Home ព័ត៌មានអន្តរជាតិ រដ្ឋបាលបៃដិ​ន...

រដ្ឋបាលបៃដិ​ន​បញ្ជាក់​ថាអត់​ទាន់​ប្រញាប់​ទាក់ទង​ជាមួយ​ចិន​ទេ​

ប្រែ​សម្រួល : កញ្ញា​ដា​លី​ស ៖​រដ្ឋបាលបៃដិ​ន​បានច​ង្អុល​បង្ហាញ​កាលពី​ថ្ងៃ​អង្គារ​ទី​២​កុម្ភៈ​ថា​ខ្លួន​មិន​ប្រញាប់​ចូលរួម​ជាមួយ​ចិន​ដែល​ជា​គូប្រជែង​យុទ្ធសាស្ត្រ​ដែល​ខ្លួន​ប្តេជ្ញា​ផ្តួល​ឱ្យ​បាន​នោះ​ទេ​ហើយ​និយាយ​​ថា​ខ្លួន​នឹង​ចូលរួម​ជាមួយ​ចិន នៅពេល​ដែល​ខ្លួន “​ពួតដៃគ្នា​បាន​យ៉ាងរឹងមាំ​” ជាមួយ​សម្ព័ន្ធមិត្ត​និង​ដៃគូ​។​

​ប្រធានាធិបតី​ចូ បៃ​ដិនបាន​និយាយ​ទៅកាន់​មេដឹកនាំ​ពិភពលោក​ជា​ច្រើន​ចាប់តាំងពី​ចូលកាន់​តំណែង​នៅ​ថ្ងៃទី ២០ ខែ​មករា​ប៉ុន្តែ​មិនទាន់​បាន​និយាយ​ជាមួយ​សម​ភាគី​ចិន​លោក​ស៊ី ជីន​ភីង​នៅឡើយ​ទេ ហើយ​អ្នកនាំពាក្យ​សេត​វិមាន​លោកស្រី ជេ​ន ភី​សា​គី បាន​ប្រាប់​សន្និសីទកាសែត​មួយ​ថា លោកស្រី​មិន​អាច​និយាយ​បាន​ទេ​ថា​តើ​ពេលណា​ការហៅ​ទូរស័ព្ទ​មួយ​អាច​នឹង​កើតឡើង​។​

​លោកស្រី​ភី​សា​គី​និយាយថា ជាមួយ​លោក​អាន​ថូ​នី ប្ល៊ី​ន​ខិ​ន​ធ្វើ​ជា​រដ្ឋមន្ត្រី​ការបរទេស​អាម៉េរិក​”​មាន​ស្រទាប់​ច្រើន​បន្ថែមទៀត​ដើម្បី​ទាក់ទង​ជាមួយ​ចិន​”​ប៉ុន្តែ​ទាំង​លោកស្រី​និង​អ្នកនាំពាក្យ​ក្រសួង​ការ​​បរទេស​លោក​ណេត ប្រា​យ និយាយថា ការនិយាយ​ទៅកាន់​សម្ព័ន្ធមិត្ត​និង​ដៃគូ ត្រូវធ្វើ​មុនគេ​។​

​លោក​ប្រាយ​បាន​ប្រាប់​សន្និសីទ​សារព័ត៌មាន​ខ្លី​មួយ​ថា​មាន​បញ្ហា​ជាច្រើន​រួម​ទាំង​ការប្រែប្រួល​អាកាសធាតុ​”​ដែល​វា​ជា​ផលប្រយោជន៍​ជាតិ​របស់​យើង​ក្នុង​ការសហការ​គ្នា​លើ​មូលដ្ឋាន​មាន​ដែន​កំណត់​​ជាមួយ​ចិន​”​។​

​លោក​និយាយថា “​សម្ព័ន្ធភាព​និង​ភាពជា​ដៃគូ​របស់​សហរដ្ឋ​អាម៉េរិក​គឺ​ជា​កម្លាំង​ដ៏​ធំធេង​ដើម្បី​ទប់ទល់​គ្រប់​ឧបសគ្គ​ទាំងឡាយ ហើយ​នោះ​រាប់បញ្ចូល​ទាំង​ទំនាក់ទំនង​របស់​យើង​ជាមួយ​ទីក្រុង​ប៉េកាំង​ដែរ​។​​ដូច្នេះ​ជា​ជំហាន​ដំបូង យើង​ចង់​ធ្វើ​ឱ្យ​ប្រាកដថា យើង​ពួតដៃ​យ៉ាង​ជិតស្និទ្ធ​ជាមួយ​សម្ព័ន្ធមិត្ត​ទាំងអស់ ពួតដៃ​ជិតស្និទ្ធ​ជាមួយ​ដៃគូ​ទាំងអស់​ហើយ​បន្ទាប់មក​…​អ្នក​អាច​រំពឹង​មាន​ការចូលរួម​នៅក្នុង​វិស័យ​​ជា​ច្រើន​ជាមួយ​ចិន​”៕

ទីតាំងផ្សាយពាណិជ្ជកម្ម

- Advertisment -

Most Popular