Home ព័ត៌មានជាតិ សង្គម សុខភាព​កុមារ​...

សុខភាព​កុមារ​ជា​កត្តា​ចម្បង​ដើម្បី​ទទួលបាន​ធនធានមនុស្ស​ប្រកបដោយ​គុណភាព​

 

​ដោយៈ​បូកគោ​/​កំ​ពតៈ ថ្នាក់ដឹកនាំ​នៃ​គណៈកម្មាធិការ​កាកបាទ​ក្រហម​កម្ពុជា​សាខា​ខេត្តកំពត បាន​ក្រើនរំលឹក​ដល់​អ្នកគ្រប់គ្រង និង​លោកគ្រូ​អ្នកគ្រូ ឱ្យ​យកចិត្តទុកដាក់​ជា​ចម្បង ចំពោះ​សុខភាព​សិស្សានុសិស្ស ដើម្បី​ទទួលបាន​នូវ​ធាន​ធាន​មនុស្ស​ប្រកបដោយ​គុណភាព​ទៅ​ថ្ងៃ​អនាគត នៅក្នុង​ពិធី​សម្ពោធ​​​​​​នូវ​អណ្តូង​ទឹកស្អាត និង​កន្លែង​លាង​សម្អាត​ដៃ​សម្រាប់​លោកគ្រូ អ្នកគ្រូ ព្រមទាំង​សិស្សានុសិស្ស​បាន​ប្រើប្រាស់​ប្រចាំថ្ងៃ នា​ព្រឹក​ថ្ងៃទី​៣ ខែកុម្ភៈ ឆ្នាំ​២០២១ នៅ​សាលាបឋមសិក្សា​រលួស​ស្ថិតក្នុង​ឃុំ​បឹង​ទូក ស្រុក​ទឹកឈូ​។​

​លោកស្រី​លាង​ហៃ ជាវ​តា​យ អនុប្រធាន​អចិន្ត្រៃយ៍​គណៈកម្មាធិការ​កាកបាទក្រហមកម្ពុជា​សាខា​ខេត្តកំពត​បាន​មានប្រសាសន៍ថា ដើម្បី​ទទួលបាន​នូវ​ធាន​ធាន​មនុស្ស​ប្រកបដោយ​គុណភាព​នាពេល​អនាគត គ្រប់ផ្នែក​ពាក់​ព័ន្ធ ក៏ដូចជា​អ្នកគ្រប់គ្រង និង​លោកគ្រូ អ្នកគ្រូ​ទាំងអស់​ត្រូវ​យកចិត្តទុកដាក់​ចំពោះ​សុខភាព​កុមារ​ជា​ចម្បង​។ ផ្តើមចេញពី​បញ្ហា​នេះ សូម​លោកគ្រូ អ្នកគ្រូ​បន្ត​ក្រើនរំលឹក​ដល់​សិស្សានុសិស្ស​ឱ្យ​អនុវត្ត​វិធីសាស្ត្រ​ល្អៗ​មួយចំនួន ដូចជា​ត្រូវ​ពិសា​ទឹក​ដាំ​ពុះ និង​លាងដៃ​ឱ្យបាន​ស្អាត​មុនពេល​បរិភោគ​អាហារ​។ ការប្រតិបត្តិ​បាន​នូវ​ទម្លាប់​ទាំងនោះ​នឹង​អាចជួយ​កុមារ​ឱ្យ​ជៀស​ផុតពី​ជំងឺ​តម្កាត់​ផ្សេងៗ​។

​ពាក់ព័ន្ធ​នឹង​សមិទ្ធផល​ថ្មី ដែល​បានដាក់​ឱ្យប្រើ​ប្រាស់​នេះ លោកស្រី​អនុប្រធាន​អចិន្ត្រៃយ៍​បានបញ្ជាក់​ថា ដោយសារ​តំបន់​មួយចំនួន​អាច​ប្រឈម​នឹង​គ្រោះរាំងស្ងួត​ព្រោះតែ​បម្រែបម្រួល​អាកាសធាតុ សូម​លោកគ្រូ អ្នកគ្រូ និង​ក្មួយៗ​កុមារា​កុមារី​ចូលរួម​ប្រើប្រាស់​ទឹក​តាម​លក្ខណៈ​សន្សំសំចៃ​ទាំង​ទឹកស្អាត ក៏ដូចជា​ទឹក​មិន​ស្អាត​នោះ​។ ជាមួយគ្នានេះ សូមអ្នក​គ្រប់គ្រង លោកគ្រូ អ្នកគ្រូ និង​ប្អូនៗ​ជា​សិ​ស្សា​នុ​ស្សិ​នៅក្នុង​សាលាបឋមសិក្សា​រលួស​ទាំង​មូល​ចូលរួម​ថែរក្សា​អណ្តូង​ទឹកស្អាត និង​កន្លែង​លាង​សម្អាត​ដៃ​ដែលជា​សមិទ្ធផល​ថ្មី​ឱ្យ​គង់វង្ស​ដើម្បី​បាន​ប្រើប្រាស់​យូរអង្វែង​៕​

ទីតាំងផ្សាយពាណិជ្ជកម្ម

- Advertisment -

Most Popular