Home ព័ត៌មានជាតិ សន្តិសុខ មានឈ្មួញ​ចាំទ...

មានឈ្មួញ​ចាំទិញ​ឈើ​ស្តុក​ទុក​តាម​ផ្ទះ​ប្រជាពលរដ្ឋ​ជាច្រើន​ម៉ែត្រគូប​នៅ​ស្រុក​សៀម​ប៉ាង​

​ដោយ​:​សុខុម​/​ស្ទឹងត្រែង​: ក្រុម​ឈ្មួញ​បាន​បំផុស​ឱ្យ​ប្រជាពលរដ្ឋ​ចូល​ព្រៃ​កាប់​ឈើ​ដឹក​មក​លក់​ឲ​ខ្លួន​ជា​អ្នកដើរ​ប្រមូល​ទិញ​ស្តុក​ទុក​តាម​ក្បែរ​ផ្ទះ​អ្នកស្រុក​ជាច្រើន​កន្លែង​នៅ​ខាងកើត​ទន្លេសេកុង ស្ថិតក្នុង​ភូមិ​បាន​ហួយ ឃុំ​សេកុង ស្រុក​សៀម​ប៉ាង ខេត្តស្ទឹងត្រែង​។​

​តាម​ប្រភពពី​ប្រជាពលរដ្ឋ​បាន​ប្រាប់ឱ្យដឹង​នៅ​ថ្ងៃទី​2 ខែ​កុ​ម្ភះ ឆ្នាំ​2021 ថា​មាន​ឈ្មួញ​ទៅ​ពី​ខាងក្រៅ​ដើរ​ទិញ​ឈើ​ពី​អ្នកភូមិយកមក​ស្តុក​ទុក​នៅតាម​ផ្ទះ​ប្រជាពលរដ្ឋ​ក្នុងភូមិ ដើម្បី​រង់ចាំ​ឱកាសល្អ​ដឹក​ចេញពី​ស្រុក​សៀម​ប៉ាង​ទៅ​កាន់​ខេត្ត​ផ្សេង​។​ ឈើ​ដែល​អ្នកភូមិ​ចូល​ព្រៃ​កាត់​ដឹក​ឱ្យ​ឈ្មួញ​ភាគច្រើន​គឺជា​ប្រភេទ​ឈើប្រណិត​មានមុខ​កាត់​ធំៗ និង​មាន​អាយុកាល​រាប់រយឆ្នាំ​។

​ប្រជាពលរដ្ឋ​បាន​ឲ្យ​ដឹង​ទៀតថា​ឈើ​នោះ ត្រូវបាន​គេ​ដឹក​ចេញពី​តំបន់​ព្រៃ ដែលមាន​ចម្ងាយ​ច្រើន​គីឡូម៉ែត្រ​ពី​ភូមិ ហើយយកមក​លក់​ឲ្យ​ឈ្មួញ​។ អ្នកភូមិ​បាន​ចូល​ព្រៃ 2 ទៅ 3 ថ្ងៃ​ទើបបាន​ឈើ​យកមក​លក់​ឲ្យ​ឈ្មួញ​។ ពួកគាត់​បាននិយាយទៀតថា បើសិនជា​គ្មាន​ឈ្មួញ​ទៅរក​ទិញ​ទេនោះ អ្នកភូមិ​ក៏​មិន​ចូល​ព្រៃ​កាប់​ឈើ​ដែរ ពីព្រោះថា​មុខរបរ​នេះ គឺ​ខុសច្បាប់​។ ម្យ៉ាងទៀត​មុននឹង​ដឹក​ចេញពី​ព្រៃ​ក៏ត្រូវ​បង់​ឲ្យ​សមត្ថកិច្ច​អស់​ជាច្រើន​កន្លែង​ដែរ ទើប​ដឹកឈើ​ចេញពី​ព្រៃ​មក​លក់​ឲ​ឈ្មួញ​រង់ចាំ​ទិញ​នៅក្នុង​ភូមិ​៕​

ទីតាំងផ្សាយពាណិជ្ជកម្ម

- Advertisment -

Most Popular