Home ព័ត៌មានជាតិ សង្គម សាខា​កាកបាទក្...

សាខា​កាកបាទក្រហមកម្ពុជា​ខេត្តកំពង់ធំ​ប្រគល់​ផ្ទះ​ចំនួន ៣​ខ្នង និង​ចែក​អំណោយ​មនុស្សធម៌ ជូន​គ្រួសារ​ពលរដ្ឋ​ជីវភាព​ខ្វះខាត​

ដោយ​: ភ្នំ​ស្វាយ / បន្ទាយមានជ័យ​: សាខា​កាកបាទក្រហមកម្ពុជា​ខេត្តកំពង់ធំ កាលពី​ព្រឹក​ថ្ងៃទី​៣ ខែកុម្ភៈ ឆ្នាំ​២០២១​នេះ ប្រគល់​ផ្ទះ​ចំនួន ៣​ខ្នង និង​ចែក​អំណោយ​មនុស្សធម៌ ជូន​គ្រួសារ​ពលរដ្ឋ​ជីវភាព​ខ្វះខាត​ចំនួន​៦០​គ្រួសារ នៅ​ស្រុក​កំពង់ស្វាយ​។​

​ក្នុងនោះ បានប្រគល់​ផ្ទះ​ចំនួន ៣​ខ្នង ក្នុង​១​ខ្នងៗ​មាន​ទំហំ 4m x 6m ដែលមាន​ទីតាំង​បី​ផ្សេងគ្នា និង​ចែក​អំណោយ​មនុស្សធម៌​ជូន​ដល់​គ្រួសារ​ដែលមាន​ជីវភាព​ខ្វះខាត​ចំនួន ៦០​គ្រួសារ ស្ថិតនៅក្នុង​ឃុំ​កំពង់​គោ ស្រុក​កំពង់ស្វាយ ខេត្តកំពង់ធំ​។​

​លោក​សុខ លូ អភិបាលខេត្ត និង​ជា​ប្រធាន​គណៈកម្មាធិការ​សាខា​កាកបាទក្រហមកម្ពុជា​ខេត្តកំពង់ធំ បាន​ពាំនាំ​ការ​ផ្តាំផ្ញើ​សាកសួរ​សុខទុក្ខ​ពីស​ម្ដេច​កិត្តិ​ព្រឹទ្ធ​បណ្ឌិត​ប៊ុន រ៉ានី ហ៊ុន សែន ប្រធាន​កាកបាទក្រហមកម្ពុជា ដែល​តែងតែ​យកចិត្តទុកដាក់​ជួយ​ដល់​ពុក​ម៉ែ​បងប្អូន​ជា ដោយ​មិន​ទុក​ឲ្យ​បងប្អូន​ប្រជាពលរដ្ឋ​ណា​ម្នាក់ អត់​អាហារ ដោយ​មិនមាន​អាជ្ញាធរ​បានដឹង​។ ទីណា​មានទុក្ខ​លំបាក​ទីនោះ​តែងតែមាន​មន្ត្រី​កាកបាទក្រហម​ចុះជួយ​ជានិច្ច​។

​បាន​ថ្លែងអំណរគុណ ដល់​សម្ដេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន សែន ជា​ប្រធាន និង​សប្បុរសជន​នានា ដែល​បាន​ជួយ​ជ្រោមជ្រែង​ផ្តល់​អំណោយ​កាកបាទក្រហម សម្រាប់​យកមកចែក​ជូន​ដល់​បងប្អូន​ប្រជាពលរដ្ឋ​ដែលមាន​ជីវភាព​ខ្វះខាត​នាពេល​កន្លងមក​។

​ទន្ទឹមនឹងនោះ​លោក​ក៏បាន​ជំរុញ​ដល់​ប្រធាន​អនុសាខា​កាកបាទក្រហម​ស្រុក សូម​ខិតខំ​ស្វែងរក​អំណោយ​មនុស្សធម៌ នឹង​បន្ត​ចែក​អំណោយ​មនុស្សធម៌​ដល់​ប្រជាពលរដ្ឋ​ដែលមាន​ជីវភាព​ខ្វះខាត​នៅក្នុង​មូលដ្ឋាន ១​គ្រួសារ ឬ​២​គ្រួសារ ឱ្យបាន​ទាន់ពេលវេលា ៕​

ទីតាំងផ្សាយពាណិជ្ជកម្ម

- Advertisment -

Most Popular