អគ្គនាយក​ស៊ីម៉ាក់​ថា គ្រាប់​ទម្លាក់​ពីលើ​យន្តហោះ​ទី​ពីរ​រកឃើញ​នៅ​ផ្លូវជាតិ​លេខ​៣

​ដោយៈ ជា សីហៈ​/​ភ្នំពេញៈ លោក ហេង រតនា អគ្គនាយក​ស៊ីម៉ាក បាន​រាយការណ៍​នៅលើ​បណ្តាញ​សង្គម​របស់លោក​ថា ​នៅ​ថ្ងៃទី​២ ខែ​កុ​ម្ភះ ឆ្នាំ​២០២១ នេះ គ្រាប់​ទម្លាក់​ពីលើ​យន្តហោះ​មួយគ្រា​ប់​ទៀត​ត្រូវបាន​គេ​ប្រទះឃើញ ។

​លោក​បាន​បន្តថា នេះ​ជា​គ្រាប់​ទម្លាក់​ពី​យន្តហោះ​ប្រភេទ​MK82 ជា​សំណល់​ពី​សង្គ្រាម ។

​លោក​បាន​បន្តទៀតថា វា​ត្រូវបាន​ប្រទះឃើញ​នៅ​ទី​ការដ្ឋាន​ស្ថាបនា​ផ្លូវ​និង​ប្រព​ន្ធ័​លូ​ដោះ​ទឹក នៅ​ទល់មុខ បណ្ណាល័យ​ច​ន្ទ័​សោម សែន​មង្គល​នៃ​ផ្លូវជាតិ់​លេខ​៣ ដែល​កសាង​ដោយ​ក្រុមហ៊ុន​កូរ៉េ បាន​កាយ​ប៉ះចំ ។

​គ្រាប់​នេះ​ត្រូវបាន​គេ​ដឹងថា គឺជា​ប្រភេទ​គ្រាប់បែក​ទម្លាក់​ពី​យន្តហោះ​ដែលមាន​ទំងន់​ប្រមាណ​ជា ២២៧ គីឡូក្រាម ។

​គ្រាប់​នេះ​ជា​គ្រាប់​ទម្លាក់​ពី​យន្តហោះ​ទី​ពីរ​ដែល​រកឃើញ​នៅក្នុង​ឆ្នាំនេះ ។ កាលពី​ខែមករា កន្លងទៅ គ្រាប់​ប្រភេទ​M-117 ទម្ងន់​៧៥០​ផោន ឫ​ប្រមាណ​៣៤០​គីឡូក្រាម ចំនួន​០១​គ្រាប់ ត្រូវបាន​គេ​រកឃើញ​នៅ​ភូមិ​បន្ទាយ​មាន​រិ​ទ្ធ ឃុំ​កណ្តាល ស្រុក​ទឹកឈូ ខេត្តកំពត ក្នុង​ជម្រៅ​ប្រមាណ​៥​ម៉ែត្រ​៕

ទីតាំងផ្សាយពាណិជ្ជកម្ម

- Advertisment -

Most Popular