Home ព័ត៌មានជាតិ សង្គម ណែនាំ​មន្ត្រី...

ណែនាំ​មន្ត្រី​កម្លាំង​នគរបាល បំរើ​ប្រជាពលរដ្ឋ​ដោយស្មោះ​ត្រង់ និង​ខិតខំ​បំពេញការងារ​ជំនាញ​

ដោយ​: ប​.​ជ័យ / បន្ទាយមានជ័យ​: ណែនាំ​មន្ត្រី​កម្លាំង​នគរបាល បំរើ​ប្រជាពលរដ្ឋ​ដោយស្មោះ​ត្រង់ និង​ខិតខំ​បំពេញការងារ​ជំនាញ ការងារ​អន្តរាគមន៍​។​

​លោក​ឧត្ដមសេនីយ៍ទោ សិទ្ធិ ឡោះ ស្នងការ​នគរបាល​ខេត្តបន្ទាយមានជ័យ កាលពី​ថ្ងៃទី​០២ ខែកុម្ភៈ ឆ្នាំ​២០២១ ថ្លែង​ដូច្នេះ ក្នុង​ពិធី​ជួប​សំណេះសំណាល និង​ប្រកាស​ផ្ទេរ​ភារកិច្ច តែងតាំង​មុខតំណែង បំពាក់​ឋានន្តរស័ក្តិ ជូន​មន្ត្រី​នគរបាលជាតិ នៅ​អធិការដ្ឋាន​នគរបាល​ក្រុង​សិរីសោភ័ណ​។​

​លោក​ឧត្ដមសេនីយ៍ទោ​ក៏បាន​ពាំនាំ​មតិ​ផ្តាំផ្ញើ​ពី​សំណាក់ លោកនាយ​ឧ​ត្ត​ម​សេនីយ៍ សន្តិ​ប​ណ្ឧិ​ត នេ​ត សាវឿន អគ្គស្នងការ​នគរបាល​ជាតិ សួរសុខទុក្ខ​ដល់​កង កម្លាំង​នគរបាល​គ្រប់រូប ថែរក្សា​សុខភាព​ឱ្យបាន​ល្អ ។​

​ឆ្លៀតពេល​នោះដែរ លោក ឧ​ត្ត​ម​សេនីយ៍​ទោ ស្នងការ បានផ្ដល់​អនុសាសន៍ អោយកម្លាំង​នគរបាល បំរើ​ប្រជាពលរដ្ឋ​ដោយស្មោះ​ត្រង់ ហើយ​លោក​បាន ដាក់ចេញ​ទិសដៅ​អនុវត្ត​ចំនួន ០៦ មាន​៖
១-​ខិតខំ​ប្រឹងប្រែង​បន្ត​អោយមាន​សន្តិសុខ​សណ្ដាប់ធ្នាប់ និង​ការពារ​សន្តិភាព​។​
២-​ពង្រឹង​អនុវត្ត​គោលនយោបាយ ភូមិ ឃុំ មាន​សុវត្ថិភាព​។​
៣-​ដោះស្រាយ​ក្តីកង្វល់​ចំពោះមុខ​របស់​ប្រជាពលរដ្ឋ​។​
៤-​ព​ន្លើ​ន​ក្នុង​ការផ្តល់ អត្តសញ្ញាណប័ណ សៀវភៅ​គ្រួសារ ដល់​ប្រជាពលរដ្ឋ​។
៥-​គោរព​តា​តាម​ការណែនាំ​របស់​ក្រសួងសុខាភិបាល សម្អាត អនាម័យ គ្រប់ពេលវេលា​មុន​ចេញចូល​ធ្វើការ ។​
៦-​សាមគ្គីភាព ឯកភាព​ផ្ទៃក្នុង ចូលរួម​សហការ​ជាមួយ​គ្រប់​អជ្ញាធរ​ដែនដី​ពាក់ព័ន្ធ​ទាំងអស់​ដើម្បី​សំរេច​ជោគជ័យ​គ្រប់​ភារកិច្ច ៕​

ទីតាំងផ្សាយពាណិជ្ជកម្ម

- Advertisment -

Most Popular