មន្ត្រី​ជំនាញ​ធនធាន​រ៉ែ​ត្រូវ​គ្រប់គ្រង​ការងារ​ឱ្យបាន​ល្អ ដើម្បី​ការរស់នៅ​របស់​ប្រជាពលរដ្ឋ និង​កំណើន​ប្រាក់ចំណូល​ពន្ធ​

ដោយ​: បូកគោ / កំពត​: មាន​ប្រសា​ស៍​ក្នុង​កិច្ចប្រជុំ​គណៈ​អភិបាលខេត្ត​កាលពី​ព្រឹក​ថ្ងៃទី​៣ ខែកុម្ភៈ ឆ្នាំ​២០២១ លោក​អភិបាលខេត្ត​កំពត​បាន​ណែនាំ​ដល់​មន្ត្រី​ជំនាញ​ធនធាន​រ៉ែ និង​អាជ្ញាធរ​ពាក់ព័ន្ធ​ត្រូវ​ត្រួតពិនិត្យ​គ្រប់គ្រង ព្រមទាំង​អនុវត្ត​ការងារ​ឱ្យបាន​ច្បាស់លាស់​ដើម្បី​ការរស់នៅ​របស់​ប្រជាពលរដ្ឋ ក៏ដូចជា​កំណើន​ប្រាក់ចំណូល​ពន្ធ​។​

​លោក​ជាវ តា​យ អភិបាលខេត្ត​កំពត​បា​ន​មានប្រសាសន៍ថា​បច្ចុប្បន្ន​ការជីក​កាយ និង​ដឹកជញ្ជូន​ដី ថ្ម ខ្សាច់ ព្រមទាំង​សារធាតុ​រ៉ែ​ផ្សេងៗ​ទៀត​កំពុងមាន​សកម្មភាព​គ​គ្រឹក​គគ្រេង​ក្នុង​ក្រុង​ស្រុក​ទូទាំង​ខេត្ត​។ ប្រជាពលរដ្ឋ​បានធ្វើ​សេចក្តីរាយការណ៍​ផ្ទាល់​ចូលមក​ឯកឧត្តម​មិនសូវ​លោះ​ពេល​ទេពី​ការដឹក​ដី​បង្ក​ឱ្យ​ខូច​ផ្លូវ និង​ហុយធូលី​រំខាន​កា​រស់នៅ ក៏ដូចជា​ការធ្វើដំណើរ​ស្ទើរ​គ្រប់​ទីកន្លែង​។ ផ្តើមចេញពី​ពាក្យរិះគន់​ទាំងនេះ មន្ត្រី​ជំនាញ និង​គ្រប់​អាជ្ញា​ធរមាន​សមត្ថ​ត្រូវ​ចុះ​ត្រួតពិនិត្យ និង​ចាត់វិធានការ​ឱ្យបាន​តឹងរ៉ឹង​បំផុត ដើម្បី​ផ្តល់​ភាពសុខដុមរមនា​សម្រាប់​ប្រជាពលរដ្ឋ​ដែល​ទទួលរង​ផល​អាក្រក់ ដោយសារ​សកម្មភាព​បែ​ប​អនាធិបតេយ្យ​នោះ​។

​លោក​អភិបាលខេត្ត​បាន​បន្តថា មន្ត្រី​ក្នុង​ដែន​សមត្ថកិច្ច​ត្រូវ​តាមដាន​ឱ្យបាន​ហ្មត់ចត់ ដោយ​តម្រូវឱ្យ​គ្រប់​អ្នក​ដឹកជញ្ជូន​អនុវត្តតាម​បទដ្ឋាន ដើម្បី​កាត់បន្ថយ​ទាំង​ការខូចខាត​ផ្លូវ ក៏ដូចជា​ក្តី​ប្រឈម​ចំពោះ​សុខភាព​នៃ​អ្នកដំណើរ និង​ប្រជាពលរដ្ឋ​រស់នៅ​តាម​បណ្តោយ​ផ្លូវ​ជាដើម​។ ម្យ៉ាងទៀត នៅពេល​មន្ត្រី​ជំនាញ​ក្តាប់បាន​ណែន​លើ​អាជីវកម្ម​ពាក់ព័ន្ធ​កិច្ចការ​រ៉ែ​ស្ថិតក្នុង​ដែន​គ្រប់គ្រង​របស់ខ្លួន​នោះ​ប្រាក់ចំណូល​រដ្ឋ​នឹង​កើនឡើង​ជាក់​ជាមិនខាន​។

​លោក ជាវ តា​យ បាន​លឹក​ថា មន្ត្រី​ជំនាញ ព្រមទាំង​អាជ្ញាធរ​ពាក់ព័ន្ធ​ត្រូវ​ចាត់វិធានការ​ដោយ​ភាពម៉ឺងម៉ាត់​តែ​ទន់ភ្លន់ ចំពោះ​អ្នកប្រព្រឹត្ត​លើ្ម​សនឹង​ផ្លូវច្បាប់​។ ប្រសិនបើ​មន្ត្រី​ក្នុង​ដែន​ជំនាញ​ព្រងើយកន្តើយ​នោះ ការអនុវត្ត​ច្បាប់​នឹងមាន​ភាព​ធូររលុង ហើយ​រដ្ឋ​ក៏ត្រូវ​បាត់បង់​ប្រាក់ចំណូល​ផងដែរ​៕​

ទីតាំងផ្សាយពាណិជ្ជកម្ម

- Advertisment -

Most Popular