Home ព័ត៌មានជាតិ សង្គម ផ្លូវដី​ឃុំ​ព...

ផ្លូវដី​ឃុំ​ព្រែក​អញ្ចាញ​នឹង​ប្តូរ​ជា​ផ្លូវ​បេតុង​នាពេលខាងមុខ​

ដោយ​: យោធិន / កណ្តាលៈក្រុមការងារ​រាជរដ្ឋាភិបាល ចុះ​មូលដ្ឋាន​ឃុំ​ព្រែក​អញ្ចាញ ស្រុក​មុខកំពូល ខេត្តកណ្តាល ជ្រោមជ្រែង​ដោយ​លោក​ឧ​ត្ត​ម​សេនីយ៍​ឯក គង់ អៀង ទីប្រឹក្សា​សម្តេច​តេ​ជោ​ហ៊ុនសែន​នាយករដ្ឋមន្ត្រី នៃ​ព្រះរាជាណាចក្រ​កម្ពុជា បាន​បង្កើន​សកម្មភាព​ស្ថាបនា​ផ្លូវ​បេតុង ក្នុង​មូលដ្ឋាន​ឃុំ​ព្រែក​អញ្ចាញ​ជា​បន្តបន្ទាប់​សំដៅ​អភិវឌ្ឍ​មូលដ្ឋាន​ខាងលើនេះ ឲ្យ​មាន​ប្រព័ន្ធ​ផ្លូវ​បេតុង​ខ្វាត់ខ្វែង​ទាំងអស់ ដើម្បី​ផ្តល់​ភាពងាយស្រួល​ក្នុង​ការធ្វើ​ចរាចរណ៍​ឲ្យ​ដល់​បងប្អូន​ប្រជាពលរដ្ឋ​ក្នុង​មូលដ្ឋាន​ខាងលើនេះ ហើយក៏​ដើម្បី​លុបបំបាត់​ទាំងស្រុង​ផ្លូវដី​រដិបរដុប​នាពេល​កន្លងទៅ​ផងដែរ​។​

​នេះ​បើតាម​ប្រសាសន៍​លើកឡើង​របស់​ឧ​ត្ត​ម​សេនីយ៍​ឯក គង់ អៀង ទីប្រឹក្សា​សម្តេច​តេ​ជោ​ហ៊ុនសែន​នាយករដ្ឋមន្ត្រី​នៃ​ព្រះរាជាណាចក្រ​កម្ពុជា ក្នុងឱកាស​អញ្ជើញ​ចុះ​ពិនិត្យ​សកម្មភាព​ស្ថាបនា​ផ្លូវ​បេតុង​ក្នុង​មូលដ្ឋាន ឃុំ​ព្រែក​អញ្ចាញ នា​ដំណាច់​ខែមករា ឆ្នាំ​២០២១​ន្ល​ង​ទៅ​ថ្មីៗ​នេះ​។​

​សូមបញ្ជាក់ថាៈ​សមិទ្ធផល​ប្រព័ន្ធ​ផ្លូវ​បេតុង​ខ្វាត់ខ្វែង​ស្ទើរ​ពេញ​ទាំងមូល​ដ្ឋា​ឃុំ​ព្រែក​អញ្ចាញ​ខាងលើនេះ​គឺជា​អំណោយ​ដ៏​ថ្លៃថ្លា​របស់​ប្រមុខ​រាជរដ្ឋាភិបាល ហើយក៏​មានការ​ចូលរួម​ចំណែក​ថវិកា​ពី​បងប្អូន​ប្រជាពលរដ្ឋ​ផងដែរ​។​

​លោក​វរសេនីយ៍ទោ សង គឹម​ហៀ​ង នាយទាហាន​ក្នុង​កងឯកភាព​លេខ​១៨១ នាយកដ្ឋាន​វិស្វកម្ម​ក្រសួង​កា​ពារ​ជាតិ ដែល​ទទួលបន្ទុក​ក្នុងការ​ស្ថាបនា​ផ្លូវ​បេតុង ក្នុង​ឃុំ​ព្រែក​អញ្ចាញ​ខាងលើនេះ​បានបញ្ជាក់​ឲ្យ​ដឹងថាៈ​មកទល់នឹង​ពេល​បច្ចុប្បន្ននេះ​ការងារ​ស្ថាបនា​ផ្លូវ​ក្រាល​បេតុង​សម្រេចបាន​ប្រវែង​២៦៦០​ម៉ែត្រ​។

​លោក​វរសេនីយ៍ទោ សង គឹម​ហៀ​ង បានបញ្ជាក់​បន្ថែមថា បច្ចុប្បន្ននេះ​កងកម្លាំង​ជំនាញ​វិស្វកម្ម​កង​លេខ​១៨១​នៃ​នាយកដ្ឋាន​វិស្វកម្ម​ក្រសួងការពារជាតិ បាននិងកំពុង​ស្ថាបនា​លូវ​បេតុង​ថ្មី​មួយ​ខ្សែ​ទៀត ប្រវែង​ជាង​៩០០​ម៉ែត្រ ទទឹង​៦​ម៉ែត្រ និង​កម្រាស់​០,២០​ម៉ែត្រ ឲ្យ​បាន​រួចរាល់​ជា​ស្ថាពរ​នា​ថ្ងៃទី​១០ ខែកុម្ភៈ ឆ្នាំ​២០២១ ខាងមុខនេះ​៕​

ទីតាំងផ្សាយពាណិជ្ជកម្ម

- Advertisment -

Most Popular