​ប្រទះឃើញ​ស្ត្រី​មាន​ផ្ទៃពោះ​៥​ខែ​ម្នាក់​ស្លាប់​ក្នុង​បន្ទប់​ជួល​

​ដោយៈ​ស​រិ​ទ្ធ​/​ភ្នំពេញ​៖​ប្រជាពលរដ្ឋ​រស់នៅ​ជិតខាង​បាន​ប្រទះឃើញ​ស្ត្រី​មាន​ផ្ទៃពោះ​៥​ខែ​ម្នាក់​ស្លាប់​ក្នុង​បន្ទប់​ជួល​មួយកន្លែង​កាលពី​វេលា​ម៉ោង​៩​ព្រឹក​ថ្ងៃទី​៣ ខែកុម្ភៈ ឆ្នាំ​២០២១ នៅ​ភូមិ​ព្រែក​ទាល់ សង្កាត់​ស្ទឹងមានជ័យ​ទី​២ ខណ្ឌមានជ័យ រាជធានី​ភ្នំពេញ ។​

​ស្ត្រី​រងគ្រោះ​ឈ្មោះ ឈុត និ​ត អាយុ​៣៦​ឆ្នាំ ជា​កម្មករ​ក្រុមហ៊ុន​ស៊ិន​ទ្រី ផ្នែក​បោស​ជូត និង​មាន​ស្រុកកំណើត​នៅ​ខេត្តកំពង់ចាម ។ ស្ត្រី​រងគ្រោះ​រូបនេះ​ធ្លាប់មាន​ប្តី​២​នាក់​រួចមកហើយ ដោយ​មានកូន​ចំនួន​៣​ក្នុងបន្ទុក​គ្រួសារ​ផងដែរ ។ បច្ចុប្បន្ន​ស្ត្រី​រងគ្រោះ​ស្នាក់នៅ​តែម្នាក់ឯង​បន្ទាប់ពី​ប្តី​ទី​៣​របស់​ស្ត្រី​រងគ្រោះ​បាន​ចុះចោល​គាត់​អស់​រយៈពេល​៣​ខែ​កន្លង​គ្រា​ដែល​ស្ត្រី​រងគ្រោះ​កំពុង​ពរ​ពោះ​កូន​ក្នុង​ផ្ទៃ​៥​ខែ​ផងដែរ ។​

​តាម​ប្រភពព័ត៌មាន​ពី​ប្រជាពលរដ្ឋ​ម្នាក់​ដែល​រស់នៅ​ក្បែរ​បន្ទប់​ជួល​របស់​ស្ត្រី​រងគ្រោះ​ខាងលើ​នោះបាន​ប្រាប់​ឱ្យដឹងថា​អស់​រយៈពេល​២​ថ្ងៃ​កន្លង​នេះ​ចេះតែមាន​ក្លិនស្អុយ​ដោយ​មិនដឹង​សាយភាយ​មកពីណា​ឡើយ​។​លុះ​យប់​ថ្ងៃទី​២​កុម្ភៈ​ម្សិលមិញ​នេះ​ក្រុម​ក្មេងៗ​បាននាំគ្នា​អើតមើល​តាម​ប្រហោង​បង្អួច​បន្ទប់​ស្ត្រី​រងគ្រោះ​ក៏បាន​ឃើញ​នាង​ដេក​ផ្ញា​រ​និង​មាន​ឈាម​ហូរ​ជាច្រើន​ផងដែរ​។​បន្ទាប់ពី​ឃើញបែបនេះ​ក្រុម​ក្មេងៗ​ទាំងនោះ បាន​រត់​ទៅប្រាប់​ឪពុកម្តាយ​ដែរ​ប៉ុន្តែ​ពុំមាន​ន​ណារ​ជឿ​ឡើយ​។​តាម​ប្រភព​ដដែល​បាន​បន្តថា​លុះ​ព្រឹក​ថ្ងៃទី​៣​កុម្ភៈ​ចេះតែ​ធុំ​ក្លិនស្អុយ​កាន់តែខ្លាំង​ទៅៗ​ក្រុម​ឪពុកម្តាយ​ក្មេងៗ​ទាំង​នោះបាន​រាយការណ៍​ទៅ​ម្ចាស់​បន្ទប់​ជួល​តាម​សម្តី​របស់​កូនៗ​ដែល​បាន​ប្រាប់​នោះ​ដើម្បីអោយ​ម្ចាស់​ផ្ទះជួល​ចូលទៅ​ពិនិត្យមើល​។​
​តាម​ប្រភព​ដដែល​បាន​បន្តទៀតថា​បន្ទាប់ពី​ម្ចាស់​ផ្ទះជួល​បានទទួល​ព័ត៌មាន​បែបនេះ​ហើយក៏​រាយការណ៍​បន្ត​ជូន​សមត្ថកិច្ច​មូលដ្ឋាន​ដើម្បី​គាស់​ទ្វារ​បន្ទប់​ជួល​ចូលទៅ​ពិនិត្យមើល​ទាំងអស់គ្នា​ព្រោះ​បន្ទប់​នោះ​ត្រូវ​ចាក់សោ​.​ពី​ខាងក្នុង​។​លុះ​ពេល​កម្លាំង​នគរបាល​និង​ក្រុម​អាជ្ញាធរ​សង្កត់​ទៅដល់​ក៏បាន​នាំគ្នា​គាស់​ទ្វារ​បន្ទប់​ចូលទៅ​ខាងក្នុង​ស្រាប់តែ​ប្រទះឃើញ​សព​ស្ត្រី​រងគ្រោះ​ដេកស្លាប់​ប្រាកដ​មែន​ដោយ​សព​មាន​សភាព​ស្អុយរលួយ និង​ប្រឡាក់​ពេញ​ទៅដោយ​ឈាម ។​


