Facebook លុប​ផេ​ក​មាន​ទំនាក់ទំនង​ជា​មួយ​ទូរទស្សន៍​យោធា​មី​យ៉ាន់​ម៉ា ក្រោយ​រដ្ឋប្រហារ​

​ប្រែ​សម្រួល : កញ្ញា​ដា​លី​ស ៖ ក្រុមហ៊ុន Facebook និយាយ​កាលពី​ថ្ងៃ​អង្គារ​ទី​០២ ខែ​កុម្ភៈ​ថា ខ្លួន​បាន​លុប​ផេ​កមួយ​ដែល​មាន​ទំនាក់ទំនង​នឹង​បណ្តាញ​ទូរទស្សន៍​ដែល​គ្រប់គ្រង​ដោយ​យោធា​មី​យ៉ាន់​ម៉ា បន្ទាប់​ពី​រដ្ឋប្រហារ​នៅ​សប្តាហ៍​នេះ​ដោយ​មេដឹកនាំ​យោធា​របស់​ប្រទេស​នេះ​។​

​ក្រុម​អ្នក​ស៊ើបអង្កេត​សិទ្ធិមនុស្ស​របស់​អង្គការសហប្រជាជាតិ​មុននេះ​បាន​និយាយថា ការនិយាយ​សម្អប់​នៅលើ Facebook បាន​ដើរតួនាទី​យ៉ាង​សំខាន់​ក្នុង​ការបង្ក​អំពើ​ហិង្សា​នៅ​ប្រទេស​មី​យ៉ាន់​ម៉ា​។ បណ្តាញ​សង្គម​មួយ​នេះ​បាន​ហាមឃាត់​បណ្តាញ​ទូរទស្សន៍​នេះ​ក្នុង​ឆ្នាំ ២០១៨ ។​

​អ្នកនាំពាក្យ​ម្នាក់​និយាយថា Facebook កំពុង​ចាត់​ទុក​ស្ថានភាព​ប្រទេស​នេះ​ថា​ជា​ភាពអាសន្ន​និង​ចាត់វិធានការ​បណ្តោះអាសន្ន​ដើម្បី​ការពារ​ប្រឆាំង​នឹង​គ្រោះថ្នាក់​ផ្សេងៗ​ដូចជា​ការដក​មាតិកា​​ដែល​សរសើរ​ឬ​គាំទ្រ​រដ្ឋប្រហារ​។​

​ពាក់កណ្តាល​នៃ​ប្រជាជន​មី​យ៉ាន់​ម៉ា​ចំនួន ៥៣ លាន​នាក់​ប្រើប្រាស់ Facebook ដូច្នេះ​មានន័យថា​ប្រជាជន​ភាគច្រើន​ស៊ាំ​នឹង​អ៊ី​ន​ធឺ​ណេត​។​

​ក្រសួង​ព័ត៌មាន​បាន​និយាយថា កាលពី​ថ្ងៃ​អង្គារ​យោធា​បាន​ព្រមាន​ប្រឆាំងនឹង​ការ​បង្ហោះ​ដំណឹង​ដែល​ខ្លួន​និយាយ​ជា​ពាក្យ​ចចាមអារ៉ាម​នៅលើ​បណ្តាញ​សង្គម​ដែល​អាច​ញុះញង់​កុបកម្ម​និង​បង្ក​អស្ថិរភាព ពោលគឺ​មួយថ្ងៃ​បន្ទាប់​ពី​កងទ័ព​បាន​ដណ្តើម​អំណាច​នៅក្នុង​រដ្ឋប្រហារ​៕

Facebook លុបចោល​ផេ​កណា​ដែល​មាន​ទំនាក់ទំនង​ជាមួយ​ទូរទស្សន៍​យោធា​មី​យ៉ាន់​ម៉ា

ទីតាំងផ្សាយពាណិជ្ជកម្ម

- Advertisment -

Most Popular