Home ព័ត៌មានជាតិ សន្តិសុខ យុវជន​ម្នាក់​...

យុវជន​ម្នាក់​ដែល​ចាប់​នារី​ម្នាក់​រំលោភ​សេពសន្ថវៈ​រហូត​បានសម្រេច​ត្រូវ​សមត្ថកិច្ច​ឃាត់ខ្លួន​

ដោយ​: ស​រិ​ទ្ធ / កណ្ដាល​: យុវជន​ម្នាក់​ដែល​បាន​ចាប់​នារី​ម្នាក់​រំលោភ​សេពសន្ថវៈ​រហូត បានសម្រេច​បាន​ត្រូវ​សមត្ថកិច្ច​ឃាត់ខ្លួន​បាន នៅ​រសៀល​ថ្ងៃទី​១ ខែកុម្ភៈ ឆ្នាំ​២០២១ ដោយ​យោងតាម​ពាក្យបណ្តឹង​ឪពុកម្តាយ​នារី​រងគ្រោះ​។​

​ជនសង្ស័យ​ឈ្មោះ វី រ៉ា​មី ភេទ​ប្រុស អាយុ​២២​ឆ្នាំ មុខរបរ​កសិករ មាន​ទីលំនៅ​ភូមិ​ព្រែក​តា​ជ័រ ឃុំ​ស្វាយ​ប្រទាល ស្រុក​ស្អាង ខេត្តកណ្ដាល​។ ចំណែក​នារី​រងគ្រោះ មាន​អាយុ​១៩​ឆ្នាំ មុខរបរ​លក់ដូរ មាន​ទីលំនៅ​ភូមិ​ព្រែក​តា​ជ័រ ឃុំ​ស្វាយ​ប្រទាល ស្រុក​ស្អាង ខេត្តកណ្ដាល ។​

​សមត្ថកិច្ច​បញ្ជាក់ថា​កាលពី​ថ្ងៃទី​២៩ ខែមករា ឆ្នាំ​២០២១ វេលា​ម៉ោង ១០ និង ៤៥​នាទី​យប់​នៅ​ចំណុច​ចំការ​ស្វាយ ស្ថិតក្នុង​ភូមិ​ព្រែ​កតា​ជ័រ ឃុំ​ស្វាយ​ប្រទាល ស្រុក​ស្អាង ខេត្តកណ្ដាល​
​យុវជន​រូបនេះ​បាន​បើក​ម៉ូតូឌុប​នារី​ម្នាក់​ទៅ​ហូប​ការ​ជាមួយ លុះ​ត្រឡប់មកវិញ ដល់ទី​ស្ងាត់​ទប់​នឹង​តណ្ហា​ពុះកញ្ជ្រោល​មិនបាន ក៏​ចាប់​នារី​ដែល​ខ្លួន​ឌុប​នោះ​រំលោភ​រហូត​បានសម្រេច​។ លុះ​៣​ថ្ងៃ​ក្រោយមក​ក៏ត្រូវ​បាន​ឪពុកម្ដាយ​ខាង​នារី​រងគ្រោះ​ប្តឹង​សមត្ថកិច្ច​ឲ្យ​ចាប់ខ្លួន​យុវជន​នោះ​តែម្ដង​។​

​ចំពោះមុខ​សមត្ថកិច្ច​នគរបាល ជនសង្ស័យ​បាន​សារភាពថា ខ្លួន​ពិតជា​បាន​រំលោភ​សេពសន្ថវៈ​លើ​ជនរងគ្រោះ​ប្រាកដ​មែន​។​

​កន្លងមក​ជនសង្ស័យ​ធ្លាប់បាន​ជាប់ពន្ធនាគារ​ចំនួន​១​លើក​នៅ​ពន្ធនាគារ​ខេត្តកណ្ដាល រយៈពេល​១៨​ខែ​ពីបទ លួច​មាន​ស្ថាន​ទម្ងន់ ក្នុង​ឆ្នាំ​២០១៧ ។​

​បច្ចុប្បន្ន​ជនសង្ស័យ បាន​បញ្ជូនមក​អធិការដ្ឋាន​នគរបាល​ស្រុក​ស្អាង ដើម្បី​កសាង​សំណុំរឿង​ចាត់ការ​តាម​នីតិវិធី​៕

ទីតាំងផ្សាយពាណិជ្ជកម្ម

- Advertisment -

Most Popular