​តាម​ប្រភពព័ត៌មាន​ពី​ក្រុម​អ្នក​ជួល​ផ្ទះ​ក្បែរ​នោះបាន​អោយដឹងទៀតថា​កាលពី​ប៉ុន្មាន​ថ្ងៃ​កន្លងទៅ​ស្ត្រី​រងគ្រោះ​ធ្លាប់បាន​ដើរ​ប្រាប់​អ្នកជិតខាង​ថា​នាង​នឹង​លេបថ្នាំ​ទម្លាក់​កូន​ចោល​។​លុះ​២​ទៅ​៣​ថ្ងៃក្រោយ​មក​ក៏​បាត់​ស្ត្រី​រងគ្រោះ​ឈឹង​តែម្តង​ដោយ​មិនដឹងថា​នាង​នៅក្នុង​បន្ទប់​ឬ​រវល់​ចេញទៅ​ក្រៅ​ឡើយ ព្រោះ​ទាំង​ម្ចាស់​ផ្ទះជួល និង​អ្នករស់នៅ​បន្ទប់​ក្បែរ​នោះ មិន​បានឃើញ​ស្ត្រី​រងគ្រោះ​ឡើយ​ហើយក៏​មិនបាន​ចាប់អារម្មណ៍​ថា ស្ត្រី​រងគ្រោះ​បាត់​ខ្លួន​ដែរ ។
​ក្រោយពេល​កើតហេតុ​កម្លាំង​នគរបាល​ផ្នែក​កោសល្យ​វិ​ច្ច័​យ​បាន​ចុះ​ធ្វើការ​ពិនិត្យ​ដោយ​បញ្ជាក់ថា​ស្ត្រី​រងគ្រោះ​បាត់បង់​ជីវិត​ដោយសារ​ការបាត់បង់​ឈាម​ច្រើនពេក​ព្រោះតែ​នាង​លេបថ្នាំ​ទម្លាក់​កូន​។​បន្ទាប់ពី​ពិនិត្យ​និង​ធ្វើ​កោសល្យ​វិ​ច្ច័​យ​រួចហើយ​សមត្ថកិច្ច​ពុំ​អាច​ទំនាក់ទំនង​ទៅ​សាច់ញាតិ​របស់​ស្ត្រី​រងគ្រោះ​បានឡើយ ក៏​សម្រេច​ដឹកយក​ទៅកាន់​វត្ត​ទឹកថ្លា ដើម្បី​បូជា​នៅ​ទីនោះ​តែម្តង ។​ពាក់ព័ន្ធ​នឹង​ករណី​ខាងលើ​នេះដែរ គេ​ក៏​សង្កេតឃើញ​វត្តមាន​ប្តី​ទី​៣​របស់​ស្ត្រី​រងគ្រោះ​បានមក​ដល់ទី​តាំង​កើតហេតុ តាម​ការហៅ​មក​សួរនាំ​ពី​សំណាក់​សមត្ថកិច្ច ។ លុះ​ពេល​សមត្ថកិច្ច​ធ្វើការ​សួរនាំ​រួច​បុរស​រូបនោះ​ក៏​ចាកចេញ​ទៅវិញ​ដោយ​មិនបាន​ដឹងឮ​ជុំវិញ​ការបាត់​បង់ជីវិត​រប​ស់​ស្ត្រី​រងគ្រោះ​ជា​ប្រពន្ធ​ឡើយ ព្រោះ​ពួកគាត់​បាន​បែកបាក់​គ្នា​អស់​រយៈពេល​៣​ខែ​កន្លងមកហើយ ៕​.mara

ទីតាំងផ្សាយពាណិជ្ជកម្ម

- Advertisment -

Most Popular