Home ព័ត៌មានអន្តរជាតិ កូវី​ដ​១៩​នៅ​...

កូវី​ដ​១៩​នៅ​ថៃ​ឡើង​ហួស​២០.០០០​នាក់​បន្ទាប់​ពី​បន្ថែម​អ្នក​ឆ្លង​ជាង​៨០០​នាក់​ទៀត​

ប្រែ​សម្រួលៈ​វាសនា​/​បាងកក​៖​ការ​ឆ្លងកូវី​១៩​ចំនួន​៨៣៦​នាក់​ទៀត​ត្រូវបាន​រកឃើញ​នៅ​ថៃ​កាលពី​ថ្ងៃ​អង្គារ ជាហេតុ​នាំ​អោយ​ចំនួន​ឆ្លង​ជំងឺ​នេះ​សរុប​តាំងពី​មួយ​ឆ្នាំ​មុន​នៅក្នុង​ប្រទេស​នេះ​ឡើងដល់​២០.៦១៨​នាក់ និង​៧៩​នាក់​ស្លាប់​ដោយកូវី​ដ​១៩ បន្ទាប់​ពី​អ្នកជំងឺ​២​នាក់​ទៀត​បាន​ស្លាប់​។​

​មន្ត្រី​ថៃ​បានអោយដឹងថា ក្នុងចំណោម​ការឆ្លង​ថ្មី​៨៣៦​នាក់ រួមមាន​៨១៩​នាក់​ឆ្លង​នៅក្នុង​ស្រុក និង​១៧​នាក់​ជា​ករណី​នាំចូល ហើយ​ក្នុងចំណោម​ការឆ្លង​ជាង​២​ម៉ឺន​នាក់​នេះ ១៣.២១៧​នាក់​បាន​ជាសះស្បើយ​​និង​៧.១៥៨​នាក់​កំពុង​ទទួល​ការព្យាបាល​។​

​ជនរងគ្រោះ​ដល់​ជីវិត​ទី​១ ជា​ស្ត្រី​ថៃ​អាយុ​៧៥​ឆ្នាំ នៅក្នុង​ខេត្ត​សាមុត សា​ខន​។​ជនរងគ្រោះ​ក៏​មាន​ជំងឺលើសឈាម​និង​កូ​ឡេ​ស្ទេ​រ៉ូល​ខ្ពស់​។​អ្នកស្លាប់​ទី​២ ជា​អ្នកលក់ដូរ​ជនជាតិ​ថៃ​អាយុ​៦៨​ឆ្នាំ នៅ​ក្រុង​បាងកក​​ដែល​ក៏​កើត​ជំងឺ​ទឹកនោម​ផ្អែម​និង​តម្រង​នោម​។​

​មន្ត្រី​បាន​អះអាងថា ក្នុងចំណោម​អ្នក​ឆ្លង​ថ្មី មាន​៧៨៧​នាក់​នៅក្នុង​ខេត្ត​សាមុត សា​ខន​(៧០៥​នាក់​ជា​ជនជាតិ​មី​យ៉ាន់​ម៉ា​)​។​ទីក្រុង​បាងកក​មាន​អ្នក​ឆ្លង​ថ្មី​ជាង​ម្ភៃ​នាក់​នៅ​ថ្ងៃនេះ​ហើយ​ជនកម្ពុជា​ម្នាក់​​ក៏​ស្ថិត​ចំណោម​អ្នក​ឆ្លង​ថ្មី​នៅ​ថ្ងៃនេះ​ដែរ​។​

​នៅ​ទូទាំង​ពិភពលោក កូវី​ដ​១៩​បាន​ចម្លង​មនុស្ស​ដល់​១០៣,៩២​លាន​នាក់ និង​ជាង​២,២៥​លាន​នាក់​ស្លាប់​ដោយសារ​វា​។​អាម៉េរិក​នៅតែ​នាំមុខគេ​ជាមួយ​នឹង​ការឆ្លង​២៦,៩១​លាន​នាក់​និង​៤៥៤.២១៣​នាក់​ស្លាប់​ដោយកូវី​ដ​១៩៕

​កម្មករ​មី​យ៉ាន់​ម៉ា នៅ​សាមុត សា​ខន ត្រូវ​បាន​បញ្ចេញ​ពី​មន្ទីរពេទ្យ​កណ្តាលវាល​មួយ​កាលពី​សប្តាហ៍​មុន ក្រោយ​ពួកគេ​ជា​ពី​កូវី​ដ​១៩

ទីតាំងផ្សាយពាណិជ្ជកម្ម

- Advertisment -

Most Popular