Home ព័ត៌មានជាតិ សន្តិសុខ បញ្ជូន​ជនជាតិ...

បញ្ជូន​ជនជាតិ​ចិន​ម្នាក់​ដែល​ចាក់​សម្លាប់​មិត្តភក្តិ​ទៅ​សាលាដំបូង​ខេត្ត​

 

ដោយ​:​វ​ណ្ណះ​/​ព្រះសីហនុ​: សំណុំរឿង ឃាតកម្ម និង​ជន​ស​ង្ស​យ័​ជា​បុរស​ជនជាតិ​ចិន​ម្នាក់ ត្រូវបាន​បញ្ជូនទៅ សាលាដំបូង​ខេត្ត ដើម្បី​បន្ត​និតិ​វិធី​ច្បាប់​កាលពី​ថ្ងៃទី​១ ខែកុម្ភ​: ឆ្នាំ​២០២១​។ នេះ បើតាម​ការបញ្ជា​ក់រប​ស់ មន្ត្រីនគរបាល​ព្រហ្មទណ្ឌ ខេត្ត​ព្រះសីហនុ​នៅ​ព្រឹក​ថ្ងៃទី​២ ខែកុម្ភ​:​។​

​មន្ត្រីនគរបាល​ព្រហ្មទណ្ឌ​ដដែល​បន្តថា កាល​ថ្ងៃទី​៣០ ខែមករា ឆ្នាំ​២០២១ វេលា​ម៉ោង​ប្រហែល​៨​កន្លះ​យប់ មាន​អំពើ​ឃា​ត្ត​កម្ម មួយ កើតឡើង ដែល​បង្កដោយ ជនជាតិ​ចិន និង​ជនជាតិ​ចិន​ដូចគ្នា នៅ​អគារ​ស្នាក់នៅ​មួយកន្លែង​ជាន់​ផ្ទាល់​ដី បន្ទប់​លេខ A108 ស្ថិត​ក្នុងភូមិ​២ សង្កាត់​៣ ក្រុង​-​ខេត្ត​ព្រះសីហនុ​។

​សមត្ថកិច្ច​បានឃើញ​សាកសព​ជនរងគ្រោះ ស្ថិតនៅក្នុង​រថយន្ត​មួយគ្រឿង​ម៉ាក ALPHARD ពណ៌​ស ពាក់​ស្លាក​លេខ ភ្នំពេញ 2BA-9208​។ បន្ទាប់មក​សមត្ថកិច្ច​បានធ្វើការ​ឃាត់ខ្លួន ជនសង្ស័យ​បុរស​ជនជាតិ​ចិន​ម្នាក់ នៅ​ថ្ងៃទី ៣១ ខែមករា យកមក​កាន់​ស្នងការដ្ឋាន​នគរបាល​ខេត្ត​ព្រះសីហនុ ដើម្បី​សាកសួរ​។​

​ជនសង្ស័យ​បាន​សារភាពថា ខ្លួន​បាន​ចាក់​សម្លាប់​ជនរងគ្រោះ​ពេល ដេកលក់​លើ​គ្រែ ក្នុង​បន្ទប់​អាគារ​ស្នាក់នៅ​ជាមួយគ្នា​ខាងលើ បន្ទាប់មក​ក៏​យក​សាកសព​វេច​ខ្ចប់​ដាក់ចូល​ក្នុង​រថយន្ត គោលបំណង​យកទៅ​បោះចោល តែ​ត្រូវ​បែកការណ៍​៕​

ទីតាំងផ្សាយពាណិជ្ជកម្ម

- Advertisment -

Most Popular