គការ WCS បាន​អះអាង​នៅលើ​បណ្តាញ​សង្គម​ថា សត្វ​ប្រើ ស​ស្បូវ​មួយ​ក្បាល​ត្រូវបាន​ជួយសង្គ្រោះ​ពេលដែល វា​កំពុង​ជាប់អន្ទាក់​របស់​ព្រានព្រៃ ដាក់​ខុសច្បាប់​នៅក្នុង​ដែនជម្រកសត្វព្រៃ​កែវ​សីមា​។

​អង្គការ​នេះ​បាន​អះអាង នៅក្នុង​បណ្តាញ​សង្គម​ថា ប្រើស​ស្បូវ​នេះ មានសំណាង​ដោយ បាន​ជួប​ជាមួយ​ក្រុម​ស្រាវជ្រាវ​សត្វព្រៃ​នៃ​ដែនជម្រកសត្វព្រៃ​កែវ​សីមា ប៉ុន្តែ​ក្រុមការងារ មិន​ចូលទៅ​ជិត​វា​ទេ ព្រោះ​ខ្លា​ចវា​ភ័យ​ផ្អើល និង​អាច​បណ្តាលឱ្យ​ក្រុមការងារ​មាន​របួស​។​

​ប្រភព​ដដែល​បាន​បន្តថា ដើម្បី​ជួយសង្គ្រោះ​ប្រើស​ស្បូវ​នេះ​ឱ្យ​រួច​ពី​អន្ទាក់​ក្រុមការងារ​បាន យក​កាំបិត​ចងភ្ជាប់​នឹង​ចុង​ឫស្សី​វែង​មួយ​ដើម ដើម្បី​កាត់ផ្តាច់​ខ្សែ​អន្ទាក់​បានសម្រេច​ហើយ​។
​ប្រភព​ដដែល​បាន​បន្តថា ប្រើស​នេះ​បាន​ជាប់អន្ទាក់​នៅទីនេះ​អស់​រយៈពេល​ជាច្រើន ថ្ងៃ​ហើយ ហើយ​វា​មិនដឹងថា​ត្រូវធ្វើ​អ្វី​ទេ ទោះបីជា​វា​បាន​រួច​ពី​អន្ទាក់​ហើយ​ក្តី​។​

​តាម​ធម្មតា កាលណា​សត្វព្រៃ​មាន​របួស​ដូច្នេះ ក្រុមការងារ​ចាំបាច់​ត្រូវ​ព្យាបាល​វា​ជាមុនសិន ក៏ប៉ុន្តែ ដោយសារ​ស្ថិតនៅ​តំបន់​ឆ្ងាយ​ដាច់ស្រយាល​ក្រុមការងារ​មិន​អាចធ្វើ​កិច្ចការ​នេះ បានទេ​៕​/PC

ទីតាំងផ្សាយពាណិជ្ជកម្ម

- Advertisment -

Most Popular