Home កីឡា មុន​ប្រកួត​យប...

មុន​ប្រកួត​យប់​នេះ លោក​ប៉េប ហ្គាឌី​អូ​ឡា ជឿថា Man City អាច​បំពេញ​កង្វះ​គ្រាប់​បាល់​ពី​ខ្សែប្រយុទ្ធ​បាន

​ប្រែ​សម្រួល : កញ្ញា​ដា​លី​ស ៖ លោក ប៉េប ហ្គាឌី​អូ​ឡា មាន​ជំនឿ​ចិត្ត​ថា ក្រុម​មេឃ​ខៀវ Manchester City មាន​កម្លាំង​គ្រប់គ្រាន់​ក្នុងការ​បំពេញ​កង្វះ​គ្រាប់​បាល់​ពី​ខ្សែប្រយុទ្ធ​ជួរមុខ​របស់​ខ្លួន​។​

លោក ប៉េប ហ្គាឌី​អូ​ឡា

​ក្រុម Man City មិន​មាន​សឺ​ជី​អូ អាក្វេ​រ៉ូ ជា​អ្នក​ស៊ុត​បញ្ចូល​ទី​ច្រើន​ជាង​គេ​អស់​រយៈពេល​ជា​ច្រើន​ខែ​នៃ​រដូវ​កាល​នេះ ដោយសារ​របួស​ផង​និង​ការធ្វើ​ចត្តា​ឡីស័​ក​ផង​លើ​កីឡាក​រអា​ហ្សង់​ទីន​រូបនេះ ដោយ​ប្រកួត​ទើបបាន ៣ ដង​និង​ស៊ុត​ចូល ២ គ្រាប់​ប៉ុណ្ណោះ​។​

​ខ្សែប្រយុទ្ធ​ជំនួស​គឺ​ហ្គា​ព្រីល យ៉េ​ស៊ូស ក៏​មាន​ទម្រង់​លេង​អន់​និង​ក៏​ឧស្សាហ៍​របួស​ដែរ ហើយ​រូបគេ​រក​គ្រាប់​បាល់​ទើបបាន ៦ គ្រាប់​ប៉ុណ្ណោះ បន្ទាប់ពី​មាន​បញ្ហា​របួស​និង​កើតកូ​វីដ​១៩​។​

​បញ្ហា​នេះ​បានធ្វើឱ្យ​អ្នក​ចាត់ការ​ទូទៅ​លោក​ហ្គាឌី​អូ​ឡា​ត្រូវ​ការស្វែងរក​ដំណោះស្រាយ​ផ្សេង​ដូចជា​ការដាក់​ខ្សែប្រយុទ្ធ​ស្លាប ហ្វើ​រ៉ាន់ តូ​រ៉េ​ស ធ្វើ​ជា​ខ្សែប្រយុទ្ធ​កណ្តាល​ឬ​លេង​ជា​ខ្សែបម្រើ​បង្កប់ខ្លួន​ជា “​ប្រយុទ្ធ​លេខ​៩​ក្លែងក្លាយ​”​។​

​វា​ប្រហែលជា​មិន​ល្អ​ឥត​ខ្ចោះ​ទេ ប៉ុន្តែ​បច្ចុប្បន្ន​នេះ Man City បាន​កត់ត្រា​ជ័យជម្នះ ១២ ប្រកួត​ជាប់​គ្នា​នៅគ្រប់​ការប្រកួ​តទាំង​អស់ ដូច្នេះ​នេះ​ស​បញ្ជាក់ថា​ផែនការ​បម្រុង​កំពុង​បង្ហាញ​ប្រសិទ្ធភាព​។

​លោក​ហ្គាឌី​អូ​ឡា​និយាយថា “​ជា​ធម្មតា​នៅពេល​ដែល​អ្នក​ឈរ​នៅលើ​កំពូល​តារាង​លី​ក​ឬ​កំពុង​ឈ្នះ​តំណែង​ជើងឯក អ្នក​ច្បាស់​ជា​មាន​ខ្សែប្រយុទ្ធ​ស៊ុត​ច្រើនជាងគេ​ម្នាក់​ឬ​ពីរ​នាក់​។ ឥឡូវ​នេះ​យើង​មិន​មាន​ខ្សែប្រយុទ្ធ​ចឹង​ទេ ហើយ​ខ្ញុំ​មិនដឹងថា​តើ​យើង​នឹង​មាន​វា​ឬ​អត់​ទេ​”​។​

“​សឺ​ជី​អូ​នឹង​វិលត្រឡប់​មក​វិញ ដោយ​សង្ឃឹមថា​នឹង​មក​ឆាប់ៗ​ទៅ​ចុះ ប៉ុន្តែ​ចំនួន​គ្រាប់​បាល់​ដែល​ហ្គា​ព្រីល​ស៊ុត​នៅ Premier League មិន​មាន​ច្រើន​នោះទេ​។​

“​អ្វី​ដែល​នឹង​ជួយ​យើង​ឱ្យ​នៅ​លើ​កំពូល​តារាង​គឺ​របៀប​ដែល​យើង​លេង​បាល់​។ ប្រសិនបើ​អ្នក​ដេក​យល់សប្តិ​ថា ខ្សែ​ប្រយុទ្ធ​នឹង​ដោះស្រាយ​បញ្ហា​របស់​យើង យើង​នឹង​មិន​ឈ្នះ​ការប្រកួត​ទេ​”៕

​ខាងក្រោម​នេះ​គឺជា​ការប្រកួត​បាល់ទាត់ EPL រាត្រី​ថ្ងៃ​ពុធ​នេះ ៖

01:00 [15] Burnley vs Manchester City [1]
01:00 [18] Fulham vs Leicester [4]
02:30 [11] Leeds vs Everton [8]
03:15 [9] Aston Villa vs West Ham [5]
03:15 [3] Liverpool vs Brighton [17]

 

ទីតាំងផ្សាយពាណិជ្ជកម្ម

- Advertisment -

Most Popular