Home ព័ត៌មានជាតិ នយោបាយ សមាគម​កាយឫទ្ធ...

សមាគម​កាយឫទ្ធិ​នារី​កម្ពុជា​ប្រារព្ធ​ពិធី​សច្ចា​បញ្ចូល​សមាជិក​ថ្មី​លើក​ទី​២០ និង​ទិវា​នឹករលឹក ឆ្នាំ​២០២១

​ដោយ​: មុនី​រ័ត្ន​/​ភ្នំពេញៈ សមាគម​កាយឫទ្ធិ​នារី​កម្ពុជា បាន​ប្រារព្ធ​ពិធី​សច្ចា​បញ្ចូល​សមាជិក​កាយ​ឫទ្ធិ​នារី​កម្ពុ​ជាថ្មី​លើក​ទី​២០ និង​ប្រារព្ធ​ពិធី​ទិវា​នឹករលឹក ឆ្នាំ​២០២១ (Thinking Day 2021) ដែល​ប្រធានបទ​ឆ្នាំនេះ​មាន​ខ្លឹមសារ​គឺ ” ក្រោកឈរ រឹងមាំ រួមគ្នា​ដើម្បី​កសាង​សន្តិភាព​” ស្រប​នឹង​សភាពការណ៍​ប្រជាជន​ចង់បាន​នាពេល​បច្ចុប្បន្ន កាលពី​រសៀល​ថ្ងៃទី​១ ខែកុម្ភៈ​ម្សិលមិញ​។​

​លោកស្រី ស៊ិន សិរី អគ្គស្នងការ​សមាគម​កាយឫទ្ធិ​នារី​កម្ពុជា បាន​ថ្លែងអំណរគុណ​ចំពោះ​វត្តមាន​សមាជិក សមាជិកា​ចំនួន​ប្រមាណ ១៤៨​នាក់​បាន​ស្ម័គ្រចិត្ត​មក​សច្ចា​ចូល​ជា​សមាជិក​កាយឫទ្ធិ​នារី​កម្ពុជា​ពេញសិទ្ធិ​ដែល​បានផ្តល់​កិត្តិយស​មក​ចូលរួម​ក្នុង​កម្មវិធី​របស់​សមា​គម​កាយឫទ្ធិ​នារី​កម្ពុជា នាឱកាស​នេះ ។

​សូមបញ្ជាក់ថា ចលនា​កាយឫទ្ធិ​នារី​កម្ពុជា ចលនា​ឯករាជ្យ ស្ម័គ្រចិត្ត មិន​ចូលបក្ស​សម្ព័ន្ធ មិន​ធ្វើ​នយោបាយ មិន​រកប្រាក់​ចំណេញ ហើយក៏​មិនមែនជា​របស់​រដ្ឋាភិបាល ជា​ចលនា​ដែលមាន​ការទទួលខុសត្រូវ ចូលរួម​ក្នុងការ​ស្ថាបនា​ប្រទេសជាតិ និង​ពិភពលោក ដែល​ផ្តល់ឱកាស​អោយ​កុមារី និង​យុវតី​បាន​អភិវឌ្ឍន៍​គ្រប់​កិ​ត្យា​នុព​ល​របស់គេ​ដើម្បី​ក្លាយខ្លួនជា​ពលរដ្ឋ​ចេះ​ទទួលខុសត្រូវ​ចំពោះ​ខ្លួនឯង ប្រទេសជាតិ និង​ពិភពលោក​ទាំងមូល ។

​សមាគម​ត្រូវបាន​បង្កើតឡើង​តាំងពី​ក្នុងសម័យ​អាណានិគមនិយម​បារាំង​ដោយសារតែ​សង្គ្រាម​ទើប​សមាគម​ត្រូវបាន​កាត់ផ្តាច់​សកម្មភាព​ជាង ២ ទសវត្ស ហើយ​សមាគម​ត្រូវបាន​បង្កើត​ឡើងវិញ​នៅ​ឆ្នាំ​១៩៩៦ ៕​សរន​

ទីតាំងផ្សាយពាណិជ្ជកម្ម

- Advertisment -

Most Popular